¹ Haleluya. Mtonywe MLUME uhuma hegulu ha gulu; Mtonywe ha ihana ya hegulu. ² Mtonywe benye bamalaika bago bose; Mtonywe, bilume pambwa byage byose. ³ Mtonywe, chuba na mwechi; Mtonywe tumbala-mbala tose twina lwenge. ⁴ Mtonywe, benywe gulu lya gulu, Menywe madi mali hegulu ha gulu. ⁵ Na bitone china lya MLUME, Bululi guganine byo nubumbwa. ⁶ Gubibiile utula milumbu na milumbu, Guhanene alago nao ashihita. ⁷ Mtonywe MLUME mnda ibaloo, Chenywe nyangumi na mabenga mose. ⁸ Ahyaa na mbula gya mawe, imee na kunguku, Mnaga gwa isukishi gulihugila inywa yobe. ⁹ Koono na tuono tose, Miti gyine gyina bigumana miamba gyose. ¹⁰ Ng'wena, na nyama chisusugwa, Chisulibula na tunonyi twa bihwahwa. ¹¹ Maoolo ma sii na batu bose, Baosobu na bashami bose ba i8no ibaloo. ¹² Bawalubaga, na bawamisiha, Baulu, na baana; ¹³ Na balitone china lya MLUME,Bululi china lyage gee buchima lyaginunywa; Ugengeda wage uli hegulu ha sii na gulu. ¹⁴ Nage gwabaginunina batu bage lwiga, Punda cha basobolwa babe bose; Baana ba Isilaeli, batu bali hoka nage.Haleluya.