Heligingile Kapernaumu iyaka, hanyuma ha mamwe masugu, bihulichiwe ugana guli mndu. ² Basumbile batu bengi, hashibele ata na ihana ha mchango, gubele hudogoma nabo inywa yage ³ Hachwile batu na bamchwilile na msumwa gwa ilebe, mswalwe na batu bana. ⁴ na hashioshiche umyila yulu ya ihichi ya batu,bachibulile butato bwa haya hene helibele; habahwili uchibula bamsachiche na yaata yelibele hulalila guya gwa gubele na usumwa wa ilebe. ⁵ Nage Yesu, helimonine uwasha wabo, gumsambile guya msumwa gwa ilebe, Mwananyi waleelelwa bubi bobe. ⁶ Na bamwe bagochi bene babele ubo, balibashame, balihulanga mmitima gyabo, ⁷ Yuluyaigugu gwagana bino? Gwa sebulula. M nanyi gunaosha uleelela bubi ati ii gumwechi kaa, gee ii Abetcha? ⁸ Haho Yesu gumanine mnda mtima gwage ugana bali hulanga bibyo m bichuli chuli bwabo bya mwego, gubasambile, Yulu yai mulihulanga bibyo mmitima gyenyu? ⁹ Ihuhu ii yihi, umsambila msumwa gwi ilebe, Waleelelwa bubi bobe, na ugana , Gimana, uliswiye yaata yobe , uligile? ¹⁰ Bino mumane ugana Mwana gwa Adamu gwina alago hano hasia uleelela bubi, (haho gumsambile guya msumwa gwa ilebe), 1 Nuusambila, Gimana, uliswiye yaata yobe na ugye undu gyobe. ¹² Hoka haho guchuile, guliswiiche yaata yage, guhumine u meso mabo, na bagagilwe bose, bamtonine Abetcha, baganine, Bya bbi tushinabimona ata mamwe mengo ¹³ Guhumine iyaka, gugile um'bega gwa ichiba, sumbilo lyose limgilile, gubagigiche, ¹⁴ Na helibele huhita, gummonine Lawi gwa Alfayo, gulimshame u m'bga, gumsambile, Undame, gushuwile na uulama. ¹⁵ Na hebele mshame wi iliwa mndu mwage, bulipisha mbuli beengi na batu ba bubibashamine hamwechi na Yesu na bagigiwa baga; bululi babele bengi balihumlama. ¹⁶ Na bagochi na Bafalisayo habamonine guli huya hamwechi na bulipisha mbuli na babii, babasambile bagigiwa bage, Yulu yai guli huya hamwechi na bulipisha mbuli na babii? ¹⁷ Yesu helihuliche gubasambile, Mine gulo poo gushibaenga ng'anga, ii nbene bashi huosha; nishichwile ubagita batu ba kiine, nichwilile babubi. ¹⁸ Nabo bagigiwa bage Yohana na Bafalisayo babele huhamba; bibyo bachwile, bamsambile, Yulu yai bagigiwa ba Yohana na nbagigiwa ba Bafalisayo basuhamba, na bagigiwa bobe bashibahamba? ¹⁹ Yesu gubasambile, Bagitilwe u buya banaosha wii uhamba na mlume gwa buya guli hamwechi naboo? Mengo momose ma bali na mlume gwa buya basinaosha uhamba. ²⁰ Na masugu michwa habihumiwa mlume gwabo gwa buya, noo habihamba liya chuba. ²¹ Hashi mtu gusubiya ilaga ya ichwalaganwa ya ihya u wisanjwa ya aala; inangwa gwahuibiya, iya ya ihya yine yibiwa yisambula iya isanjwa, na haya hahagulibu higilila. ²² Na hasi mtu gusubiya divai gya gihya mmitondo gwa aala; uba nambo gwibiya, giya divai gyibela giya mitondo gya aala na divai gyigesea, giya mitondo gibebelea. Mndi, basubiya divai gya gihya mmitondo gihya. ²³ Na helibele huhita mmabala lusugu lwa ulitucha, bagigiwa bage bagililile mndila na unoga tusumbulenge,. ²⁴ Bafalisayo bamsambile, Lola, balihugila bishilingya lusugu lwa ulitucha? ²⁵ Gubasambile, mushisomina yoyose haya bigilile Daudi, helibele ma hubenja, na umona ndala, gee na beenage? ²⁶ Nahi byweligingile mnda nduu gya Abetcha, aala a ibuli yata Abiatali, gugilile giya miokati gya Umunya, gishibele lingyeuliwa na batu bose ii gya ba bibuli,na gubahele beenage nabo? ²⁷ Gubasambile, lusugu lwa ulitucha luitilwe yulu ya batu, ushi batu ylu ya lusugu lwa ulitucha. ²⁸ Bibyo Mwana gwa Adamu noo Mlume gwa lusugu lwa ulitucha.