¹ Abetcha, umbise nene, Bululi nusinina Gogwe. ² Nimsambile Mlume, Noo Mlume gwanyi; Nishi na yano ila ilihuhuma obe. ³ Bahaha bali mno mmibaloo noo bali babenju abisa, Babo noo bandi hubenja . ⁴ Uchigililwa wabo wiongecheka Balihumgalula Abetcha wa gunge; Nishihongolola lutangi lwabo lwa mashi, Na umalumbula machina mabo umilomo gyanyi. ⁵ Mlume noo ihichi ya iliwa yanyi, Na isengo yanyi ya unywa; Gogwe wiwata usobolwa wanyi. ⁶ Migochi gyanyi gyangwilila ha habenju, Ehe, Nahewa buhyana bubenju. ⁷ Nimtona Mlume gupele lango, Ehe, mtima gwanyi gwangigya m'busugu. ⁸ Nam'biya Mlume mbele gyanyi abisa, YUlu guli uboo wanyi wa ulume, Nishihumiwa. ⁹ Wa bibyo mtima gwanyi guli huseya , Nao ugengeda wanyi uluhuseelela, Ehe, m'bili gwanyi guli husha wa maudagilo. ¹⁰ Bululi ushiushigila usinda ichuli-chuli yanyi ya mwego, Na ushimmumya mmaha gobe umuna ubola. ¹¹ Wi ngigya ndila gya mwego; saso lili be umbele wa meso mobe; Na lubi lwa uboo obe wa ulume uli bisoga milumbu.