¹ Iyaka mwehi gwa njwii, lusugu lwa lutangi lwa mwechi, mubi na sumbilo lya lihaha; m lusugu lwa ugila tusiba wenyu. ² Benywe mwitangila lutangi lwa uchigya lwa mahembwe wa Mlume; ng'ombe gya mlume gya mgenda gimwechi, na mmoo gwa mlume gumwechi, na baana ba myoo ba milume ba mwaa gwa tugangi babawilile njwii; ³ hamwechi na lutangi lwa buusu, buusu bwa nekuneku bwa busupaganyiwe na mauta, tuhindi umi tutatu u ng'ombe gimwechi, na tuhindi ya umi bubili u mmoo gumwechi gwa mlume, ⁴ na tuhindi umi amwechi wa mwana-mmoo gumwechi u giya njwii; ⁵ na lunga lya mbuchi limwechi uba lutangi lwa buubi, yulu ya uita msambanyo gwa yulu yenyu; ⁶ wa uhima lulo lutangi lwa uchigya lwa abalu a mwechi, na lutangi lwage lwa buusu, na lulo lutangi lwa uchigya lwa masugu mose, na lutangi lwage lwa buusu, na lutangi lwage lwa byunywa, nahi bili alago age, wa mahembwe ma Mlume, m lutangi lwine lusutangilwa wa ndila gyaahya. ⁷ Iyaka lusugu lwa umi lwa gugo mwechi gwa njwii mubi na sumbilo lihaha; na benywe mwisusula bichuli-chuli byenyu bya mwego, mushigile mgilo go gose gwa bugichi. ⁸ alakini mwimshenenya Mlume lutangi lwa uchigya, lwa mahembwe ma masoga; ng'ombe gya mlume gya mgenda gimwechi, na mmoo gwa mlume gumwechi, na baana ba myoo ba milume ba mwaa gwa gutangi njwii; chishibi cha bilema. ⁹ hamwechi na lutaqngi lwenyu lwa buusu, buusu bwa nekuneku bwa busupaganyiwe na mauta, tuhindi umi tutatu wa giya ng'ombe, na tuhindi umi tubili wa guya mmoo, ¹⁰ na tuhindi umi amwechi mwana-mmoo gumwechi u baya baana na miyoo njwii; ¹¹ na liya lunga lya mbuchi lyabe lutangi lwa buubi; wa uhima luya lutangi lwa buubi lwa usambanya, na luya lutangi lwa uchigya lwa masugu mose, na lutangi lwa buusu, na lutangi lwage lwa byunywa. ¹² Iyaka lusugu lwa umi na butano lwa mwechi gwa njwii mubi na sumbilo lihaha; mushigila mgilo go gose gwa bugichi, na benywe mwimmitila Mlume ulitucha masugu njwii; ¹³ na benywe mwitangila lutangi lwa uchigya, lutangi lwine lusutangilwa wa ndila gyaahya, m mahembwe wa Mlume; ng'ombe cha migenda cha milume umi na citatu, na myoo gya milume gibili, na baana ba myoo ba milume ba mwaa gutangi umi na bana; bose bashibi na bilema; ¹⁴ hamwechi na lutangi lwa buusu, buusu bwa nekuneku bwa busupaganyiwe na mauta, tuhindi umi tutatu wa ng'ombe gimwechi u chiya umi na chitatu na tuhindi umi tubili wa mmoo gumwechi u giya myoo gibili gya milume; ¹⁵ na tuhindi umi amwechi u guya mwana-mmoo gumwechi u baya baana ba miyoo umi na bana; ¹⁶ na liya lunga lya mbuchi limwechi uba lutangi lwa buubi uhima luya lutangi lwa uchigya lwa masugu mose, na lutangi lwage lwa buusu na lutangi lwa byunywa. ¹⁷ Iyaka lusugu lwa bubili mwitangila ng'ombe cha migenda umi na chibili, na myoo gya milume gibili, na baana ba myoo ba milume na mwaa gutangi umi na bana bene bashi na bilema; ¹⁸ hamwechi na lutangi lwage lwa buusu, na lutangi lwage lwa byunywa lwa chicho ng'ombe, na wa gigyo myoo, na wa baya baana ba myoo, nahi bili lubalo lwabo byaluli, wa ulamana na ao alago; ¹⁹ na lungav lya mbuchi limwechi uba lutangi lwa buubi; uhima lulo lutangi lwa uchigya lwa masugu mose, na lutangi lwage lwa buusu, na lutangi lwage lwa byunywa. ²⁰ Iyaka lusugu lwa butatu mwitangila ng'ombe cha milume umi na gimwechi, na myoo gya milume gibili, na baana na myoo ba milume ba mwaa gwa gutangi umi na bana bashi na bilema. ²¹ hamwechi na lutangi lwage lwa buusu, na lutangi lwage lwa byunywa, u chicho ng'ombe, na wa gigyo myoo, na wa baya baana ba myoo, nahi lubalo lwabo byaluli, ulamana na alago; ²² na lunga lya mbuchi uba lutangi lwa buubi; uhima lutangi lwa uchigya lwa masugu mose, nanlutangi lwage lwa buusu, na lutangi lwage lwa byunywa. ²³ Iyaka lusugublwa buna mwitangila ng'ombe cha milume umi, na myoo gya milume gibili, na baana ba myoo ba milume ba mwaa gwa gutangi bashi na bilema umi na bana; ²⁴ na lutangi lwage lwa buusu, na lutangi lwage lwa byunywa wa yulu ya chicho ng'ombe, na gigyo myoo, na wa baya baana ba myoo, nahi lubalo lwabo byaluli, ulamana na alago; ²⁵ na lunga lya mbuchi limwechi uba luyangi lwa buubi, uhima lutangi lwa uchigya lwa masugu mose, na lutangi lwage lwa buusu, na lutangi lwage lwa byunywa. ²⁶ Iyaka lusugu lwa butano mwitangila ng'ombe cha milume yahabula, na myoo gya milume gibili, na baana ba myoo ba milume ba mwaa gwa gutangi nashi na bilema umi na bana; ²⁷ hamwechi na lutangi lwage lwa buusu, na lwage lwa byunywa, u chicho ng'ombe, na u gigyo myoo, na u babo baana ba myoo, nahi lubalo lwabo byaluli, ulamana na alago; ²⁸ na lunga lwa mbuchi limwechi uba lutangi lwa buubi; uhima lutangi lwa uchigya lwa masugu mose, na luya lutangi lwage lwa buusu na lutangi lwage lwa byunywa. ²⁹ Iyaka lusugu lwa mtuba mwitangila ng'ombe cha milume inana, na myoo gya milume gibili, na baana ba myoo ba milume ba mwaa gwa gutangi bashi na bilema umi na bana; ³⁰ hamwechi nalutangi lwage lwa buusu, nalutangi lwage lwa byunywa, wa chicho ng'ombe, na wa giya myoo na wa baya baana ba myoo, nahi bili lubalo lwabo byaluli, ulamana la alago; ³¹ na lunga lya mbuchi limwechi uba lutangi lwa buubi; uhima lutangi lwa uchigya lwa masugu mose, na lutangi lwage lwa buusu, na lutangi lwage lwa byunywa. ³² Iyaka lusugu lwa njwii mwitangila ng'ombe cha milume njwii, na milume gya myoo gibili, na baana ba myoo ba milume ba mwaa gwa gutangi umi na bana bashi na bilema; ³³ hamwechi na lutangi lwage lwa buusu, na lutangi lwage lwa byunywa, u chicho ng'ombe, na u gigyo myoo, na wa babo baana ba myoo, nahi lubalo lwabo byaluli, ulamana na alago; ³⁴ na lunga lya mbuchi limwechi uba lutangi lwa buubi; uhima luya lutangi lwa uchigya lwa masugu mose, na lulo lutangi lwage lwa buusu na lutangi lwage lwa byunywa. ³⁵ Iyaka lusugu lwa inana mubi na sumbilo chigilwe abisa; mushigila mgilo go gose gwa bugichi; ³⁶ alakini mwitangila lutangi lwa uchigya, lutangi lwa utangila waahya, mahembwe yulu ya Mlume; ng'ombe gya mlume gimwechi, na mlume gumwechi gwa mmoo, na baana ba myoo ba milume ba mwaa gwa tugangi njwii bashi na bilema. ³⁷ hamwechi na lutangi lwage lwa buusu, na lutangi lwage lwa byunywa, wa gigyo ng'ombe, na wa gugo mmoo gwa mlume, na wa baya baana ba myoo, nahi lubali lwabo byaluli, nahi bili alago; ³⁸ na lunga lya mbuchi limwechi uba lutangi lwa buubi; uhima lulo lutangi lwa uchigya lwa masugu mose, na lulo lutangi lwage lwa buusu, na lulo lutangi lwage lwa byunywa. ³⁹ Lutangi lulo mwilutangila wa Mlume u masugu menyu mene maganyinywe, uhima ulibindila wenyu, na lutangi lwenyu lwa uhana wa ubenja, uba lutangi lwenyu lwa uchigya, na lutangi lwenyu lwa buusu, ma lutangi lwenyu lwa byunywa, na lutangi lwenyu lwa talala. ⁴⁰ Nage Musa gubasambile baana ba Isilaeli byoka biya nahi byelilagilwe na Mlume.