¹ Hanyuma Mlume guganine na Musa na Haluni, na ubasambila, ² Ano noo alago a m'bindo ga Mlume byelilagile, guganine, Basambile baana ba Isilaeli bulushiche ng'ombe gya ota gya gigachichu gishi na ibala, gyagiwilile, gishi nahambwa mti gwa mioshi. ³ benywe mwgilusha wa Eleazali ibuli, nage gwigya nagyo hambuga ha bitula, na mtu gumwechi gwigishnja u mwwso mage. ⁴ hanyuma Eleazali ibuli gwiguha mamwe maashi u songo gya mnywe gwage, na usamuna maashi u luubi lwa u mbele wa itula ya busambeno nyendo njwii. ⁵ hanyuma gumwe mtu gwigichigya aahya gigyo ng'ombe u mbele wage, ibambi yabyo, na nyama chagyo, na maasho magyo, hamwechi natubi twagyo gwituchigya mmaahya. ⁶ hanyuma ibuli gwiguha mti gwa mwelezi, na ihupi, na bupamba bwa bugachichu, nuubitela m maaya aahya ine alihuchigya giya ng'ombe. ⁷ Hahi ibuli yifula bichwalaganywa byage, na uligoga m'bili gwage na maadi, hanyume gwigingila u bitula, nayo ibuli ibi na bunyenye ndaa na igolo. ⁸ Na guya mine guchigiche giya ng'ombe aahya gwifula bichwalaganywa byage m maadi, na uligoga m'bili gwage u luudi, nage gubi na bunyenye ndaa na igolo. ⁹ Hnyuma gumwe mtu mine guli mmaha gwigoda mtoo gwa giya ng'ombe, na ugubiya gube mbuto ha ihana ya isoga hambuga ha bitula nago gwiuswa yulu ya sumbilo lya baana ba Isilaeli, uba noo maadi ma uhalingana; noo lutangi lwa buubi. ¹⁰ Na guya mine gwigugoda mtoo gwa giya ng'ombe gwifula bichwalaganywa bayge, nage gubi na bunyenye ndaa na igolo; na ino ikoko ibi alago a milumbu, u baana ba Isilaeli na wa mgenyi mine gulihushama hawingi habo. ¹¹ Mtu mine gwiuda itumba yo yose gubi na bunyenye mengo ma masugu njwii; ¹² nage gwilihahacha u maya maadi masugu matatu, na na lusugu lwa njwii gubi mmaha; alakini nambo gushihulihahacha masugu matatu, haho ata lusugu lwa njwii gushihahala. ¹³ Mtu ge gese mine gwiuda itumba ya mtu mine guwile, gusahulihahacha, gwibiya bunyenye bushamo bwa Mlume; nagugo mtu gwichingwa koo na Isilaeli, bululi, naya maadi ma usambuana mashugungololwe mpala mswe mwage, gubi na bunyenye; bunyenye bwage bwili hegulu hge ka. ¹⁴ Ano noo alago, mtu heliwa mnda hema; mtu ge gese mine gwigingila mnda lilyo itula, na mtu ge gese mine gulimo mnda itula, gubi na bunyenye masugu njwii. ¹⁵ Na ibya yo yose yine ili hululu, ishibauninywa na yuunina, ili bunyenye. ¹⁶ Hanyuma mtu ge gese uya hambuga u mabala gwimuda mtu mine guhagilwe na ahilu, ao itumba, ao uda lya mtu, au abuli, gubi na bunyenye masugu njwii. ¹⁷ Bululi guya guli na bunyenye gwiguha gumwe mtoo guchigiwe luyalutangi lwa buubi, na maadi ma uluudi, misupaganyiwa na mtoo mnda itundu; ¹⁸ hanyuma gumwe mtu mine guli mmaha gwiguha idembu, na uichinda mnda mamo maadi nage gwimasangila hegulu ha hema, nahegulu ha bitundu byose, na hegulu ha matu bene babeleho, na hegulu hage guya mine guudile uda, ao mtu mine guhagilwe, ao itumba, ao abuli; ¹⁹ na guya mine guli mmaha gwimangila guya guli na bunyenye lusugu lwa butatu, na lusugu lwa njwii; na lusugu la njwii gwimmahacha; nage gwifula bichwalaganywa byage, na uligoga na maadi, nage gubi mmaha igolo. ²⁰ Alakini mtu mine gubi na bunyenye, nage guhihubenja ulihahacha, gugo mtu gwichingwa koo na sumbilo, bululi gwaibiya bunyenye ihana ya ihaha ya Mlume; maya maadi ma usambuana mashisangilwe hegulu hage; gee guli na bunyenye. ²¹ Nao abi alago a masugu mose wabo; na guya gwa usangila maadi ma usambuana gwifula bichwalaganywa byage; nage guya guuda maya maadi ma usambuana gubi na bunyenye ndaa na igoli. ²² Na ibya yo yose yeliuda mtu guya guli na bunyenye ibi na bunyenye; na mtu ge gese mine gwiuda iya ibya gubi na bunyenye ndaa na igolo.