¹ Ee, Mlume , uhuliche kiine, uhuliche lilo lyanyi, Utege litu lyobe wa usaba wanyi, Ushihuhuma u milomo gya buubi. ² Uononywa wanyi na uhume oli, Meso mobe na malingamine bihisho bya yano. ³ Watonda mtima gwanyi, wanjwilila m'busugu, Wamangisiya usamona inywa; Nilihubenja anywa anyi ashilube, ⁴ Ulamana na bigilanywa bya batu; Wa yulu ya inywa ya milomo gyobe Nalibagula na madila ma batu ba buhulihuli. ⁵ Maasa manyi malihugyata mmadila mobe, Matamba manyi masahumiwa mmadila mobe. ⁶ Ee Abetcha, Nuugita yulu wigitabuwa, Utege litu lyobe uhuliche inywa nanyi. ⁷ Uimonye hululu yano yobe ya ugagicha Gogwe usubahogonona bene bali huusinina; Wa uboo obe wa ulume Ubahogonone na baya bene balihubala. ⁸ Uukuse nahi abetcha a liso, Umbise hasi ha bihwahwa byobe; ⁹ Bashimone baya bene bashi na kiine baya balihumonena, Tumangu twa mtima gwanyi tulihunyunguluwa. ¹⁰ Bagumya mtima gobe, Wa tunywa twabo tulihuhuma ulimona. ¹¹ Bino balihuchunguluwa matamba metu, Na ucheelecha meso mabo batugwishe hasi. ¹² Nahi wa mlingilisho gwa tambwe gilihubenja uhaga, Nahi mwana tambwe gulihubisanima u mabiso mage. ¹³ Ee Mlume, uggimane, ushenene, uginamye, Wa ahiluobe uhogononye ichuli-chulu yanyi ya mwego na mtu m'bii. ¹⁴ Ee Mlume, wa uboo obe opogononye na batu, Batu ba gino sii ihichi yabo ili mguno mwego. Magumo mabo bamagilucha wa lindo lyobe, Balihugyuta baana, balihushigila baana babo lindo lyabo, ¹⁵ Mndi nene nalingamine yenyi yobe wa kiine , Handibyuwa nagyuswe wa yenyi yobe.