¹ Yesu nuukingils ys m'mhwilo, na mtu kumwechi kubele na eelebeya oboo na hegebele lwake. ² Bamwe bato babele bashame humlola wanywa, bululi bapate ebalo ya ukye ulisamba ubaulu, baanolile wa umchebelecha bamone mbe kwemhonya kuya kwa elebe lusuku lwa ulihocha. ³ Yesu numsambila kuya mine uboo wa elebe "Chunoo hano hambele hanyi". ⁴ Yesu nuubabucha iiyee ya ebenju lusuku la ulehocha? Ukeela bisoka, na buube? uhonya mweko ao uhaka? Boo nushamapii. ⁵ Yesu kee nubachebelecha bakikiwa na mawa sungu, kee nuu uchikililwa noo myowa bululi bwa ukumakala wa mitema gyabo. Kwemsambile kuya mtu, "Kolola oboo obe". Kee nuukolola, na onuu hana abisa! ⁶ Huhwa Bafarosayo bonutaboa hambuka nukya menjwa, nuhetana malanga na ihichi ya bakikiwa ba Herode byabee kila yulu yu mhaka Yesu. ⁷ Yesu hamwechi na bakikiwa bake bonuchwa eya ehana eya bonugya wiichiba bonuu lonjwa na ihichi yata ya batu, huhumina Galilaya na Yuda. ⁸ Na batu uhumina Yerusalemu, Idumaya, na bibaloo byose bya mpwala mwa Yorodani, eeba ya Tiro na Sidoni, habeliile bihesho byebele huhesha, Bonuunkila. ⁹ Kee nuubasaba bakikiwa bake bampangeche wato yulu kushilingwe na uhulelwa na batu abisa. ¹⁰ Wa uba kwebele huhonya basumwa bengi, bose bene bisumi babele hulungana bahiye umuda. ¹¹ Na chiya nyendo miha ebe hakyebela humona, kyebele hukwa hase umbele wake na ulela m'netu mmulu, ''kokwe noo Mwana kwa Abetcha'' ¹² Na kwehanyinye basi mpandiche uu batu. ¹³ Yesu ke nuusela loono n uubakisha baya bagee benjiche, na noo nuukya. ¹⁴ Kee nuuba sobola umii na babelii, balamane nake na ubalunga ulisamba mwano. ¹⁵ babe na uhooma wa uchinga Miha. ¹⁶ Bano na bekesobole: Simeoni, mine kubuchiwe Petelo, ¹⁷ Yakobo na Yohana, baana ba Zebedayo bene bakebuchiche Boanerge, maana make baana ba m'mukulo; ¹⁸ Andele, Filipo; Bartholomayo; Matayo, Tomaso, Yakobo, mwaana kwa Alfayo; Thadeyo; Simoni, Mkanani, na ¹⁹ Yuda Isikariyote noo mine gummanane ²⁰ Yesu kenushiela mndo, ihichi ya batu yoo nuumana yaka,na kenyike na bakikiwa bake boo nuuiiswa uya elewa. ²¹ Banduku chake habeepatile mwano boonuchwa unguha na yulu batu bebele utokoma, " Kwahuwaswa na miishi ao lwenyi lwa hunkulwa" ²² "Bakichi ba mibendo bene behumine Yerusalemu bebele na udokoma", ²³ Na Yesu nubakisha anja okombola nabo wa miingue: '' akenga kenaosha wee uchenga miha ao Ehingili? ²⁴ Byahuba buolo bwa m'mebalo bwahu gakanywa boo bwene, bwisha na sengaa. ²⁵ Mishaminyi nihi kya batu ba mndu kimwechi baa hukabulwa bobene wa bobene, batu babo beshiwesha usenga. ²⁶ Naambe ihingili kwa hulihula bita kemine, kwishienecha byose na esula yake yealibu uchwa. ²⁷ Na wishi mtu kwenaosha usapa sese kya mtu kwa m'momuo na ukiba bitu byake byose bila utanga umhamba mine sese ao mndu kwa m'momu. Kwa huhwa umhamba, na haginaosha kiine, bobe bose bwabe hukila ukiba nitu byose. ²⁸ Nihumsambila kiine, bobe bose bwabe hukiila batu na milandu kyose kya ubeta bya bitokomwe na beelelwa. ²⁹ Na kekese mine kwe tua Mtema wa kuhaha kushilelelwa ataa, kweba na abachi a bubi bwa milombo. ³⁰ Yesu nukana bino bululi bebele hutogoma kwena miha keebaya. ³¹ M'nake kwa Yesu na bashiwabo boo nuhiya nukimana hambuka nutuma mtu kambuche umkisha. ³² Ihichi ya batu bibele bashame ibachunguluwe boonumsambila, ''Mnobe na bashiwenyu bale hambuka, balehuenga''. ³³ Nubabucha, '' Mako kwanyi na bashiwetu noo bananyi? '' ³⁴ Kenobachebelecha baya batu babele bashame nabachunguluwe, keenu tokoma'' Bano na ba mako banyi na bashiwetu. ³⁵ Mtu kekese mine kwe hukela m'malako a Abetcha na mshiwetu na kachanyi na Mako ao Mma.''