¹ Guhumine ubo noo uhiya ulugumba lwa Bayahudi, mb'wala mwa Yolodani; Masumbilo mengi basumbile iyaka na umgila; gubagigishe iyaka nahi byelibele mmolobele. ² Bibyo Bafalisayobamgilile, bam'budishe, Wii! ii bibenju mtu uleana na mmachage? haho balihumtonda. ³ Nage gugaile, gubasambile, Musa gubasambile wii? ⁴ Baganine, Musa guhanene mgolwelo ugola yaanyi ya uleana. ⁵ Yesu gubasambile, yulu ya uguma wa mitima gyenyu gubagolele gino ngolwelo. ⁶ Bibyo utula bubumbi bwa ibaloo, gubaitile mlumyana na mmachana. ⁷ Wa yulu ya bibyo mtu gwishiga sage na mmnage, gwichibatilana na mmachage; ⁸ na babo babili babi m'bili gumwechi; na uba bashi babili iyaka, ii uba m'bili gumwechi. ⁹ Bino ilungilwe nw Abecha, mtu gashi isambuanye. ¹⁰ Na undu bagigiwa bagililile um'bucha hoka iya inywa. ¹¹ Gubasambile,Mtu gegese gwimleya mmachage na ugonda gunge ii lusengu ha m'bili gwage. ¹² na mmachana gabeleana na mlumyage na ugonjwa na gunge mtu ii lusengu ¹³ Haho bamilile baana ba bacho bacho yulu gabaude; bagigiwa bage babaambile . ¹⁴ Bibyo Yesu helimonine guchigililwe abisa, gubasambile, Balewe baana ba bacho bacho bachwe wandi, mushinbachibile; yulu baana nahi babo buolo bwa hegulu ii bwabo ¹⁶ Gubaumbatile, gubiile maboo mage hagulu habo na ubahalila mihaa ¹⁷ Na helibele huhuma mmbuga, gumwe mtu guchile weli abilo, gum'bungile machwi, gum'budiche, Mgigya msoga, naite wii yulu nahyane mwego gwa milumbu? ¹⁸ Yesu gumsambile, yulu yai ungita msoga? hashi guli msoga ii gumwechi, noo Abetcha. ¹⁹ Ugidi malagano, Nangu uhaga, Nangu uba Sengu, Nangu ugiba, nangu uhingimiya bya lulimi , nangu udogoma lulimi, Ubanyemye ba sobe na mnobe. ²⁰ Gumsambile, Mgigya,bibyo byose nisubigila utula bulela bwanyi. ²¹ Yesu gumlolile meso, gumbendiche, gumsambile, Wahungwilwa na inywa imwechi. Ugye uguche byose byoli nabyo, ubahe bambuchu, na gogwe ubi na lindo hegulu; hanyuma uche undame. ²² Bibyo guya guhambile yenyi yulu ya iya inywa, gugile na sungu; yulu gubele na buimona bwingi. ²³ Yesu gulingamine ngubi chose,gubasambile bagigiwa bge, Nahi byabibi biomu mtu gwa bitundu ugingila mnda buoolo bwa Abetcha! ²⁴ Bagigiwa bage bagagilwe yulu ya binywa byage. Yesu gudomine iyaka, gubsambile, Baana, nahi byabili bigumu mine guli hugegamina bitundu ugingila mnda buoolo bwa Abetcha! ²⁵ Ii bihuhu ngamia ulihengya mnda hundu lya lushinge uli mona ugingila mnda buoolo bwa Abetcha. ²⁶ Nabo bagagilwe abisa, bamsambile, M nanyi, mndi, gwiosha uhogonowa? ²⁷ Yesu gubalilile meso, guganine, Wa batu bishinaoshiwa, noo bishi wa Abetcha; yulu byose byabihuitiya wa Abetcha. ²⁸ Pedelo gutulile umsambila, Lola, beswe twashiiga byose na uulama gogwe. ²⁹ Yesu gudogomine, Na bibe bibyo. nuhumsambila, Hashi mtugushigile nduu, bashiwabo na bakachage, na mnage na baana, na mabala, wa yulu yanyi, na wa yulu ya Mwano Gubenju, ³⁰ gugo gwihewa nyendo sambi mano mengo, nduu, na bashiwabo na bakachage, na mnage, na baana, na mabala, hamwechi na asusu; na iya ibalo yichwa mwego gwa milumbu. ³¹ Bibyo beengi bali baqyangi babi ba isula; na ba isula babi batangi. ³² Na hababele mndila, haho balihuserla ugya Yelusalemu; na Yesu gubagolwele; bagagilwe, nabo uulama bamonine booba, gubafgubhile iyaka baya umi na Bopi, gutulile ubasambila mwano gwa bihisho byine byelihitila. ³³ guganine, Loolwe, tulihusela ugya Yelusalemu; na Mwana gwa Adamu gwibiwa mbaoo ma baosobu na bibulina bagichi, nabo bimonona gawe, bim'biya mmaboo na miooga, ³⁴ Nabo bimdogomena bibii, na umsulila mate, na umula sangulo, na umaga; na hanyuma ha masugu matatu gwichuwa. ³⁵ Yakobo na Yohana, baana ba Zebedayo, bamgilile, bamsambile, Mgigya tulihubenjamutugilile yoyose yatwiusaba ³⁶ Gubasambile, mulihubenja nmitile ii?. ³⁷ Bamsambile, Utunyemye ushama, gumwe uboo ube wa ulume na gunge uboo obe wa uachi, mmugengeda obe. ³⁸ Yesu gubasambile, Mushigidi yamulihusaba. Mwiosha uinywa isengo yandinywa nene, na muchunjwe uchunjwa wandichunjwa nene?. ³⁹ Bamsambile, Twiosha, Yesu gubasambile, Isengo yandinywa nene mwiinywa, na uchunjwa wanduchunjwa nene mwichunjwa; ⁴⁰ wa yulu ya ushama uboo wanyi wa ulume na oboo wanyi wa uachi gushi nene guuma, ii wa baya bihewa babiilwe aala. ⁴¹ Na baya umi habahuliche batulile uchigililwa yulu ya Yakobo na Yohana. ⁴² Yesu gubagishile, gubasambile, Mugidi ugana baya balihubalwa uba baosobu ba Mioga balihumyilila wa uoma, na baosobu babu balihumgicha wa uoma. ⁴³ Na bishibi bibyo wenyu; bibyo mtu gulihubenja uba mmosobu gwenyu, gubi mgichi gwenyu. ⁴⁴ na mtu gulihubenja uba mtangi gwenyu, gubi mcjha gwenyu. ⁴⁵ Yulu Mwana gwa Adamu nage gushichile ugililwa, guchwile ugila; na uhana ichuli chuli yage ya mwego uba alambwe u batu bengi. ⁴⁶ Bahiile Yeliko; na helibele huhita mndila uhuma Yeliko, hamwechi na bagigiwa bage, na ihichi yata, mwana gwa Timayo, Balitimayo, guya msabi ihobu, gubele mshame mibamba mwa ndila. ⁴⁷ Nage halihuliche ugana ii Yesu gwa Nazaleti, gutulile usecha lindi mbila, na ugana, Mwana gwa Daudi, undeleele. ⁴⁸ Na batu beengi bammambile, bululi gashame pii, gugililile uta mbila,Mwana gwa Daudi, undeelele. ⁴⁹ Yesu gugimene na ugana, Mgiswe, Bamgitile guya ihobu, basambile, Lihe mtima; ginyuwa, gulihugita. ⁵⁰ Gutelile ichwalaganywa yage, guguluilwe, gumgiiile Yesu. ⁵¹ Yesu gumgaile, gumsambile, Ulihubenja nugilile ii? Guya ihobu gumsam,bile, Mgigya gwanyi, nilihubenja namone. ⁵² Yesu gumsambile, Ubeligila lobe, uwasha ube wa uhonya. Hoka haho gee no umona; gumlamine mndila.