¹ Hamaya masugu, nahi biya bya libele sumbilo lyata, nabo bashibele na iliwa, gubagutile bagigiwa bage, nubasambila. ² Nihubamonena kene lino sumbilo bino ii masugu matatu bashame nanyi, na bashi na byuya; ³ nene nabebasambila bagye lwabo umadu mabo bahambe uyaa, binywa bagamndila; na bamwe babo bahuna koo. ⁴ Bagigiwa bage bamgaile, Wii! gunaosha mtu ubalisha baba mikate mno mlwanaganywa? ⁵ Gubabudiche, mwina mikate gingi? baganine njwii. ⁶ Gubasambile liya sumbilo lishame hasi; guguhile giya mikate njwii, guheleleche, gee uhuwa gubahele bagigiwa bage, babagabulile, no ubagabulila sumbilo. ⁷ Babele na swii chichoo; guchiheleleche, gubasambile babahe na chicho nacho. ⁸ Batu balile, bagyutile, baongwele byushigala by bihindi bya mikatibihichi njwii. ⁹ Na batu bene balile babele alibu uki china. gee nuubalaga. ¹⁰ Haho gee nuchina m'bwato hamwechi na bagigiwa bage, gugile luubi lwa Dalmanutha. ¹¹ Bachwile Bafalisayo, batulile uhapana nage; balele huenga gabahe biloyo uhuma hekulu, bamgaile. ¹² Gusumine mnda mtima, guganine, yulu ya ino ilongo. ¹³ Gubashigile guchinine bwato, gugila lwage mpwala. ¹⁴ Bagibilile uswala mikate, na mbwatu m'bele nkati gumwechi ka. ¹⁵ Gubalagile, guganine, lolwe, ligagulwe na mshimi gwa Bafslisayo na mshimi gwa Helode ¹⁶ Baabele huhidana boo wa boo yulu bashina mikate. ¹⁷ Yesu nage hemanine, gubasambile yulu yaii mulihupana ibalo mushi na mikate? ¹⁸ Mwina meeso, mushihumona, mwina matuu, mushi uhulicha? na mushihuendelecha? ¹⁹ Handihwile giya mikate gitano na ubaha baya uki chitano, muswalile bitanga binga bigiluchu bihindi? Bamsambile umi na bibili. ²⁰ Na giya njwi ubaha baya uki china, uguhile bitanga binga bigiluchu bihindi binga? Bamsabile njwii. ²¹ Gubasambile mushi namana ka? ²² Bahiile Betesaida, bamchilile na ihobu, bamtongelele gamude. ²³ Gum'bwatile uboo guya ihobu, gugile nage hambuga ha mbuga, gumsulile mate ma meeso, gum'biile mabo mage, ge nuupucha, wamona itu? ²⁴ Gulolile hekulu guganine nihumona batu nahi miti gyihugyata. ²⁵ Noo ge nubiya maboo mage hekulu ha meeso mage, ge nulola iyaka, nuba poo, nuumona byose hululu. ²⁶ Kumilile undu gyake, guganine ushi gingile mtu. ²⁷ Yesu guhumine na bagigiwa bage bagile ii mabuga Kaisaria-Filipi; na mndila gubabudiche bagigiwa bage ugana, Batu basugana nene ni nanyi? ²⁸ Bagaile; Yohana Mchunji, bange, Eliya; bange; gumwegwa bambua. ²⁹ Nage nubabucha, na benywe mulihugana nene ni nanyi? Pedelo guhanine na uusambila gogwe noo Kilisto. ³⁰ Gubasambile bashisambile mtu guya mwano gwage. ³¹ Gutulile ubagigya bino Mwana gwa Adamu gwipata tususu twingi, na kwihanyiwa na baulu, na batu ba bibuli, na bagochi, na uhagwa, na hanyuma ha masugu matatu uchuwa. ³² Gubele hulisamba iyo inywa wa hululu Pedelo gumguhile na utula umambila ³³ gugalwile, gubalolile bagigiwa bage, gummambile Pedelo nugana, gidaga unyuma wanyi Ihindi; bululi ushihulanga bya Abetcha, bya ii mtu ka. ³⁴ Gugitile sumbilo hamwechi na bagigiwa bage, gubambile, Mtu gegese kwahubenja undama galihanye gemine, galiswiye mti gwa asusu gwage na gaandame. ³⁵ Bululi mtu gwi benja uhonya ichulichuli ya mwego gwigichinya, na mtu gwibenja uhaga ichuli chuli yage ya mwego wa yulu yanyi na yulu ya Mwano, gugo gwihonya. ³⁶ Bululi mtu gwihewa alambwe nai wa uhewa ino ibaloo yose na uchiminya ichuli chuli yage ya mwego? ³⁷ Na gahani ii uli ichuli chuli yage ya mwego? ³⁸ Bululi mtu gwimonena abule, na binywa byanyi wa ibushi ino ya lusengu na bubu, Mwana gwa Adamu gwimonena abole mtu gugu, helichwa mbuhaha bwa sage hamwechi na bamalaika bahaha.