¹ Bibyo gugimene Eliashibu, ibulu ya yata, hamwechi na mashiwabo bibuli, bagubae mchango gwa miyoo; babiile biikwa byage, bagimiye michango gyage, ndaa na ndu gya gilahu gya Hamea boo nuguhahacha, ndaa na ndu gya gilahu gya Hananeli. ² Na hanyuma habo bagubae ii batu ba Yeliko. Na hanyuma habo Zakuli gugubae, mwaana gwa Imli. ³ Na mchango gwa swii gugubawe na baana ba Senaa; babiile biikwa byage, bagimiye michango gyage, na bigela byage, na tuhongolo twage. ⁴ Na hanyuma habo guhalingiche Malemothi mwaana gwa Ulia, mwaana gwa Hakosi. Na hanyuma habo gulongiche Meshulamu, mwaana gwa Belekia, mwaana gwa Meshezabeli, Na hanyuma habo gulongiche Sadoki, mwaana gwa Baana. ⁵ Na hanyuma habo gulongiche Watekoi; ata bibyo bauulu babo bashibiile maoshi mabo u mgilo gwa mlume gwabo. ⁶ Na mchango gwa aala bagulongeche Yoyada, mwaana gwa Pasea, na Meshulamu, mwaana gwa Besodeya; bagubiile maikwa mago, bagimiye michango vyage, na bigele byage, na tuhongolo twage. ⁷ Na hanyuma habo baitile Melatia, gwa Gibeoni, na Yadoni, Mmelonothi, batu ba Gibeoni, na ba Mispa, bene na sii ba isuba ya buoolo ya mmata gwa mbuga gya m'bwala Luudi. ⁸ Hanyuma habo guitile Uzieli, mwaana gwa Halhaya, gomwe gwa beeno ba nolo. Na hanyuma hage guitile Hanania, gumwe gwa beno bulongya malashi, nabo bagubaile Yelusalemu ndu gya gilahu ndaa na u iya ibambacha ya yata. ⁹ Na hanyuma habo guitile Lefaya, mwaana gwa Huli, ilume pambwa ya ibaa ya Yelusalemu. ¹⁰ Na hanyuma haboguitile Yedaya, mwaana gwa Halumafu, ulolela ndu gyage. Na hanyuma hage, guitile Hatushi, mwaana gwa Hashabneya. ¹¹ Malkiya, mwaana gwa Halimu. na Hashubu mwaana gwa Pahath-Moabu, gulongiche inge ibaa na ndu gya gilafu gyuhumina mii. ¹² Na hanyuma hage gulongiche Shalumu, mwaana gwa Haloheshi, ilume pambwa ibaa ya Yelusalemu, gee na misiha gyage. ¹³ Mchango gwa ibetabeta bagulongeche Hanuni, nabo bashami ba Zanoa; bagugubae, bagimiye michango gyage, na bigele byage, na tuhongolo twage naniyo ibambacha ya ulaha wa maboo uki ndaa na u mchango gwa chaala. ¹⁴ Na mchango gwa chaala gulongiche Malkiya, mwaana gwa Lehabu, ilume pambwa ya mkoba gwa Beth-hakelemu; gugubae gugimiye michango gyage, na bigele byage, na tuhongolo twage. ¹⁵ Na mchango gwa umisula guguitile Shalumu, mwaana gwa Kolhoze, ilume pambwa ya mkoba gwa Mispa; guguitile na uguwila, gugimiye michango gyage, na bigele byage, na tuhongolo twage, na iyo ibambacha ya mtondo gwa Shiloa hoka na lubala lwa oolo, ndaa na umibambago gisusala uhuma mmbuga gya Daudi. ¹⁶ Hanyuma hage gulongiche Nehemia, mwaana gwa Azbuki, ilume pambwa ibaa ya mkoba gwa Beth-suli, ndaa na ihana iya ili hulola tubuli twa Daudi, ndaa na mtondo gwine gulingiwe, na ndaa na ndu gya bilume pambwa. ¹⁷ Hanyuma hage balongiche Balawi, Lehumi, mwaana gwa Bani, Hanyuma hage gulingoche Hashabia, ilume pambwa ibaa ya mkoba gwa Keila,yulu ya mkoba gwage, ¹⁸ Hanyuma hage balongiche bashiwabo, Binui, mwaana gwa Henedadi, ilume pambwa ya ibaa, ya mkoba gwa Keila. ¹⁹ Na hanyuma hage guitile Ezeli, mwaana gwa Yeshua, ilume pambwa ya Mispa, lunge luubi, uhugulwila haya ha uchina ha bubiilo tuone, uchunguluwa lukuta. ²⁰ Hanyuma hage Baluki, mwaana gwa Zakai, guitile wa alima kelela inge ibaa, uhuma haya hasugalwila ibamabacha ndaa na u mchango gwa Eliashibu, ibuli ya yaata. ²¹ Hanyuma hage guitile Melemothi, mwaana gwa Ulia, mwaana gwa Hakosi, inge ibaa, uhuma u machango gwa Eliashibu ndaa na wisula ya ndu gya Eliashibu. ²² Na hanyuma hage balongiche ba Bibuli, batu ba ulagala. ²³ Hanyuma habo balongiche Benyamini na Hashubu, ulolela madu mabo. Hanyuma habo guitile Azalia mwaana gwa Maaseya, mwaana gwa Anania, mibamba mwa ndu gyage. ²⁴ Hanyuma hage gulongiche Binui, mwaana gwa Henedadi, inge ibaa, uhuma ndu gya Azalia, ndaa na hene hasuhugulwila ibambacha, ndaa na usunga lya lukuta. ²⁵ Hanyuma hageguitile Palali, mwaana gwa Uzai, ulola hasuhugulwila ibamabacha, na giya ndu gya gilahu gusuhuma haya ha ndu gya hegulu gya oolo, gili hoka na lagala lwa balochi. Hanyuma hage, guitile Pedaya, mwaana gwa Paloshi. ²⁶ (bino babachi ba batu basushama Ofeli), ndaa na ihana ilihugya luubi lwa mchango gwa maadi hoka na mlugulu, na ndu gya gilahu hagisulungwa. ²⁷ Hanyuma hage balongiche Batekoi inge ibaa, ugya luubi lwa ndu gya gilahu gwa gyaata hagisulungwa, na ndaa na lukuta lwa Ofeli. ²⁸ Hegulu ha mchango gwa falasi balongecha ba Bibuli, kila mtu uhugulwila ndu gyage. Hanyuma habo gulongiche Sadoki, mwaana gwa Imeli, uhugulwila ndu gyage. ²⁹ Na hanyuma hage gulongiche Shemaya, mwana gwa Shekania, mlochi gwa mchango gwa mlugulu. ³⁰ Hanyuma hage balongiche Hanania, mwaana gwa Shelemia, na Hanuni, mwaana gwa Salafu, inge ibaa. Hanyuma hage gulongiche Meshulamu, mwaana gwa Belekia, inge ibaa uhugulwila yumba yage. ³¹ Hanyuma hage gulongiche Malkiya, gumwe gwa batumbi ba nolo, ndaa na ndu gya Babachi ba batu, na gya badagulanyi, uhugulwila luubi lwa mchango gwa bulogo, ndaa na uyumba ya hegulu ya mibamba. ³² na hawingi ha yumba ya hegulu ya mibamba na mchango na mchango gwa miyoo galongoche basuchi ba nolo na badagulanyi.