¹ Yesu hakanjiche udogoma na ha kiitile ingilisho nti kumwechi kwe unine lobala lwa mizabibu; kwe chongoloshe lupango, na udaba ena ya olongecha divayi kwe yengile loono na kobeile bato ba olema luya lubala uhwa biya gwegile inge ebalo ya igenyi. ² Ehende ya osoola uhwile, mine libala kwetumine mtu gwage gwamgelo ubaya bene bebele ulema lubala utela eba ya biliwa bya besoole ³ Na baya batu bene babebe ulema bawatile kuya mtu gwa mkilo, na ummula, beinjingile maboo hululu. ⁴ Kuya mine lubala gwetumine gunge mtu kwa mkilo baya bene babele ulima lubala na uhula yaka gunge mtu yaka umswe, na ummitela bita bya abule. ⁵ Na kwetu mine gunge mtu kwa mkilo yaka. Kuya bammakile. ⁶ Mine lubala kwishikale na mtu kumwechi gwa gwenatumine eyaka na kwebele mwanage kwakebele ubenja sana wabiya kwemonine katume byogabiya mwanage na gweganine; wa bila umona abule ukanabehulicha mwanage. ⁷ nabaya bene babele ulema lubala besombele ⁸ Na bamwatile, bemagile, bempwatile na umtela hambuga ha lubala. ⁹ Mweholanga guya mine lubala we eta ee? Gwemana, gubahage baya balimi uhwa gihee bange luya lubala. ¹⁰ Mushina soma bigolwa bibyo? liya liwe lienye lieminywe na bagubayi lyahuba liwe liolo lya inchingi, ¹¹ Ekoko eno etelwe na inome, eya ekoko lya bikake ¹² Bahela ba bayaudi na uhuba ndela kya uwata Yesu yulu bamanine ugana m'nengilicha gugu gubele ubadogoma bonyibo. Nambo bamonine booba bwa batu, na haho binchikile na bihumine, na ocha lwabo yuloya ulambula nambo. ¹³ Mafarisayo na Maherode bebatumine uchwa unkonga Yesu yulu milandu kyage. ¹⁴ Binchule, bamkanine, mgigya, twigite gogwe uganina batu keene nangu uhota batu begana ee? na ushi uhota etee ya mtu na ugigya ndela gya Abetcha wa giene biya ibibenju ao bishi bibenju ulumbula n'nambo gwa Kaizari? ¹⁵ Tolambale ao tushilambole? na haho Yesu gwemanine malanga mabo gwekanine, ''Yulu yaee mweotonda na ugonywa? Mpendetela bomona namone''. ¹⁶ Biletele, gwebabuchile, eno yenyi iya nanyi?'' Bagaile, ''Yenyi ya Kaisari''. ¹⁷ Na haho Yesu na ubaganina, ''Muhee Kaisari byake, na Abetcha byake''. Enywa eyo ebagagiche abisa. ¹⁸ Uhwa Masadugaya, bene bewashiche ugana wichi uchuwa wa babu, benchule Yesu na umpucha enywa na ugana, ¹⁹ Mgigya, Musa gwetogolile alago ugana mbe mtu gwa howa gwachiga m'machage nangu mwana ishiwabo gushi igonde guya mwile yulu gubotele ishiwabo baana. ²⁰ Na babele babuswe njwe gwabo gwa mtangi gwegondile kenyike na owa, kushi butile mwana. ²¹ Gwa bubile na ugonda guya mpwile, nage uwaa nangu lwage ubuta, byebele biya na guya gwa butato. ²² Waoswiya, bose njwe begondile guya m'machana gwa mpwile na bose bishi butile nage. Haho guya mago nage hagewa. ²³ Haho tuganine, lusugu lwaochuwa wa babu, habe chuwa bose ubabu, guya mago mine gugonjwile na baya balumiana njwe, gweba m'machi gwanani? ²⁴ Yesu gubagaile, '' ''Mwalobela abisa yulu mushigide bigolwa na buolo bwa Abetcha''. ²⁵ Babu habechuwa, bashigonda ao ugondana; beba bahutane na bamalaka ba hagulu. ²⁶ Nayulu ya uchuwa wa babu: mushi na gigwa nda etabo ya Musa, haeba eyaa yehodogoma ao utusambila yulu ya Abetcha byekidogome na Musa uhumina mpwingi mwa lulende lwa ahya kenodogoma, nene, na Abetcha gwa Ibulahimu na Abetcha gwa Isaka na gwa Yakobo? ²⁷ Abetcha kushi Abetcha gwa babu i Abetcha gwa batu bene bena mwego wa bibyo mwandubela abisa. ²⁸ Mgigya gumwechi gwa mpendo gwebahuliche bahubuchana. Hagebamonine biya Yesu gwebagaile bibenju, nage ukampocha, '' nakeya mipindo chose, wahee ile yataa? ²⁹ Yesu gwemgaile, yene eyayata iyeyo, holecha Isilaeli Abetcha Pungu etoo na mlume gebuchima. ³⁰ Na gogwe ubenja Abetcha Pungu koobe wa mtima koobe kose, wa lwenyi lobe lose nawa uoma wobe wose. ³¹ Na mpendo gwa bubule naya bubele na guno, umonde mpinji nobe nihi ichuli chuli yobe. Hashi mpendo gunge gwenihi gwagohulu uheta guno. ³² Guya m'gochi genomsambela, keene mgigya , wagana kiene ugana Abetcha ekumwechi, na ushi gunge igenyi ka? ³³ Naomonda genyige wa mtema gumwechi nawa bwenge bose na uoma wenyu wose naonda mpinji nobe nihii ichuli chuli yobe, ubita kike uheta lutake lugma lwa uchigya na umwaka na malashi. ³⁴ Nage Yesu, hemonine ugana kwakaa wa lwenyi na matehamanya, kenumsambila, gogwe hole koo na buolo bwa Abetcha na ushi mane mtu mbuchu enywa yachumina haho. ³⁵ na haho Yesu gwebele ugigya m'mihwilo, na ukaa, genukaa, wagana wee bagigya nuugana Kilishito na mwana gwa Daudi? ³⁶ Daudi gemine gutogomine wa uoma wa mtema gwa guhaha, Mlume genugana mlumyanyi, ushame uboo wanyi wa ulume; eyaka hendebabiya tumango twabo uba osee wa magulu mabo. ³⁷ Daudi gemine nuugana i Abetcha; na byahuhwa wee mwanage? ³⁸ Gee nuumsambila ntaa mihano gyage, mpeelienga na bakochi bene bahubenja unyatela bachyale bichwalanya bilahu, na utanyiwa mpogilelo. ³⁹ Na ushama hambele m'pihwilo, ubisuba bya ambele mine guna saso; ⁴⁰ mine uyaa mndu na bawelwa wabokeko na uhelela usaba ulahu; bano bashipata mpendo kwa kwata. ⁴¹ Nage gweshama uetungu ya bumona, genoolola ihichi ya batu mwebahubiya bumona mnda mwa etunga babaleoche bengi boono beya. ⁴² Genuuchwa m'machana gumwechi gwa p mpulwe, bambuchu, genubeya bihende byage bibele, na hene habamona naeebaa. ⁴³ Genuubabucha bagigiwa bage, nuubambila, bibyo, nankanina, gugu mpwilwa mbuchu gwabeya uheta bose batangela m'metunga ya bumona. ⁴⁴ Yulu babo bose babeya m'ntanga bumwe bumona bwe bubahete naguno nta mwabumbuchu bwage ya byose bya gaba nabyo, na haba gutagilo gyage.