¹ Haho machile lilo lwata lya batu, nanbaachi babo, yulu ya bashiwabo Bayoda. ² Bululi habele batu bene baganine, Beswe, na baana betu na misiha gyetu tuli beengi; tuhewe mgano yulu tube na mwego. ³ Iyaka habele na bagenyi bene baganine, twabiya mabala metu u ya mbwate ya maboo, na mixabibu gyetu, na madu metu, tuhewe ngano yulu ya ndala. ⁴ Iyaka habele bange baganine, Tukopile bumona yulu tuhane u mlambu gwa oolo noo yulu tubiile mabala metu u ya mbwate ya maboo, na mizabibu gyetu. ⁵ Ata bibyo mibili gyetu mnahi mibili gya bashiwetu, na baana betu nahi baanababo, mndi! Mwahubabiya m'bucha baana betu na misiha gyetu uba bagichi, na bamwe bawamisiha gyetu mwahubabiya m'bucha; na tushinaosha uligohonona na bibyo; bululi batu beengi bali na mabala metu na mizabibu gyetu. ⁶ Nene nichigilwe abuna, handihuliche lilo lyabo, na bibyo bunywa. ⁷ Haho nihungile mnda ichuli-chuli yanyi ya mwego, nigumene na maata ba ihwilo, nibasambile, Mulihulipisha batu bumona bwa hegulu, kila na mshiwabo. Musumbiche sumbilo lyata tulu ya uhimana nabo. ⁸ Nibasambile, Beswe ulamana na uosha wetu twabahogonona bashiwetu Bayahudi, bene baguchiwe u bashi babagibe kumbi; nabenywe mulihubenja ugucha bashiwenyu, iyaka ubagucha yulu beswe tubagule? Bashamine pii, bashioshiche udogoma inywa yo yose. ⁹ Iyaka niganine, Ino ihisho yamlihugila ishi isoga! Bishilingye benywe ugyata mnda booba bwa Abetcha etu, iabo ya ugiluchiwa na bashibabagibe kumbi tumangu twetu? ¹⁰ Na nene byoka biya, na bashiwetu, na bagichi banyi, tubahele batu bumona na ngano yulu batugiwidiche na alambwe? Ibumbu ino na tuleye iyo ihisho na ugiwidichiwa bumona bwa hegulu. ¹¹ Nasabo, bagiwidichiwe lino hano mabalamabo, na mabala mabo ma mizabibu, na mabala mabo ma mizeituni, na madu mabo na guya mtala gwa sambi gwa bumona, na ngano, na divai, na gwa mauta, gwamuli hubalipisha. ¹² Haho baganine, Twibagiwidicha, na tushisaba itu yo yose wabali; twiitq bibyo, nahi byawagana, Hanyuma nigishile bibuli, nibalahiche, ugana biita nahi maklagano mabo. ¹³ Iyaka niukumune bichwalaganywa byanyi, niganine, Abetcha ammukumune byoka biya kila mtu mndu mwage, na mnda mgilo gwage, mine gushiwilicha mamo malagano; ehe, na gaukumune byoka bibyo, uba gushi na atu. Sumbilo lyose liganine, Bibe bibyo; bamtonine MLUME. Batu bose bagili nahi malagano mabo. ¹⁴ Utula mamo mengo mandibiilwe uba mmata gwabo mnda sii gya Yuda, utula mwaa gwa maumi mabili ndaa na mwa gwa maumi matatu na gibili gwa oolo Altashasta, noo, myaa umi na gibili, nene na bashiwetu tushilile iliwa ya oolo. ¹⁵ Bibyo maata ba mabuga bene bangolwele hambele hanyi, babalemene batu, babaguhile biliwa na malwa, uhima shakeli maumi mana ma lufeza; iyaka baacha babo nabo bahyilile batu; ila nene nishigilile bibyo, wa yulu nimnyeminye Abetcha. ¹⁶ Ehe, ata mgilo gwa ino imambacha nigiwashile abisa, na tushigulile mabala; na bagichi banyi bose basumbile uya u mgilo. ¹⁷ Hamwechi na bibyo babelehuya u mesa manyi, hawingi ha Bayahudi na maata ba ihwilo, batu sambi na maumi matano, uhima baya bene batuchwilile uhuma u baya bashigile kumbi bene batuchugnuluwe. ¹⁸ Biino, byine bilongichiwe wa uhiya wa lusugu lumwechi bibele ng'ombe gimwechi na miyoo gya gibenju mtuba; iyaka bapiile koo, lwendo lumwechi u masugu umi nibiilwe malwa ma mioga gyose; na ata wa bibyo byose nishisabile iliwa ya mmata gwa mbuga, bululi bucha bubele bushito hegulu ha babo batu, ¹⁹ Ukengeleche Ee Abetcha anyi, yulu ya misa gyose gyandigilile uli bano batu.