V 1 Ee MLUME, uhuliche usaba wanyi, Lilo lyanyi liuhyile. ² Ushimbile yenyi yobe lusugu lwa asusus anyi, Utegele lito lyobe, lusugu lwandigita wangae abilo. ³ Bululi masugu manyi malihuhwa nahi miii, Na mauda manyi malihuchiga nahi isisa. ⁴ Mtima gwanyi gulihuhulwa nahi byanyi na uguma, Ehe, nagibilila uya iliwa yanyi. ⁵ Wa bululi bwa lidi lya usumwa wanyi Mauda manyi mawatana na nyama chanyi. ⁶ Nisili nahi igomagoma ya mgala, na uhwanana na swiswi gya mmauwa. ⁷ Nayesha, iyaka nisili nahi igamba guli goo buchima hegulu ha nduu. ⁸ Tumangu twanyi tusili hukambila chuba lyose; Balihukoonywa nahi ugana bina miishi Balihulaha wa unumbula nene. ⁹ Bululi nilile mtoo nahi ililwa, Na ubisupaganya mmanywa mwanyi hamwechi ma byosochi. ¹⁰ Wa yulu ya uchigililwa obe na sungu chobe; Bululi wanginuna na uutela koo. ¹¹ Masugu manyi nali nahi ihochu yidagalale, Na nene nahonga nahi byanyi. ¹² Bino Gogwe, MLUME, wishama na wilisha buolo milumbu, Na uengecha obe ibushi na ibushi. ¹³ Gogwe mine wigimana, na uleelela Sayuni, Bululi noo mengo ma igimwena keene, Ehe, mengo mene maganinywe mahuwilila. ¹⁴ Bululi bagichi bobe bamabenja mawe mobe, Na uimonena keene ihwili yobe. ¹⁵ Hanyuma mioga bilisina china lya MLUME, Na maoolo mose ma ibaloo ugengeda obe; ¹⁶ MLUME helibi hugubaa Sayuni, Helimoneya mnda ugengeda wage, ¹⁷ Helihila usaba wa guya guli buchima. Gushihunenuna usaba wabo. ¹⁸ Ubushi yine yichwa yigolwelwa bibyo, Na batu bene bibumbwa bimtona MLUME. ¹⁹ Bululi gwalingamina uhuma hahaha hage ha hegulu, Uhuma hegulu ha gulu MLUME gwailola ibaloo. ²⁰ Yulu gauhuliche usumwa wa guya mmambwa, Na ubasula baya bagolelwe uuwa. ²¹ Batu balisambe china lya MLUME mnda Sayuni, Na punda chage mnda Yelusalemu. ²² Mengo misumbila mioga hamwechi, Buolo nabo yulu bumgilile MLUME. ²³ Gwahungula uoma wanyi mndila; Gwamaswihya masugu manyi. ²⁴ Nigana, Ee Abetcha anyi, ushinguhe hawingi ha masugu manyi; Myaa gyobe iiutula ibushi na ibushi. ²⁵ Haya habutulilo ubiile mishibgi gya sii, Na gulu ii mgilo gwa maboo bobe. ²⁶ Bino byidoga, mndi Gogwe wigililila Ehe, bino byisamuka nahi bichwalaganywa; Na nahi byuchala wigalula, Nabyo byigaluwa. ²⁷ Mndi Gogwe noo Gee Guya; Na myaa gobe gishihwa. ²⁸ Baana ba bagichi bobe bishama, Na babuswa babo bibiwa umbele wa meso mobe.