¹ Haleluya. Mtonywe Mlume; Bululi ii bisoga ugimbila Abetcha etu, Bululi bili bisoga utona ii ubenju ² MLUME noo gusugubaa Yelusalemu, Gususumbicha basalilwe ba Baisilaeli. ³ Husubahonya bene manogeye mtima, Na umagilaha malase mabo. ⁴ Gusubala bwingi bwa tumbalambala, Gusutuha tose machina. ⁵ MLUME, gwetu ii mmata na gwa uoma wingi, Lwenyi lwage lushi na isula. ⁶ MLUME gusubawatilicha bene bali bahochu, Gusubagwisha hasi bene bali na buhulihuli. ⁷ Mgimbilwe MLUME wa umma buswachi, Mumgimbile Abetchaetu wa inubi. ⁸ Gusuunina gulu na matimba, Gusugilongecha sii na mbula, Na umenya byaanyi mkoono. ⁹ Gusuha nyama iliwa yage, Baana ba bimombo-mombo balihulila. ¹⁰ Usibaunda uoma wa falasi, Na ushibabenja uoma wa magulu mabatu. ¹¹ MLUME gusubabenja baya bali humnyemya, Na uihemba yanoyage. ¹² Mtone MLUME, Ee Yelusalemu; ¹³ Bululi gwaomya byiki bya michango gyage. Gwabahala mihaa baana bene bali hawingi hobe. ¹⁴ Noo guya hulihulusha talala u ng'umba chobe, Gulihuugyusha wa unaga wa ngano. ¹⁵ Gusuhila alagoage hegulu ha sii, Inywa yage ilihuhinga abilo abisa.. ¹⁶ Gee noo gusuhila imee nahi maso ma moyoo, Gusuhongolola imundi-mundi nahi mtoo, ¹⁷ Gusitela mbula gya mawe nahi maombo, Umbele wa peho gyage mnanyi gunaosha ugimana? ¹⁸ Gusuhila inywa yage na ubisumbulula, Gusututa mnaga gwage, madi noo uhongolowa. ¹⁹ Gusumsambila Yaboko inywa yage, Na Isilaeli alago age na uonona wage. ²⁰ Gushigilile mmoga gogose bigilanywa nahi bibyo, Ata uonona wage gushibamaninye. Haleluya.