¹ Haho habele, habasambilwe Sanbalati, na Tobia, na Geshemu, Mmalabu na tumangu tetu baya bange, ugana twalugubaa lukuta, na hashishigele bibeelela wa luli; (inangwa ata maya mengo nishinagimiya michango na michango gya hambuga); ² Sanbalati na Geshemu batumine batu wandi, baganine, Chuno, tusambane uya utumabuiga twa sii gya Ono. Bibyo babele hunangila ungita bisone. ³ Na nene nitumine batu wabali, niganine, Guno ii mgilo gwata gwandihugila nene, na nishiosha uchwa ubo, Yulu yai igimiya mgilo, haya handiguleya, na uchwa ubo? ⁴ Nabo banjwilile na binywa nahi bino nyendo china; nibagaile bunywa nahi biya. ⁵ Haho Sanbalati guhilile mcha gwage wandi byoka biya nyendo chitano, na mkanda hululu mmuboo wage; ⁶ nabyo bigolilwe mo, Mwano gwadagalala hawingi ha mioga, nage Geshemu gwadogoma inywa yoka iyo. ugana gogwe na Bayahudi mulihuenga ubenga; noo yulu ulihugubaa iyo ibambacha; gogwe ulihubenja ubahyilila, noo byabali hugana. ⁷ Gogwe wabiya bambuwa yulu buubuwile uya Yelusalemu, ugana, Uli oolo mnda Yuda; biino hano gwihewa mwano oolo ulamana na bino bibywa. Uchwe bino hano tuhunge mmungo hamwechi. ⁸ Haho na nene nitumine batu weli, ugana, Hashihagiliye ihisho nahi iyo yolihugana, mndi wa mtima gobe gogwe wabamba. ⁹ Bululi babo bose babenjiche utudidibula, babele hugana; maboo mabo mabi bukoko mashioshe mgilo gushigiliye. Biino hano nabiya maboo manyi uoma. ¹⁰ Nigingile mndu gya Shemeya, mwaana gwa Delaya, mwaana gwa Mehetabeli, gubele hambilwe; nage guganine, Tusambane mndu gya Abetcha, mnda mwa ihwilo, twabugale michango gya ihwilo; bululi banachwa uuhaga. ¹¹ Nene niganine, Wi wii! Mtu nahi nene nasine? Nage mnanyi guli nahi byandi nene, gwigingila mmihwilonage galihonye mwego gwage? Nishigingila mo. ¹² Niobole, na loola, ashi Abetcha amtuma; biino gwabuwa inyume yanyi; nabo Sanbalati na Tobia noo bammiga. ¹³ Wa yulu ya bibyo gwahigwa, bululi nene namone booba, nabeiita bibyo na ugila buubi, hanyumo boo babe na mwano gubi, yulu ya baangiluche. ¹⁴ Ubaengeleche Ee Abetcha anyi, Tobia na Sanbalati ulamana byoka biya na bigilanywa byabo, na guya mbuwa gwa mmachana Noadia, na baya ba mbuwa bene bashigele, bene babendiche upa booba. ¹⁵ Haho luya lukuta lo nuuhwa lusugu lwa maumi mabili na matano ma mwechi gwa Eluli ( Ameena=inana), mnda masugu maumi matano na mabili. ¹⁶ Haya tumangu twetu tose hatuhuliche, noo baya bashibabagibe kumbi bene babele batuchunguluwe bamonine booba, nabo nunogeya mitima abusa hawingi habo boo bene; bululi bamanine mgilo guya gwine gugililwe na Abetcha etu. ¹⁷ Iyaka maya masugu mauulu ba Yuda bammilile Tobia mikanda meengi, nagyo mikanda gya Tobia gibahyile. ¹⁸ Bululi babele batu beengi mnda Yuda bene bamlahile, ibalo gubele sage buo na Shekania, mwana gwa Ala, nage Yehohanani mwanage gulimgonde msiha gwa Meshulamu, mwaana gwa Belekia. ¹⁹ Iyaka badogomine bisoga gyage u meeso manyi, na binywa byanyi babele humsambila gee. Tobia nage gupilile nene mikanda gyupa booba.