¹ Habuhile halwelo baosobu ba bibuli bahungile hamwechi na baulu na bagochi na baebuli bose, bamhambile Yesu, bamkuhile, bamleshile umbele wa Pilato. ² Pilato genuumpucha nogogye Olo lya Bayahudi? Gugaile, gumsambile, gogwe wagana. ³ Baosobu ba bibuli babele humnguila. ⁴ Pilato gwempuchiche eyaga na ugana, ushihudogoma enywa? Loola iibemwa bengaa babali huhungila! ⁵ Yesu gushigaile enywa eyaga Pilato gwegalwe. ⁶ Mengo ma busugu ubasulila mmambwa gumwechi, gwabale usaba. ⁷ Habele na mtu guluhugiswa Baraba, mmambwe hamwechi na batu ba mnonywa, na bahaganyi mnda mmonywa gwabo, mosumbilo machwile usaba gabaetele nahe biene byebele huetela. ⁸ Sumbilo bachwile, ba anjiche usaba gabaitile nahe biya biene gubele hubaitila hambele. ⁹ Pilato gubagaile guganine, ''wee! mulihubenja nasulile Olo lya Bayahudi?'' ¹⁰ Bululi gumanine batu ba bibulibale homongila wa mmonywa. ¹¹ Bibyo batu babi bale basambekenye sumbilo, ibibenju gabasulile Baraba. ¹² Pilato gubagaile iyaka gubasambile, mwemeta wee gugu gwa mwelehugana i Olo lya Bayahudi? ¹³ Baleshile itodo gwingi, mususule. ¹⁴ Pilato kubasambile, iyee ibobe naye bwele ikeele? bakilelele ueta itodo, gasosolwe. ¹⁵ Pilato gubenjiche sumbilo liselele, gubasulile Baraba; geno uhanana Yesu, hanyuma ha umola mikochi hya bugule yulu kasobolwe. ¹⁶ Na basolokoto ba ukuhile na umila mmebanda, no Praitorio( iyugana ndu gya m'mosobu m'mata), nubasumbecha hamwechi na ikishi igima. ¹⁷ Bachiwiche mchwalo gwa langi lya ibule, baluile kata kya miigwa noochwiya iswee. ¹⁸ Batulile utanya, moyo, Olo lya Bayahudi; ¹⁹ Bamlile longe iswee, ba isulile mate, bampungile machwe, baiginamine. ²⁰ Na habahuile usebulula, achwilile bichwalanywa bya langi la bule, bachwiche echwalanya yage; batoboile hambuga bulule basusule. ²¹ Gumwe mtu gubele huheta gubele uhuma umabala Simoni Mkerene sabo Eskanda na Rufo utaka na ushiutaga gaswale mte kwa asusu gwage. ²² Bagile nage wehana ele ugiswa Golgota nuukana uda la swee. ²³ Bamele aabi ale abewe na malashi gushi guiile. ²⁴ Basosole, bagabule bichwalaganywa byage gila mtu gwe gunaee. ²⁵ Bibyo bilele bihende bitatu bya chuba nabo nu ususula. ²⁶ Habele na mikolo kya mihungo gyake golwe hegulu Olo lya Bayaudi. ²⁷ Hamwechi nage basosolwe basapi babele, gumwechi uboo wa ulume na gunge uboo wa uwachi. ²⁸ Bibyo mkolo guganine guwelele gabalwe namwechi na babe. ²⁹ Nabo babele huheta mndela batuiile bedekeche miswe gyabo, baganine, Ohoo! gogwe guganine obela ihwilo na ugubaa umasugu matatu, ³⁰ Lihonye ichuli chuli yobe, usale salaka otee kwa asusu. ³¹ Byoka biya baosobu babibuli bainobole bowabo, hamwechi na bagochi baganine, guhonyinye beengi gushi hulehonya gemine. ³² Kilishito Olo lya Isilaeli gasale otee kwa asusu tomone na tuwashe. ''na baya bele sobolwe nabo hamwechi ba miolele mio. ³³ Hachiile bihende mtuba cha chuba hababele na mtu se kyose, bihile na bihende yahabula. ³⁴ Bihende yahabula bya chuba Yesu gulilile wa lidi mbela, Eloi, Eloi, lamasabakatani?, nuugana Abetcha anyi, Abetcha anyi yulu yaee wandelela? ³⁵ Bamwe bene bamuliche haya baganine, ''ulwe kule hokita Eliya. ³⁶ Nakumwechi gugele abilo, gugiluche esengo na aabi, gubile ulonge kee noo umnwisha, guganine lewee na tumone Eliya nambo kwechwa usacha. ³⁷ Nage Yesu gugabile wa lidi lyata keno ugada mtema. ³⁸ Pashiya ya ihwilo liguliye bihende byopi utola hekulu mpaka hase. ³⁹ Bibyo mmosobu kwaba solokoto gugimene hano gubele hulola, heligedile mtema bino, guganine, wenene guno mtu gubele mwana kwa Abetcha. ⁴⁰ Habele na baachana balehulola wa koo. Mmanga kwabo gubele Mariamu Magadalena na Mariamu mnabo kwa Yakobo mnuna kwa Yose, na Salome. ⁴¹ Babo no babele hukya nage uya Galilaya na ugilila. Na bange beengi baselile nage mpaga Yerusalemu. ⁴² Na hasebele egolo yulu babele hulongya libele chuba lya hambele lya chuba lyaulitucha. ⁴³ Gukele Yusufu, mtu kwa Arimataya, mtu kwa ipwilile mtu kwa ebulu ya mihungo na gemine kulihulila buolo bwa Abetcha guitile bya ugimana gugingile wa Pilato gusabile mpele kwa Yesu. ⁴⁴ Pilato gugakwile, kwahuhwa owa; gugishile mmosobu kwaba solokoto gubudiche ugana wawa ala. ⁴⁵ Nahehwuile uhewa mwano kwa keene na guya mmosobu kwaba solokoto, kohele Yusufu eya etumba. ⁴⁶ Nage gugulile sanda lya bumona bwingi gosadiche, gumambile leya sanda gupiile isenda lalebaachwe upachwa kwa liwe; gubilingiche liwe uba mchango kwa senda. ⁴⁷ Mariamu Magadalena na Mariamu mnage kwa Yose balolile hene haba piile.