¹ Ee MLUME, upogonone na mtu msone. Ukuse na mtu gwa buhulihuli. ² Balanngile bisone mmitima gyabo, Masugu mose basuchwisha bita. ³ Banonya ndimi chabo nahi madowa, Sumu cha suti chili hasi ha milono gyabo. ⁴ Ee MLUME, ukuse na maboo ma mtu gushi gwa kiine; Umbise na mtu gwa buhulihuli; Balangile bahogononye matamba manyi. ⁵ Bene bina buhulihuli bambisila gochi na mgochi; Baganda bwila habamba ha ndila; Bambiila mitala gya migochi. ⁶ Nimsambile MLUME, Noo Gogwe abetcha anyi; Ee MLUME, Ulihuliche lidi lya usaba wanyi. ⁷ Ee ABETCHA Mlume, uoma wa uhogononywa wanyi, Waunina mswe gwanyi lusugu lwa bita. ⁸ Ee MLUME, ushimme gushi na kiine itima yage, Ushiginune buyanja bwage, bashichwe uliginuna. ⁹ Nabo habiginuna miswe batu bene bali banyungulubu, Usona wa milomo gyabo ubaunine. ¹⁰ Maala ma ahyaa mabagwilile, batelwe mmahyaa, Na mnda biina, yulu bashigimane iyaka. ¹¹ Guchingana gushibiwa ubamnda ibaloo, Mtu gwa buhulihuli, buube bwimmiba umchimya. ¹² Nigidi ugana MLUME, gwimmitila alema uonona, Na basabi kiine gyabo. ¹³ Winenebene bina kiine bilitona china lyobe, Beene bina misa bishama wihana yine yoli Gogwe.