¹ Haleluya. Ee ichuli-chuli yanyi yamwego umtone MLUME. ² Nimtona MLUME mengo manyo mose mandibi na mwego, Nimgimbila Abetcha anyi nili na mwego. ³ Mushibaudagile bahela, Ata mtu gegese gushi na uhogonona weli. ⁴ Luhuda lwage lusuuhuma, gusugiwila bitete byage, Lulo lusugu malanga mage masuchimina. ⁵ Luhanga lusoga wa mtu guya Abetcha a Yakobo ii mbwatilicho gyage, Na maudagilo mage ii wa MLUME, Abetcha age, ⁶ Gubumbile gulu na sii, Bahali na byose byine bilimo. Gusuwata kiine milumbu, ⁷ Husubaitila uononywa baya balihumonenywa, Gusubaha biliwa bene balina ndala; MLUME gususula bahambwa; ⁸ MLUME busubulula meeso ma bihobu; MLUME gusuginuna bene balibaginamu; MLUME gusuunda bene bali na kiine; ⁹ MLUME gusubisa bagenyi; Gusubawatilicha shige na m'bwile; Bibyo ndila gya bene bashi na kiine gusugihengeya. ¹⁰ MLUME gwitabala milumbu, Abetcha obe, Ee Sayuni, ibushi ndaa na ibushi. Haleluya.