¹ Ee MLUME, unjeeleche na uumana. ² Gogwe ugidi ushama wanyi na ugyata wanyi; Ulimanine langa lyanyi utula uya koo. ³ Ulolile ugyata wanyina ulala wanyi, Ugidi madilamanyi mose. ⁴ Bululi mnda lililmi lwanyi mushi inywa Yoshigidi abisa MLUME. ⁵ Wanyunguluwa unyumana umbele, Wambiile uboo obe. ⁶ Lweengu lobe ii lwa ugagicha, byahima lwenyi lwanyi nene, Bishinaganywa, nishinaosha ubilanga. ⁷ Nagye uhi nalihogonone na yenyi na mtima gobe? Nagye uhi naisina yenyi yobe? ⁸ Nambo nabasela hegulu; Nabaita usinda uba butanda bwanyi, Gogwe noo oli. ⁹ Nabaguha bihwahwa bya halwelo, Na ushama ulubi lwa isula ya bahali; ¹⁰ Ubo nao uboo obe wingolwela, Na uboo obe wa ulume wimbwata. ¹¹ Nambo nabegana, Winene mdoo gwimbwila, Na lwenge lwa lunyungulubu lwisuba busugu; ¹² Mdo nago gusabisa atu, Mndi busugu bulihugema nahi mengo ma mchuba; Mdo na lwebge obe byose bili sawasawa. ¹³ Bululi Gogwe noo ubumbile mtima gwanyi, Unungile bilumbu mnda mwa mago. ¹⁴ Niutona bululi nibumbilwe Wa manuma gya ugagicha na usinywa. Bigilanywa byobe ibya ugagicha, Na ichuli-chuli yanyi ya mwego iyimane abisa, ¹⁵ Mauda manyi mashibisamine oli, Handibumbilwe wa lubisagulu, Handilungilwe wa wino wihana ya hasi ha sii; ¹⁶ Meeso mobe mamonine maamonine nishibele nawilila; Mmitabo yobe bigolilwe byose, Masugu maganinywe uba mashinaba hoo. ¹⁷ Abetcha malanga mobe mina ibalo yata wandi; Nahi byamali mata ulibama wage! ¹⁸ Nambonabamabala mali mengi uhima isee ya bahali; Mengo mandisubyuwa nisuba nobe. ¹⁹ Ee Abetcha, byisuba lingye ubahaga babii! Benywe batu ba ugesa mashi wandi. ²⁰ Bululi bwa umenga wenyu wa buube, Tumangu tobe tulihumbula china lyobe bunene. ²¹ Wi wii! MLUME nishibaonywe bene balihuuonywa? Nishiliginuna hamwechi na bebe bali huubenga. ²² Nihubaonywa abisa; Basili tumangu wandi. ²³ Ee Abetcha, Unjeeleche ugumane mtima gwanyi, Uutonde umamane malanga menyi; ²⁴ Umone nambo halindila gilihulusha ulibwcha mnda mwanyi, Wabengolwela mnda ndila gya milumbu.