¹ Hanyuma ha masugu mopi libele sumbilo lwa Pasaka, na mikati gishi gibiwe mshimi; baosobu ba bibuli na bagochi baengile ndila gwa ubwata wa ahyonono na umaaga. ² Yulu baganine, lushibe lusugu lwa sumbilo, hashichwe umoneya mabanga. ⁴ Habele na batu bachigililwe m'bichuli chuli byabo bya mwego baganine, yulu yai uchiminya malashi mama? ⁵ Yulu malashi mano mabaguchiwa wa dinari sambi chitatu na uhima, na ubaha bambuchu . Bamnunine abisa guya mmachana. ⁶ Yesu guganine, Muleye; yulu yai ugagicha? gwangilila mgilo gubenju; ⁷ bululi masugu mose mwinabo ba mbuchu hamwechi neenyu, na hohose hamwibenja ubagilila bisoga; nene mushi nanyi masugu mose. Gwagila byagaosha; gwabangya ugushinya m'bili gwanyi malashi wa yulu ya machio manyi. ⁹ Noo bibyo, namsambila, hohose hagwidogomwa Mwano gwa mwego mmiino ibalo yose, na ino yagagila yidogomwa wa umenglecha gee. ¹⁰ Yuda Isikariyote, guya gumwe gwa baya umi na bopi, guligile lwage uu baosobu ba bibuli, gammanane wabali. ¹¹ Nabo habahuliche baseelele, balagene nage biima bumona. guengile ndila gya ummana na me4ngo ma mawilile. ¹² Haluhiile lusugu lwa mikati gishigibiwe mshimi, habashindiche Pasaka, bagigiwa bage bamsambile, ii uhi oli hubenja tugye uusongeshawaye pasaka? ¹³ Guhulile bopi ubaya bagigiwa bage, gubasambile, Giwe mmbuga; gwisambana nenyu mmachana mswale mtondo gwa madi; mwamlame; ¹⁴ na hohose hene heligingila, mwamsam,bile mine na nduu, Mgigya ghwagana, Ili uhi yumba yanyi ya bagenyi, nalile mo pasaka, hamwechi na bagigiwa banyi? ¹⁵ Nage gwiimsungila golofa lyata, ilongiwe aala; mmo mutulongeche. ¹⁶ Bagigiwa bahumine, bagile mmbuga, bamonine nahi byebasambile, balongiche pasaka. ¹⁷ Haho haiile igolo gulihuchwa na baya umi na bopi. ¹⁸ Nabo hababele bashame wiiliwa, balihuya, Yesu guganine, Noo bibyo, nihumsam,bila, Gumwe gwenyu, nage guluhuya hamwechi nanyi, gwipana. ¹⁹ Batulile uchigililwa, bamsambile gumwechi gumwechi Wii! ii nene? ²⁰ Gubasambile, ii gumwe gwa babo umi na Bopi, mine gulihuchunda itolo hamwechi nanyi. ²¹ Yulu Mwana gwa Adamu gulihuligila lwage nahi byeligolelwe; ii luhanga lubi wa guya gulihummana Mwana gwa Adamu; Byisuba bibenju wage gugo mtu gusababuswa. ²² Nabo hababele huuya, guguhile mkati, nuhelelcha, guguhuile, gubahele, guganine, Guhwe; guno noo m'bili gwanyi. ²³ Guguhile isengo, gutonine, gubahele; binwine bose. ²⁴ Gubasambile, Mano noo mashi manyi ma malagano, migeseya wa yulu ya beengi. ²⁵ Noo bibyo, nihumsambila benywe, nishinywa abisa nenyu guno mmoga gwa mizabibu, ndaa na liya chuba handinywa buhya m'buolo bwa Abetcha. Nabo habahwile ugimba bahumine na ugya ulono lwa Mizeituni. ²⁷ Yesu gubasambile, Mwimona booba yulu yanyi buno busugu; bululi bigolilwe,Nimmula mmushi, na miyoo pili pili mwa. ²⁸ Na hanyuma ha uchuwa wanyi, nibangwa ugya Galilaya. ²⁹ Pedelo gumsambile, inangwa bose bimona booba, gushi nene. ³¹ Nage gugilile ugana, Bilingye nene uwa hamwechi noobe, ata bibyo nishiulichingula. Na bose baganine byoka biya. ³² Hanyuma bagile uu lonolulihugiswa Getesemene; Gubasambile bagigiwa bage, Shamwe hanomengo mandi husaba. ³³ Gubaguhile Pedelo na Yakobo na Yohanahamwechi nage, gutulile umona booba na usina. ³⁴ Gubasambile Mtima gwanyi mguchigililwe alibu na uwa; shamwe hano muyeshe. ³⁵ Gugile hambele , gugwile mmachwi,gusabile ugana, byahuba bisoga, mano mengo mapume. ³⁶ Guganine, Aba,Tata, byose binagiliya oli; upuminye ino isengo; nambo , na ushi wa ubenja wanyi, ii byoli hubenja gogwe. ³⁷ Guchwile gubabangile balachu tulo, gumsambile Pedelo, Wii! Simoni, walala, usaosha uyesha ata ihindi imwechi? ³⁸ Yeshiwe sabwe,mushichwe ugingila mmutonjwa, mtima gulihubenja m'bili guliguimu. ³⁹ Gugile iyaka, gusabila, yoka iya inywa ⁴⁰ Guchwile iyaka gubabangile balachu, yulu meso mabo mabele bushito, bashimanine bya udogoma. ⁴¹ Guchwile lwendo lwa butatu, gubasambile, M'belele, m'belihocha,; byahwa, bihindi byahuhiya; lolwe Mwana gwa Adamugwahubiwa mmaboo ma babii. ⁴² M'bechuwa, tugiwe,lolwe guya gupana gwahuhiya. ⁴³ Helibele hudogoma, hoka haya Yuda nuhiya, gomwe gwa baya umi na Bopi, hamwechi na ihichi, bina tuhilu na malinge, balihuhuma uu baosobu ba bibuli, na nbagichi,na baulu. ⁴⁴ Na guya gummanana gubahile byeli, guganine, gwandiumbatila, gugo noo gee; m'bwaswe, na uguha wa talala. ⁴⁵ Naho helichile, gumgilile, guganine,Rabi[ mgigya]gumumbatile. ⁴⁶ Bagololile maboo mabo na ubwata. ⁴⁷ Na gumwe gwabo hebele huhula ahilu, gummilile mcha gwa Ibuli Yaata, gumgedile litu. ⁴⁸ Yesu gugaile, gumsambile,Wii! ii nahi wa msapiumchila na tuhiluna malonge, unguha nene? ⁴⁹ Masugu mose nibele u meso mrnyu nilihugigya mmihwilo, mushimbwashile,; ino ii yulu ya migolo giwilile. ⁵⁰ Haho bamleila basinine bose. ⁵¹ Na gumwe mwalubaga gumlamine, gulimlichinge ha m'bili mchwalo gwa bumona bwingi; boo no ubwata. ⁵² Nage gugushigile guya mchwalo noo ugya buchi ⁵³ Nabo bammilele Yesu wa Ibuli Yata; bammongwele bose, baosobu ba bibuli, na baulu na bagochi. ⁵⁴ Nage Pedelo gumlamine wa koo, na mnda itula ya Ibuli Yata ; gubele mshame hamwechi na bagichi, gulihuhota ahya ulwenge. ⁵⁵ Bibyo baosobu ba bibuli na bawibulu bose baingile binywa yulu ya Yesu bululi bammage; bashimonine, ⁵⁶ Bululi beengi bamdogomene bya lulimi, na binywa byabo bishihulichanine. ⁵⁷ Na bamwe babo bagimene, bashidogome bya lulimi, baganine, ⁵⁸ Beswe tuhuliche guligugana, Nene nulubebele lulu lubunga lushigubawe na maboo, na lusugu lwa matatu nigubaa lunge lwine lugubawe na maboo. ⁵⁹ Na ata bibyo udogoma wabo ushihulichene ⁶⁰ Hanyuma Ibuli Yata igimene hawingi habo, gum'budiche Yesu, guganine, Ushi hudogoma inywa? Bano balihudogomena ii? ⁶¹ Gushamine pii, na gushidogomine inywa. Ibuli Yata gum'budiche iyaka, guganine,Gogwe noo Keleshito,Mwana gee Gugengeda? ⁶² Yesu gugaile, Noo nene, na bnywe mwimmona Mwana gwa Adamu gulimshame oboo wa ulume wa uoma, gulihuchwa na matimba ma hegulu. ⁶³ Ibuli Yata gugulile bichwalaganwa bage , guganine, tulihuenga inge ii ya ulisamba? ⁶⁴ Mulihuhulicha lubesdo lwage; mulihumona wii benywe? Bose bammononine gulingye uwa. ⁶⁵ Bange batulile umsulula mate, bam'mbile meso, na ummula tubundo, na umganina, Buwaga, na ata bagichi nabo bammulile pii. ⁶⁶ Na Pedelo gubele hasi mmitulatula; hachile gumwe mgichi gwa mmachana gwa Ibuli Yata, ⁶⁷ gummonine Pedelo gulihuhota ahya; gumlolile meeso, guganine, Gogwe nw gogwe ubele hamwechi na guya Mnazaleti, Yesu. ⁶⁸ Guhaninye, guganine, Nishimgidi na nishi huhulicha byo;li hudogoma gogwe. Guhumine hambuga ha mgumbo; koo no uduga. ⁶⁹ Na guya mgichi gwa mmachana gummonine iyaka, gutulile iyaka ubasambkila bene babele bagimanyu haya, Gugu ii gumwe gwabo. ⁷⁰ Guhaninye iyaka, Ihindi ichoo iyaka baya babele bagimanyu haya bamsambile Pedelo, Winene uli gumwe gwabo, yulu uli Mgalilaya gogwe. ⁷¹ Gululile uloga na ulaha, Nishimgidi gugo mtu gwamulihugana. ⁷² Na koo nuduga mwendo lwa bubili. Pedelo noo uiengele iya inywa imsambile Yesu, Ugana koo gishinaduga nyendo chibili, winichingula nyendo chitatu. Na heliengeleche, gee noo ulila biosochi