¹ Haho Kola, mwaana gwa Ishali, mwaana gwa Kohathi, mwaana gwa Lawi, guguhilebatu hamwechi na Dathani na Abilamu, baana ba Eliabu, na Oni, mwaanagwa Oelethi, babele baana ba Leubeni; ² nabo, hamwechi na bamwe ba baana ba Isilaeli, batu sambi chibili na maumi matano, Baulu ba sumbilo, bene babele basubolwe na sumbilo, batu ba punda, baliginune u mbele wa Musa; ³ nabo baliginune pinda piswa gwa Musa na Haluni, na ubasambile, benywe mwabalubya, bululi sumbilo lyose lili lihaha, boose hawingi habo, Mlume guli hawingi habo; m yii bino uliginuna hegulu ha sumbilo lya Mlume. ⁴ Musa helihuliche bino binywa, gugwile mmachwi; ⁵ hanyuma gudogomine na Kola na sumbilo lyage lyose, gubasambile, Halwelo Mlume gwimonya m bananyi bene bali bage, hanyuma m nanyi guli mmaha, iyaka m nanyi mine gwimgaa wage; yulu mine gwimspbola noo mine gwimshenena hoka nage. ⁶ Iswe ino inywa; guhwe pulilo gya aahya, gogwe Kola na sumbilo lyage lyose; ⁷ bibiwe na aahya, mwabiya na buswenge hegulu hage mmeshi u mbele wa Mlume; hanyuma bibi guya mine gwisobolwa, gee noo gubi mmaha; byam'bwilila benywe, benywe baana ba Lawi. ⁸ Musa gumsambile Kola, Hulichiwe bino, benywe Baana ba Lawi; ⁹ Wi wii! Mulihumona m yikoko icho wenyu, ugana Abetcha a Isilaeli am'bagula benywe na sumbilo lya baana ba Isilaeli, bululi gaoshe umgaa wage; yulu mwagile bugichi bwa bushamo bwa Mlume, na ugimana u mbele a sumbil yulu ya ubagilila; ¹⁰ iyaka m yugana guulusha ube hoka, na bashiwenyu bose baana ba Lawi hamwechi nobe? Benywe, Wi wii! mulihusimba na uba bibuli? ¹¹ Bululi bwa ino ibalo gogwe na sumbilo lyobe lyose mwasumbila pinda piswa wa Mlume; na Haluni, wi wii! Gee m nanyi ata mwamnunina? ¹² Hanyuma Musa gutumine Dathani na Abilamu, baana ba Eliabu; nabo baganine, Beswe tushigidi; ¹³ wi wii! M yihisho icho, gogwe utulusha uhuma mnda sii gyagigiluchu mabele na bui, yulu ya utuhaga mnda lwanaganywa, alakini hamwechi na bibyo gogwe waliginuna gogwe mineuba mmata hegulu hetu chigilwe? ¹⁴ Hanyuma, usatuhyiicha mnda giya sii gya gigiluchu mabele na bui, na usatuha buhyana bwa mabala, na mabala ma mizabibu; wi wii! Ulihusimba ubabele meeso bano batu? Tushigidi. ¹⁵ Musa guchigililwe abisa, gumsambile Mlume. Ushigitabiche lutangi lwabo; nene nisjiguhile ata punda gyabo gimwechi, na nishim'bongwele ata mtu gumwechi hawingi habo. ¹⁶ Hanyuma Musa gumsambile Kola, Gogwe na sumbilo lyobe lyose mwabe hano u mbele wa Mlume mmeshi, gogwe, nabo, na Haluni; ¹⁷ mwaguhe mtu ge gese pulilo gyage ya aahya, na ubiya aswenge hegulu hagyo, mwabilushe u mbele wa Mlume, pulilo sambi chibili na maumi matano; na gogwe nage, na Haluni, mtu ge gese gaabe na pulilo gyage. ¹⁸ Bobyo baguhile mtu ge gese pulilo yage, babiile aahya mnda mwagyo, babiile na aswenge hegulu ha aahya, na uhongolola haya ha mchango gwa hema lya busambeno, hamwechi na Musa na Haluni. ¹⁹ Hanyuma Kola gusumbiche sumbilo lyose pinda piswa gyabo na mchango gwa hema lya busambeno; na ugengeda wa Mlume umoneye u mbele wa sumbilo lyose. ²⁰ Hanyuma Mlume gudogomine na Musa na Haluni, na ubasambila, ²¹ Libagulwe benywe muhume hawingi ha lino sumbilo, yulu naoshe ubachimya bose lwendo lumwechi. ²² Nabo baginamine mmachwi, baganine, Ee Abetcha, Abetcha a luhuda lwa bose bene bali na mibili, wi wii! Mtu gumwechi gabegila buubi, gogwe wichigililwa yulu ya sumbilo lyose? ²³ Mlume gudogomine na Musa, na umsambila, ²⁴ Dogoma na sumbilo, na ubasambila, Humwe benywe hano hoka na bushamo bwa Kola, na Dathani, na Abilamu. ²⁵ Haho Musa gugimene na ubagila ba Dathani na Abilamu; na baulu ba Isilaeli balamene nage. ²⁶ Gudogomine na sumbilo, na ubasambila, Nihumtendelela, humwe ha bitula bya bano batu basone, na bushiude ibya yabo yo yose, mushichimiwe yulu ya buubi bwabo bose. ²⁷ Haho bahumine hoka na itula ya Kola, na Dathani, na Abilamu batobowile hambuga bagimene ha mchango gwa bitula gyabo, hamwechi na baachi babo, na baana babo na baana babo ba tulenge. ²⁸ Musa guganine, Wa ino ikoko mwimana ugana Mlume gutumine, yulu nagile migilo gino gyose; bululi nene nishigile wa lwenyi lwanyi. ²⁹ Nambo bano batu babewa wa lubu lwa masugu mose, nahi batu bose byabasuwa, ao nambo babesusulwa wa asusus a batu bose; haho mndi Mlume gusatuma nene. ³⁰ Alakini nambo Mlume gwahubumba ibya ya ihyaa, na gigyo gibegaliya anywa agyo na ubamina, hamwechi na bose bene babali nabo, nabo nuhulubila mmina bali na mwego; haho noo hamwimana ugana bano batu bamnenuna Mlume. ³¹ Bibyo habele, haya gwilihuhwa ugana bibyo binywa byose, bitete byine bibele hasi ha magulu mabo; ³² sii gigaliye anywa agyo, na ubamina, nabatu ba madu mabo na bose bene bahulichane na Kola, na bitundu byabo byose. ³³ Bino boo, na bose bene bababele nabo, bahulubile mmina bali na mwego; nabyo bitete bubahulile bachimine uhuma mliya sumbilo. ³⁴ Nabo Baisilaeli bose bene babele mibamba mwabo basinine yulu ya lilo lyabo; bululi baganine, Sii gishichwe utumina na beswe. ³⁵ Hanyuma aahya asalile uhuma wa Mlume, abachigiche babo batu sambi chibili na maumi matano babele huhula na pulilo gya aswenge. ³⁶ Hanyuma Mlume gudogomine na Musa, na umsambila, ³⁷ Msambile Eliezali mwaana gwa ibuli Haluni, gachihunye chiya pulilo haya ha aahya waagese aya aahya uya; bululi m chihaha; ³⁸ Na chiya pulilo cha baya bene bagilile buubi na ugugicha bichuli-chuli byabo bya mwego boo bene, na chyiswe mbao cha chisulwe uba luhupo lwa butambikilo; bululi babitambikile u mbele wa Mlume, nabyo m bihaha; bibi bisaga u baana ba Isilaeli. ³⁹ Haho Eliezali ibuli guchiguhile chiya pulilo cha mmubu, bibele hugililwa na baya bene bachigiwe; nabo babisule midando bibe luhupo lwa butambikilo; ⁴⁰ bibe kengelecho gya baana ba Isilaeli, yulu mgenyi ge gese mine giushi gwa ibushi ya Haluni, gashishene uhula pulilo gwa aswenge u mbele wa Mlume; gashibe nlingilisho gwa Kola, na sumbilo lyage; nahi Mlume byelidogomine nage, uhitila uboo wa Musa. ⁴¹ Lusugu lwa bubil lwage sumbilo lyose lya baana ba Isilaeli bamninine Musa, na Haluni, baganune, Benywe mwabahaga batu ba Mlume. ⁴² Bibyo habele, haho liya sumbilo halibele husumbila pinda piswa uli Musa, napinda piswa uli Haluni, baingamine luubi lwa itula ya busambeno; na loola, lilyo timba liwilile itula, na ugengeda wa Mlume o numoneya. ⁴³ Musa na Haluni bagile u bele wa itula ya busambeno. ⁴⁴ Nage Mlume gudogomine na Musa, na Umsambila, ⁴⁵ Humwe hawingi ha sumbilo, yulu nabachimye lwendo lumwechi. Boo bagwile mmachwi. ⁴⁶ Musa gumsambile Haluni, Bino, uguhe pulilo gyobe, ugibiya aahya mnda mwagyo, aahya a butambikilo, hanyuma ubiya na aswenge hegulu ha aahya, ugiguhe abilo, ugya nagyo u liya sumbilo, ubaitile usambanya; bululi buhuchi bwahuma wa Mlume; bibyo bisumi byahutula. ⁴⁷ Bibyo Haluni guguhile pulilo nahi biganine Musa, guhingile abilo gugile hawingi ha sumbilo; na loola, bisumi bisibelebyahuula hawingi ha batu; gubiile aswenge hegulu ha aahya na uita usambanya yulu ya babo batu. ⁴⁸ Gugimene hawingi ha baya bene basibele baube ba bene bilibele na mwego; bisumi bichibilwe. ⁴⁹ Bibyo bene bewile na bisumi babele uki umi na china na sambi njwii, uhimabaya bene bawile wikoko ya Kola. ⁵⁰ Haluni gumgiwilile Musa haya ha mchango gwa itula ya busambeno; bibyo bisumi bichibilwe.