¹ Hanyuma Mlume gudogomine na Musa, gumsambile, ² Dogoma na baana ba Isilaeli, hanyuma waguhe wabo lubango, lubango lumwechi yulu ya ndu gya shibaana ge gese, u bahele bobo bose, nahi madu ma bamasabo byamali, mango umi na chibili; hanyuma wagole china lya mtu ge gese hegulu ha lubango lwage. ³ Naheguluha lubango lwa Lawi wagole chinalya Haluni; yululubi lubango lumwechi wa mtu gumwechi wa ndu gya bamasbo. ⁴ Gogwe wichibiya mnda hema lya busmbeno u mbele wa gigyo mangisiyo, haya handisusambana nenyu. ⁵ hanyuma ubi, guya mtu mine gwandisobola, lubango lwage lwibuda; nene nisungya mnuno gwa baana ba Isilaeli, bene basununa yulu yenyu. ⁶ Haho Musa gubsambile baana bose ba Isilaeli, noo baosobu babo bose bammele mango, lubango lumwechi wa mmela gumwechi, ulamana na madu ma bamasabo byamali, mango umi na chibili; lubango lwa Haluni lubele hawingi ha mango chabo. ⁷ Hanyuma Musa guchibiile mango u mbele wa Mlume mnda itula ya busambeno. ⁸ Lusugu lwa bubili lwage, Musa gugingile mnda hema lya mangisiyo; na luula, luya lubango lw Haluni lwine lubele lwa ndu ga Lawi lubele lubude, luosu matonga, na usola buluba; na uuha biguma nahi ibululu bya bigechu. ⁹ Hanyuma Musa gulushishe chiya mango chose hambuga uchihumahaya u mbele wa Mlume na uchibiya u mbele wa baana ba Isilaeli bose; nabo balingamine na mtu ge gese guguhile lubango lwage. ¹⁰ Hanyuma Mlume gumsambile Musa, Lugiwiche lubango lwa Haluni u mbele wa mangisiyo, yulu luuswe lwabe isaga hegulu ha bano baana ba lubengo; bululi wasungye mnuno gabo gwine gwabanunine nene, yulu bashiwe. ¹¹ Haho Musa gugilile bibyo; nahi bimlagila Mlume, noo byeligilile. ¹² Hanyuma baana ba Isilaeli badogomine na Musa, na umsambila, Lingamine, beswe twawa, twachima. ¹³ Mtu ge gese gulihushenena, ushenene bushamo bwa Mlume, gusuwa; wi wii! Twiwa beswe bose?