¹ Hanyuma bibyo bihulo, Mlume gudogomine na Musa na Eleazali, mwaanagwa Haluni ibuli, na umsambila, ² Ita lubalo lose lwa sumbilo lya baana ba Isilaeli, utula myaa maumi mopi mubuswa, na ugililila, ulamana na madu ma bamasabo, baya bose bene banaosha ugya u bita. ³ Hanyuma Muda na Eleazali ibuli badogomine nabo mnda sii gya ibandabanda ya Moabu hoka na luudi lwa Yolodani, haya Yeliko, babasambile, ⁴ Iswe lubalo lwa batu, utula myaa maumi mopi ma ubuswa, na ugililila; nahi biya Mlume byelimlagile Musa na baana ba Isilaeli, baya bene bahumine Misili. ⁵ Leubeni m'buswa gwa mtangi gwa Isilaeli, baana ba Leubeni, ba Hanoki, ilongo ya Bahanoki; na ba Palu, ilongo ya Bapalu; ⁶ na ba Hesloni, ilongo ya Bahesloni; na ba Kalmi, ilongo ya Bakalmi, ⁷ Bino noo bilongo bya Bawaleubeni; na baya bene babalilwe wabo babele uki maumi mana na sambi njwii na maumi matatu. ⁸ Na baana ba Palu; Eliabu. ⁹ Na baana ba Eliabu; Nemueli, na Dathani na Abilamu. Bano noo Dathani na Abilamu bene basobolwe na sumbilo, bene bahimene na Musa na Haluni hawingi ha sumbilo lya Kola, haya hene habahimene na Mlume; ¹⁰ Sii gigadwile anywa age, na ubamina hamwechi na Kola, sumbilo lilyo haliwile; mengo ma aahya haabachigiche batu sambi chibili na maumi matano, nabo nuuba isaga. ¹¹ Hamwechi na bibyo, babo noo baana ba Kola bene bashiwile. ¹² Baana ba Simeoni na bilongo byabo; ba Yemueli, ilongo ya Bayemueli; ba Yamini, ilongo ya Bayamini; ba Yakini, ilongo ya Bayakini; ¹³ ba Sohali, ilongo ya Basohali; ba Shauli, ilongo ya Bashauli. ¹⁴ Bino noo bilongo bya Basimeoni, batu uki maumi mabili na babili na sambi chibili. ¹⁵ Na baana ba Gadi u bilongo byabo; ba Sifoni, ilongo ya Basifoni; ba Hagi, ilongo ya Bahagi; ba Shuni, ilongo ya Bashuni; ¹⁶ ba Ezboni, ilongo ya Baezboni; na Eli, iolongo ya Baeli;; ¹⁷ ba Alodi, ilongo ya Baalodi; ba Aleli, ilongo ya Baaleli. ¹⁸ Bino noo bilongo bya baana ba Gadi nahi byababalilwe wabo, uki maumi mana na sambi chitano. ¹⁹ Na baana ba Yuda, Eli, na Onani; na babo Eli na Onani bawile mnda sii gya Kanaani. ²⁰ Na baana ba Yuda wa bilongo byabo; ba Shela, ilongo ya Baashela; na Pelesi, ilongo ya Bapelesi; ba Zela, ilongo ya Bazela. ²¹ Na baana ba Pelesi babele; Hesloni, ilongo ya Bahesloni; ba Hamuli, ilongo ya Bahamuli;. ²² Bino noo bilongo bya Yuda nahi byababalilwe wabo, maumi njwii na mtuba uki na sambi chitano. ²³ Na baana ba Isakali wa bilongo byabo; ba Tola, ilongo ya Batola; ba Puva, ilongo ya Bapuva; ²⁴ ba Yashubu, ilongo ya Bayashubu; ba Shimloni, ilongo ya Bashimloni. ²⁵ Bino noo bilongo bya baana ba Isakali nahi byababalilwe wabo, maumi mtuba na bana uki na sambi chitatu. ²⁶ Na baana ba Zabulini wa bilongo byabo; ba Seledi, ilongo ya Baseledi; ba Eloni, ilongo ya Baeloni; ba Yaleeli, ilongo ya Bayaleeli; ²⁷ Bino noo bilongo bya Bazabuloni nahi byababalilwe wabo, uki maumi mtuba na sambi chitano. ²⁸ Na baana ba Yusufu wa bilongo byabo; Manase na Eflaimu. ²⁹ Baana ba Manase; ba Makili, ilongo ya Bamakili; na Makili bubutile Gileadi; ba Gileadi, ilongo ya Bagileadi. ³⁰ Bano noo baana ba Gileadi; ba Abiezeli, ilongo ya Baabiezeli; ba Heleki, ilongo ya Baheleki; ³¹ na ba Aslieli, ilongo ya Baaslieli; na ba Shekemu, ilongo ya Bashekemu; ³² na ba Shemida, ilongo ya Bashemida; na ba Hefeli, ilongo ya Bahefeli. ³³ Na Selifehadi mwaana gwa Hefeli gushibele na baana ba balumyana, gubele na misiha ka; na machina gigyo misiha gya Selofehadi noo mano, Mala, na Noa, na Hogha, na Milka, na Tilsa. ³⁴ Bino noo bilongo bya Manase; na bene babalilwe wabo babele batu uki maumi matano na bopi na sambi njwii. ³⁵ Na baana ba Eflaimu wa bilongo byabo; ba Shuthela, iolngo ya Bashuthela; ba Beledi, ilongo ya Babeledi; ba Tahathi, ilongo ya Batahathi. ³⁶ Na baana ba Shuthela noo bano; ba Elani, ilongo ya Baelani. ³⁷ Bino boo bilongo bya baana ba Eflaimu nahi byababalilwe wabo, uki maumi matatu na bopi na sambi chitano. Babo noo baana ba Yusufu ulamana na bilongo byabo. ³⁸ Na baana ba Benyamini wa bilongo byabo; ba Bela, ilongo ya Babela; na ba Ashbeli, ilongo ya Baashbeli; ba Ahilamu, ilongo ya Baahilamu; ³⁹ ba Shufamu, ilongo ya Bashufamu; ba Hufamu, ilongo ya Bahufamu. ⁴⁰ Na baana ba Bela babele Aldi na Naamini, ba Aldi, ilongo ya Baaldi; ba Naamini, ilongo ya Banaamini. ⁴¹ Babo noo baana ba Benyamini wa bilongo byabo; ba byababalilwe wabo babele uki maumi mana na batano na sambi mtuba. ⁴² Na baana ba Dani noo bano wa bilongo byabo; ba Shuhamu, ilongo ya Bashuhamu; Bino noo bilongo bya Dani. ⁴³ Bilongo byose bya Bashuhamu, nahi byababalilwe wabo, babele uki maumi mtuba na bana na sambi china. ⁴⁴ Na baana ba Asheli wa bilongo byabo; ba Imna, ilongo ya Baimna; ba Ishvi, ilongo ya Baishvi; ba Belia, ilongo ya Babelia. ⁴⁵ Ba baana ba Bwlia; ba Hebeli, ilongo ya Bahebeli; ba Malkieli, ilongo ya Bamalkieli; ⁴⁶ Na china lya msiha gwa Asheli gugitilwe Sela. ⁴⁷ Bino noo bilongo bya baana ba Asheli nahi byababalilwe wabo, uki maumi matano na batatu na sambi china. ⁴⁸ Na baana ba Naftali wa bilongo byabo; ba Yeseeli, ilongo ya Bayeseeli; ba Guni, ilongo ya Baguni; ⁴⁹ ba Yeseli, ilongo ya Bayeseli, na Shilemu ilongo ya Bashilemu; ⁵⁰ Bino noo bilongo bya Naftali wa bilongo byabo; na bene babalilwe wabo babele uki maumi mana na batano na sambi china. ⁵¹ Babo noo bene babalilwe u baana ba Isilaeli, sambi mtuba na gimwechi uki na sambi njwii na maumi matatu (601,730). ⁵² Hanyuma Mlume guganine na Musa, na umsambila, ⁵³ Bano batu bigabilwa gigyo sii gibe buhyana bwabo, byoka biya nahi bili machima mabi byamali. ⁵⁴ Baya bali bahime lubalo lwabo wibaha buhyana uhima bange, na baya bene bali bahungubu lubalo lwabo, wibaha buhyana nahi uhunguwa wabo byauli; mtu ge gese nahi byalibalilwe, noo byalihewa buhyana bwage. ⁵⁵ Alakini sii gyigabulwa wa luti; ulamana na machina ma bam,asabo, noo byolibaha buhyana. ⁵⁶ Nahi luti byalubi, noo buhyana bwabo byabwigabulwa hawingi habo, bene bali beengi na bene bali bacho. ⁵⁷ Na baya bene babalilwe u Balawi u bilongo byabo noo bano; ba Gelshoni, ilongo ya Bagelshoni; ba Kohathi, ilongo ya Bakohathi; na ba Melali, ilongo ya Bamelali. Bino noo bilongo bya Lawi; bilongo bya Balibni, na ilongo ya Bahebloni, na ilongo ya Bamala, na ilongo ya Bamushi ilongo ya Bakola. Na Kohathi gubutile Amlamu. ⁵⁹ na china lya mmachi gwa Amlamu gugitilwe Yokebedi, msiha gwa Lawi, mine gubutilwe wa Lawi uya Misili; na gugo Yokebedi gum'butile Amlamu Haluni, na Musa, na Miliamu kachabo. ⁶⁰ Iyaka wa Haluni babutilwe bano, Nadabu, na Abihu, na Eleazali, na Ithamani. ⁶¹ Iyaka Nadabu na Abihu bawile, haya hene habasambiche aahya ya ingenyi u mbele wa Mlume. ⁶² Na baya bene babalilwe wabo babele uki maumi mabili na batatu, mlumyana ge gese utula gwa mwechi gumwechi, na ugililila; bululi bashibalilwe hamwechi na baana ba Isilaeli, bululu bashihelwe buhyana hamwechi na baana ba Isilaeli. ⁶³ Babo noo bene babalilwe na Musa na Eleazeli ibuli; haya hene hababalile baana ba Isilaeli mnda sii gya ibandabanda gya Moabu, hoka na Yolodani, haya Yeliko. ⁶⁴ Alakini ha babo batu hashibele iyaka ata mtu gumwechi gwa baya bene babalilwe na Musa na Haluni ibuli bose basibele bahube; hene habalilwe baana ba Isilaeli nda lwanaganywa lwa Sinai. ⁶⁵ Bululi Mlume guganine yulu yabo, Godogodo biiwila mngala. Haho hashishige mtu ata gumwechi hawingi habo, bene bashile ka m Kalebu mwaana gwa Yefune na Yoshua mwaana gwa Nuni.