¹ Na helihwile uhuma mmihwilo, gumwe mgigiwa gwage gumsambile, Mgigya, lola, mawe ma luno lugubao! ² Yesu gumgaile, gumsambile, uli humona lunu lugubao byaluli lwata? lishishigala liwe hegulu ha liwe lyine lishibundulwa. ³ Na hebele mshame u lono lwa Mizeituni, gulihulola wihwilo, Pedelo, na Yakobo,na Yohana, na Andele bam'budishe wa bubisa, ⁴ Tusambile,bino bihisho bibi mengo nai? Namo noo masili mengo, bibyo byose bisili hoka na uwilila? ⁵ Yesu guitulile ubasambila, mulilole, mtu gashim'biche. ⁶ Beengi bichwa wa china lyanyi, na jugana , Nene noo gee, nabo bibicha beengi. ⁷ Na benywe hamwihulicha mwano gwa bita na ulumba wa bita, nangu udidibuwa; bibyo byose bilingye uwilila, na iyo isula ishinachwa. ⁸ Yulu mwalo gwihuma na ugya ulwa na gunge mwalo, buolo ulwa na buolo; habi na bititicha bihana na bihana; habi na ndala; ubu noo utula wa busungu. ⁹ Benywe lilolwe bichuli chuli byenyu bya mwego; yulu bimmila wibulu; na umunga mwihulwa; na benywe mwihilwa u meso ma baata, na umaolo yulu yanyi, uba byulisamba. ¹⁰ Na Mwano gwa mwego gulisambe uu mioga gyose . ¹¹ Na habimbwata benywe, na ummana, mushiengeleche nbyamwidogoma, iya yine yamwihewa maya mengo, idogomwe,; yulu bashi benywe mulihudogoma, ii Mtima Guhaha. ¹² Na mtu gwihanana mshiwabo gahagwe, na shibaana gwihanana mwanage, na baana biliginuna hegulu ha bibushi byabo, na ubahaga. ¹³ Na benywe mwihananywa na batu bose wam yulum ya china lyanyi; bibyo mine gwihemba ata isula noo gwihogononywa. ¹⁵ na mtu guli hegulu ha butato gasisale, na gashigingile uguha itu yoyose mndu gyage. ¹⁶ nma guya guli ulubala gashigiwile unyuma uguha bichwalaganywa byage. ¹⁷ Luhanga lubii uli bene bali na magumo, na balihukokya mamo masugu. ¹⁸ Bino sabwe bishigiliye mengo ma peho. ¹⁹ Yulu mamo masugu mabi ma asusu, ashibele utula ubutulilo bwa ubumba Abetcha helibumbile ata bino, na ashibi abisa. ²⁰ Na nambo Mlume gusabahungula mamo masugu, gusabahogononywa mtu gegese; wa yulu ya basobolwa belisobolile gwihugula mamo masugu. ²¹ Na mamo mengo mtu gabemsambila, Lolwe, Keleshito guli hano, na guli uya, mushiwashe. ²² Bululi biginyuwa Bakeleshito ba lulimi, na ba mbuwa ba lulimi, bimonya bisaga na biliya,yulu bababiche batu, nahi ii winene, na babo basobolwa. ²³ Bino benywe muliuse; nihwile umsambila byose hambele. ²⁴ Bino maya masugu, hanyuma ha ao asusu, chuba lyibiwa mdoo, na mwechi gushihumya lwenge lwage, ²⁵ na tunbala mbala twa hegulu tubi hugwa, na uoma wa hegulu widigila. ²⁶ Haho noo habimmona Mwana gwa Adamu uchwa mmatimba na uoma wingi na ugengeda. ²⁷ Haho noo helihila ba bamalaika na ubaongola basobolwa bage uhuma mnaga guna, uhuma lubi lwa isula ya sii ndaa na lubi lwa isula ya gulu. v 28 Wa mti miligigye guno mlingi;lisho; mtabi gwage hagubi gubongo, na umene byanyi, haho mumane mengo ma usola ma huhiya. ²⁹ na benywe byoka biya, hamwimona bibyo bihisho byahutula, mumane ugana gusili hoka na mchango. ³⁰ Bibe bibyo, nihumsambila, Ino Ibushi ishihita, na bibyo byose bigiliye. ³¹ Gulu na sii byihita; winene binywa byanyi bishihita ata. ³² Bibyo mwano gwa luya lusugu na maya memgohashi gugidi, ata ba malaika bene bali hegulu, ata Mwana, Tata gee buchima noo gulugidi. ³³ Lolwe, muyeshe,[sabwe], bululi mushigidi maya mengo meeba wii. ³⁴ Mlingilisho gwage ii nahi mtu gugile lwendo, gugishigile nduu gyage, gubahele bacha bage malagano, na mtu gege mgilo gwage, nage gumsambile gwa ulala umchango gayeshe. ³⁵ Muyeshe, yulu mushugidi helichwa mine na nduu, uba ii igolo, na uba ii mkundu gya busugu, na uba ii umayaya nam uba halwelo; ³⁶ gashichwe wa usabutula na uubanga balachu. ³⁷ Na iyo yandamsambila benywe, nihubasambila bose Muyeshe.