¹ Ee MLUME, nuugita ungitabuwe abilo, Ulihuliche lidilyanyi handiugita. ² Usaba wanyi uchine umbele gyobe nahi aswenge, Uginunywa wa maboo manyi nahilutangi lwa igolo. ³ Ee MLUME, ubiye mmushi wanywa anyi, Mmembi hamchango gwa milomo gyanyi. ⁴ Ushiguhile mtimsa gwanyi u bitu bya booisone, Nashibiolobele bigilanywa bishilingye, Hamwechi na bangila biibe; Na nashiye biliwa byabo bya buhungwe. ⁵ Mine gwina kiine na gapule, ibi yano; Gakambile, ibi nahi mauta mpala mswe; Mswe gwanyi gushihanye, Bululi nishihuleya usali hawingi ha usona wabo. ⁶ Bagechi babo ba milandu babegwishiwa hibamba ha mmundumuo, Bihulicha binywa byanyi, bululi bili bisoga. ⁷ Nahi usanda kunyi na uchitala heguli ha bitete, Noo bili mauda metu umlomo gwa usinda. ⁸ Meeso manyi mali huulola Gogwe, ABETCHA Mlume, Nuusinina Gogwe, ushindeche ichuli-chuli yanyi ya mwego. ⁹ Uponye na gochi lyabategela, Na mitala gyabo gya migochi bagichi ba buube. ¹⁰ Babii na bagwe mnda maila mabo bobene, Mengo mandihita nene wa talala.