¹ Gumsambile, bibebibyo, nihuganina, Hali batu ha baba bagimanyu hano, bashitonda lubu abisa, bimona buolo bwa Abetcha bulihuchwa wa uoma. ² Hanyuma ha masugu mtuba Yesu gubaguhile Pedelo, Yohana, na Yohana gugile nabo uloono lwa lulahu wa menjwa, bobuchima gugalwile yenyi yage umeso mabo; ³ bichwalwa byake nugengeda, mahaha too, bashinaosha mtu gegese uchilingya chihaha. ⁴ Babuluswilwe na Eliya hamwechi na Musa, nabo babele hugombola na Yesu. ⁵ Pedelo gugaile, kudogomine, Yesu, Mgigya, ii bisoga beswe tube hano, tugubae bitula bitatu, imwechi yobe gogwe, imwechi ya Musa, imwechi ya Eliya. ⁶ bululi gwishilwe yudogoma, yulu babele na booba bwingi. ⁷ Bibyo hachwile timba, libabiile ichuli chuli, lidi lihumine mliya timba, kugu noo Mwananyi mbenjwa mumuliche gee. ⁸ Haho balolile uu na uu bashimonine mtu Yesu gee buchima ka. ⁹ Hababele husala loono guba hanyinye bashisambile mtu byabamonine, ata Mwana gwa Adamu hebii gwahuchulwa uhuma ubabu ¹⁰ Bawashile iya inywa, babuchenye boo wa boo, uya uchuwa wa uhuma ubabu noo ii? ¹¹ Bapudiche, baganine ati bagochi baganine bilingye gatange uchwa Eliya? ¹² Gugaile gubasambile, winene Eliya gwitangu uchwa, na ubigiwicha byose lihya; hamwechi na bibyo, bamgolele wii Mwana gwa Adamu ugana gwisusulwa biingi na unenunwa? ¹³ Nilihumsambila, Eliya guhwile uchwa, na bamkilile byose byababendiche nahi byabigolilwe yulu yage. ¹⁴ Nahabahuile bagigiwa, bamonine sumbilo lyata lihubachunguluwa, na bagochi huhapana nabo; ¹⁵ Sumbilo lyose halimmonine bagagilwe, bagile abilo na umtanya. ¹⁶ Gubabudiche muli huhapatilana ii? ¹⁷ Gumwe mtu gwa msumbilo gumpudiche, Mgigya, nuchwa na mwananyi gwina miha gya ameme; ¹⁸ na hagisusela, gisumtela hasi, nage noo uhumwa na ihuchu waanywa na ulichiya meeno, na ugonda; nisambile bagigiwa bobe hashioshiche. ¹⁹ Gubagaile, gee nugana, benywe ibushi ishi na buwasha, nishama mpaga mengo nai? tubeane mpaga mengo nai? Chuwe nage wandi. ²⁰ Bamiiche weli; helimonine, guya mma gugwishishe bimbalaga; genugwa hasi, na ulibilingisha hasi, na uhumwa na ihuchu. ²¹ Gubudiche sage, bibi bimtulile mengo nai? Gugaile, utula bulela. ²² Nahamwe umtela mmahia, hange mmadi, gammaage; nambo wahuosha inywa yoyose, tumanene kene, tuwatiliche. ²³ Yesu gumsambile, wahuosha! Byose bisuguliya wa m'bwasha. ²⁴ Sage na guya mmwalubaga gugaluiloe wa lidi; guganine, Nawasha, bwatiliche ushi uwasha wanyi. ²⁵ Yesu nage, hemonine sumbilo lilihusumbila abilo, guombile guya mma gubi, gugusambile, Gogwe mma gwa ameme na buhuli, nene nuhugumbila, mmume guna na ushimgichi iyaka. ²⁶ Gulilile na ubiya bibalaga abisa, gono uhuma, ge nubaa nahu mmu; bamwe bange baganine gwawa. ²⁷ Yesu gum'bwatile uboo na umkimiya nage nukimana. ²⁸ Helikingile nduu bakikiwa bake bampuchiche wamenjwa yulu ya hee beswe tusahosha ukuhunya? ²⁹ Kubasambile wa bibyo mushi na hosha ukuhunya, wa inywa yoyose namboo wa husuba kaa. ³⁰ Bahumine hubo bahitile hawingi ha galilaya; nakekushi bendiche mtu kamane. ³¹ Bululi kubele hubakikya bakikiwa bake, kubasambila mwana kwa Adamu kwekya ubewa maboo ma batu, nabo bemmaka, helihwa uhakwa hanyuma ha masuku matatu kwechuwa. ³² Nabo bashimanine eya enywa basinine umpucha. ³³ Bahile Kapelenaumu; helibele nduu kubabudiche muna mahindi ma hee ndela? ³⁴ Bashamine pii; yulu ndela babele na mahindi bowabo, ii nanyi kule mmata. ³⁵ Kushamine hase kubakitile baya umi na babele kubasambele mtu kule ubenja ubaa mtangi kweba kwisula ubose na mkichi kwa bose. ³⁶ Kukuhile mwana numpeya hawingi haba ke nomumbatila, ke no basambela, ³⁷ Mtu kwe kaa mwana kumwechi nahe kuno wa china lyanyi kwangaa nene, na mtu kabengaa nene kuasangaa nene kwakaa mine kwipilile ³⁸ Yohana kumkaile, Mgigya tumonine mtu kule uhuma miha wa china lyobe, kushi netu twemanya, bululi kushi netu beswe. ³⁹ Yesu kukanine mushimanye yulu hashi mtu kwena heta isaka waa china lyanyi kaambilwe na undogomena bibee. ⁴⁰ Bululi mine kushi inyume yetu kule lube lwetu. ⁴¹ Kekese kwinywisha lobada lwa madee yulu benywe mule bato ba kilishito, na bibe bibyo, namsambela kushi hula alambwe age. ⁴² Na kekese kwelubya kumwe kwa bano ba bacho bacho babawashe bilingye kahambwe liwe lye uhelela myoshi mwage numtela ummichiba. ⁴³ Na uboo obe ube ulubya, ukeede bilingye ukingila umwego kwa hegulu, ule uba na maboo mabele na ukya m'michiba ya ahya ashi bachima; ⁴⁴ [Mmu byoolo byabo bishi ba waa na ahya ashibachima] ⁴⁵ Na ukulu hobe ube ulubya uukede bilingye ukengela mpuolo, bwa mweko hule itende, ule ubaa na makolo mabele na utelwa m'michiba ma ahya, ⁴⁶ [ Na byoloo byabo bishiba waa na ahya abo hashibachima] ⁴⁷ Na liso lyobe libe ulubya ulichule, ulitele, bilingye ukingila upuolo bwa Abetcha, huli na liso limwechi, uli uba na meso mabele na utelwa m'michiba ma ahya, ⁴⁸ Muli byoolo byabo bishi bahwa na ahya abo ashibachima. ⁴⁹ Bululi bamwe bato babewa minyu kya ahya. ⁵⁰ Minyu i kubenju na minyu uba kushi minyu gunaeswa wii? guloke? mpe na minyi mnda mwenyu, mushame na talala benywe na benywe.