¹ Hanyuma Mlume gudogomine na Musa,gumsambile, ² Ulongye tusiba tubili twa lusuu; witulongya wa bwino bwa butumbi; gogwe wigila nato wa umagita masumbilo basumbile, na wa utula ugyta uhuma m bitula byabo. ³ Na haya hene habigila tuya tusiba, sumbilo lyose lyisumbila oli gogwe, haya ha mchango gwa hema lya busambeno. ⁴ Nabo babegila asiba amwechi ka hahu bahela, bene bali miswe gya batu ma uki ma ba Isilaeli, bisumbila oli gogwe, ⁵ Iyaka hamwigila wa liidi lya umanya mwano, bitula byine bili luubi lwa mlugulu byitula lwendo. Iyaka hene hamwigila asiba a bubili, bitula byine bili luubu lwa uboo ulume nabo nutula lwendo; ⁶ bigila asiba wa liidi lya umanya yulu ya lwendo lwabo. ⁷ Alakini nambo sumbilo libesumbichiwa hamwechi mwigila asiba, alakini mishigila liidi lya umanya lwendo. ⁸ Baana ba Haluni, bibuli, noo bigilatuto tusiba; nato tubi wenyu m alago a milumbu u bibushi byenyu byose. ⁹ Iyaka haya hene hamwigya ulwa bita mnda gyenyu, ulwa na amangu ene ali hummonena benywe, hano noo hamwigila asiba a liidi lya umanya; benywe mwiengelechiwa u mbele wa Mlume, Abetcha enyu, benywe mwihogononywa na tumangu twenyu. ¹⁰ Iyaka lusugu lwa saso lyenyu, na masugu menyu ma ulitucha mene mali malagwe, na ulamana na abalu enyu a mwechi, mwigila tusiba twenyu yulu ya lutangi lwenyu lwa uchigya, na yulu ya nyama gya lutangi lwenyu lwa talala; nabyo bibi wenyu m kengelecho u mbele wa Abetcha enyu, nene noo Mlume, Abetcha enyu. ¹¹ Ha mwaa gwa bubili, mwechi gwa bubili masugu ma mwechi maumi mabili, liya ti,ba liginunywe uuma haya hegulu ha buya bushamo bwa mangisiyo. ¹² Baana ba Isilaeli bachuwile na ugya hambele, m lwendo lwabo mnda lwanaganywa lwa Sinai; na lilyo tmba lishamine mnda lwanaganywa lwa Palani. ¹³ Babo bagyatile wa alago a Mluma wa ugolwelwa na uboo wa Musa. ¹⁴ Ihana ya u mbele ubele bendela lya baana ba Yuda, na basolokoto babo; na Nashoni noo bugele mmosobu gwa basolokoto bage. ¹⁵ Na hegulu ha basolokoto ba ibushi ya baana ba Isakali gubele Nethaneli mwaana gwa Suali. ¹⁶ Nahegulu ha basolokoto ba ibushi ya baana ba Zabuloni gubele Eliabu mwaana gwa Heloni. ¹⁷ Na bushamo busachiwe; na baana ba Gelshoni, na baanaba Melali, bene babele huswala bushamo, bachuwile na ugya u mbele. ¹⁸ Hanyuma m bendela lya baana ba Leubeni bachuwile na ugya u mbele na basolokoto babo; na gwa hegulu ha basolokoto bage gubele Elisuli mwaana gwa Shedeuli. ¹⁹ Itaka hegulu ha basolokota na ba ibushi ya Simeoni m Shelumieli mwaana gwa Suli-shadai. ²⁰ Iyaka hegulu ha basolokoto ba ibushi ya baana ba Gadi m Eliasafu mwaana gwa Deueli. ²¹ Haho Bakohathi bachuwile na uswala biya bitundu bya bihaha; nabaya bange babugimiya buya bushamo hambele bashinahiya boo. ²² Hanyuma m bendela lya baana ba Eflaimu ligile nagya mbele gya basolokoto babo; na hegulu ha basolokoto bage gubele m Elishama mwaana gwa Amihudi. ²³ Iyaka hegulu ha basolokoto ba ibushi ya baana ba Manase m Gamalieli mwaana gwa Pedasuli. ²⁴ Iyaka hegulu ha basolokoto ba ibushi ya baana ba Benyamini m Abidani mwaana gwa Gideoni. ²⁵ Iyaka bendela lya baana ba Dani, bene babele hanyuma migoma gyose, bagyatile na basolokoto babo; nahegulu ha basolokoto bage m Ahiezeli mwaana gwa Amishadai. ²⁶ Iyaka hegulu ha ibushi ya baana ba Asheli m Pagieli mwaana gwa Oklani; ²⁷ Iyaka hegulu ha basolokoto ba ibushi ya baana ba Naftali m Ahila mwaana gwa Enani. ²⁸ Noo bibele lwendo lwabo baana ba Isilaeli na basolokoto babo; Nabo bagyatile ugya u mbele. ²⁹ Hanyuma Musa gumsambile Hohabu, mwaana gwa Leueli Mmidiani, sage buo gwa Musa, Beswe tuli hugya nagililila ihana yine idogomine Mlume guganine mwano gwage bino, Niimma benywe iya ihana; ugye hanwechi netu, beswe twiugilila misa; wa bululi Mlume guganine misa yulu ya Isilaeli. ³⁰ Nage gumsambile, Nene nishigya; ata bibyo nene nigiwiila sii gyanyi, na wa ilongo yanyi. ³¹ Nage gumsambile, ibumbu ino, ushitusige; bululi gogwe ugidi byatwisaha m lwanaganywa, na gogwe ubi hutulolela nahi meeso. ³² Nambo wigya hamwechi netu, ehe, ubi giya misa gyose gyine gyitulila Mlume, beswe twiugulila gyo na gogwe bibyo. ³³ Bibyo bagile uuma ha loono lwa Mlume lwendo lwa masugu matatu; na lindo lya Mlume lilombole hambele habo lwendo lwa masugu matatu, yulu ya ubaengela ihana yabo ya ulitucha. ³⁴ Na liya timba lya Mlume libele hegulu habo mchuba haya hababele hugyata uhuma ha bitula. ³⁵ Mengo, liya lindo halibele hugya hambele, haho Musa guganine, Ginyuwa, Ee Mlume, tumangu tobe na gusaliye, na tusine u mbele obe baya bali huuonywa gogwe. ³⁶ Iyaka haya hene halibele hugimana, guganine, Ee Mlume, ubagiwilile mauki umi ma mauki ma Isilaeli.