¹ Ha lusugu lulo lwa maumi mabili na mana lwa gugo mwechi baana ba Isilaeli babele basumbile, bahambile nangu uya iliwa, bali bachwale madagala, na uligesela ihwili u miswe. ² Bose bene babele ba ibushi ya Isilaeli balibagule na bagenyi bose, bagimene, balibediche buubi bwabo, na usona wa bamasabo. ³ Bibyo bagimene ha bihana byabo, basungule witabo ya m'bindo gwa MLUME, Abetcha abo, mengo ma ihindi ya lusugu; na inge ihindi balibediche, bamginamineMLUME, Abetcha abo. ⁴ Haho bagimene u mibambago gya Balawi, Yeshua, na Bani,na Kadmieli, na shebania, na Buni, na shelebia, na Bani, na Kenani, bamlilile MLUME, Abetcha abo wa liidi lyaata. ⁵ haho Balawi, Yeshua, na Kadmieli, na Bani, na Hashabneya, na Shelebia, na Hodia, na Shebania, na Pethahia, baganine, Gimanywe, mumginune MLUME, Abetcha enyu, utula milumbu na milumbu. Na litonywe china lyobe ligengechu, ligengede uhima mihaa gyose na punda chose. ⁶ Ezla guganine, Gogwe noo MLUME, gogwe buchima; gogwe uitile gulu, gulu lya gulu, hamwechi na bilume pambwa byage byose, sii na byose byine bili mo, gogwe ulihubiusa bino bitu byose; na bilume pambwa bya ha gulu bili huuginamine gogwe. ⁷ Gogwe noo MLUME, Abetcha, umsobole Ablamu, na umunya mnda sii gya Ulu wa Bakaldayo, na umma china lya Iblahimu; ⁸ gogwe uguminine mtima gwage uba guwilile umbele obe, ubiile malagano nage, umma sii gya Mkanaani, na Mmiti, na Mmamoli, na Mpelizi, na Myebusi, na Mgilgashi, ehe, ubaha babuswa bage; gogwe wawilicha binywa byobe, bululi gogwe noo mine na kiine. ⁹ Iyaka umonine asusu a bamasetu mnda Misili, ulihuliche lilo lyabo, uya wibamba ya bahali lya Shamu; ¹⁰ gogwe umoninye bisaga biingi na bihisho bya ugagicha hegulu ha Falao, na hegulu ha bagichi bage bose, na hegulu ha batu bose ba sii gyage; bululi umanine ugana babagilile wa anene; ulihe china nahi byalili lino. ¹¹ Gogwe ugabule bahali umbele wa meeso mabo, na bahishile hawingi ha bahali u bitete bya bigumu; na baya bene babele hubalama ubachinjiche m'benga, nahi liwe mluudi. ¹² Na uhima bibyo ubalombwele na ihanda ya timba mengo ma mchuba; na wa ihanda ya aahya mengo ma busugu; yulu ya ubaha lwenge mnda ndila gya bo ugila. ¹³ Iyaka usalile u loono lwa Sinai, udogome nabo uhumina ha gulu, ubahele uonona wa kiine, na m'bindo gwa kiine, na alago asoga na malagano; ¹⁴ ubasambile yulu ya sabato gyobe gya gihaha, na ubalaga malagano, na alago na m'bindo, mnda uboo wa mgichi gobe, Musa. ¹⁵ Ubahele biliwa uhuma ha gulu, yulu ya ndala gyabo, na wa yulu yabo uchwishiche maadi uhuma mnda liwe lwa lwata, yulu ya yuuma yabo, ubasambile yulu ya ugingila mnda sii na ugihyilila, gyine gyoligolole uboo obe na ubaha. ¹⁶ Haho boo na bamasetu baitile anene, baitile maoshi mabo uba magumu, na bashihuliche alago obe. ¹⁷ biibyo bahaninye uwasha, na bashiengeleche bisaga byobe, byoligilile hawingi habo; ata bibyo baitile maoshi mabo uba magumu, na yulu ya ubenga wabo babiileilume pambwa, yulu bagiwilile mishaminyi gya bucha; ata bibyo gogwe uli Abetcha, uli hoka na uleelela, gwa keene, gwa misa giingi, ushi gwa sungu cha abilo abilo, uli gwa yano iingibino ushibaleile. ¹⁸ Ehe, ata habalilongeche mwana ng'ombe gwa usumbulucha, na ugana, Gugu noo Abetcha obe uguhile na uuhunya mnda sii gya Misili, iyaka hababele hugila uchigilicha waata; ¹⁹ ata bibyo gogwe uli na uleelela obe wingi ushibashigile mlwanaganywa; ihanda ya timba ushihumine wabali mengo ma mchuba, yulu ya ubagolwela ndila; na ihanda ya aahya ishihumine mengo ma busugu, yulu ya ubaha lwenge na ubamonya ndila byabigila. ²⁰ Ubahele na mtima gobe gwa gusoga yulu ya ubagigya, ata bibyo ushibagimine mana mtunywa twabo, iyaka ubahele na maadi yulu ya yuuma yabo. ²¹ Ehe, mengo ma myaa maumi mana ubahele keeno chobe mlwanaganywa, bashienge atu; bichwalaganywa byabo bishiguliye, na magulu mabo mashibimbile. ²² Hamwechi na bibyo ubahele maoolo na mioga gya batu, gyolibagabulile ulalana na mitala gyabo; bibyo bahyilile sii gya Sihoni, ehe, ssi gyage oolo lya Heshboni, na sii gya Ogu, oolo lya Bashami. ²³ Baanababo nabo ubagolwele nahi tumbala-mbala twa ha gulu, ubagingiche mnda giya sii, gyolisambile bamasabo ugana bigigingila na ugihyilila. ²⁴ haho baya baana bagingile na ugihyilia giya sii, gogwe ubababule bashami bagiya sii umbele wabo; noo Bakanaani, ubabiile mnda maboo mabo, hamwechi na maoolo mabo, na batu ba ibaloo, babagile nahi byabibenja. ²⁵ Bawashile mabuga mene mali na migumbo, na sii gyine gyina keene, bawashile kolemadu mene mali magiluchu bitundu bisoga, bishima bya maadi bya bidabwe, mizabibu na mizeituni, miti giingi gyine gili na biguma; bibyo balile, bagyushile, bahemine, baseelele yulu ya misa gyobe giingi. ²⁶ Ata bibyo bashiunyeminye, buubengile, batelile m'bindo gobe unyuma migingo gyabo, babahagile ba mbuwa bobe babele hubangisiya yulu yabo babagiwiche oli; bagilile uchigilicha waata. ²⁷ Bululi bwa bibyo ubabiile mnda maboo ma tumangu twabo, babalemene mengo ma asusu abohabulilile, ubahuliche uhuma ha gulu; na yulu ya bwiingi bwa uleelela obe ubahele bahogononyi bene babahogonone mnda maboo ma tumangu twabo. ²⁸ Haya hababele bahuhwa ulibengeseya, bagilike buubi umbelewa meeso mobe; wa bibyo ubaleile mnda maboo matumangu twabo, nabo babahyilile; ata bibyo habagiwile na uulilila, ubahuliche uhuma ha gulu; ubahogonone nyendo chiingi yulu ya uleelela obe; ²⁹ ubabangisiye bululiubagiwiche iyaka mnda m'bindo gobe; ata bibyo banenune, bashihuliche alago obe, na babelile uonona obe, ( ene mtu gabeawasha gubi na mwego yulu yao) , nabo bahuminye maombe mabo baitile maoshi mabo uba magumu, bululi bashihuliche. ³⁰ Haho myaa gingi ulibiile wabali, gogwe ubabangisiye wa mtimagobe u tunywa twa bambuwa bobe; boo bashibenjiche uhulicha; bululi bwa bibyo ubabiile mnda maboo ma babinji nabo. ³¹ Haho yulu ya uleelela obe wiingi ushibasungiche abisa, na ubashiga; bululigogwe uli Abetcha ene ali na keene na uleelela. ³² Biino hano,Ee Abetcha, mmata, gwa uosha, Abetcha a usinywa, a uwilicha malagano na uleelela, adugwa use ene atupashile beswe, maoolo metu, na bauulu betu, na bibulibyetu, na bamasetu, nabatu bobe bose, utula aala a maoolo ma Ashulu ndaa na lino, na bishibalwe uba bicho-bicho. ³³ Ata bibyo gogwe uli gwa kiine, mnda bibyo byose byine byatupata; bululi gogwe ugilile bya chigilwe, biino beswe twagila bya bigugichu. ³⁴ na maoolo metu, na bauulu betu,na bibuli byetu, na bamasetu, bashiwashiche m'bindo gobe, na bashiwshiche alago obe na ubangisiya obe olibabangisiye. ³⁵ Bului bashibaugililegogwe mnda buoolo bobe,na mnda yano yobe yaata yolibahele, na sii gita gyata giya keenegyolibahele umbele wabo, na bashilibediche na uleya bisone byabo. ³⁶ Loola, beswe hano tuli bacha lino, na yulu ya mwano gwa gino sii gyolibahele bamasetu, yulu baaye biguma byagena bisoga byage,loola, beswe hano tuli bacha oli. ³⁷ Babyo byabaha alambwe eengi maoolo bolibiilehegulu hetubululi bwa buubibwetu; iyaka bali na uosha hegulu ha mibili gyetu, na hegulu ha nyama chetu, nahi byabalihubenja beswe tuli na asusu aata. ³⁸ Bululi bwa bibyo byose beswe gabiya malaganoma chigilwe, na umagole; na bauulu betu, na Balawi betu, na bibuli byetu, bamabiila byaala.