¹ Lusugu lwa ulitucha Mariamu magadalena na Mariamu mnage kwa Yakobo na Salome bekulile mauta yulu bagye umonga mbele kwa Yesu. ² Umayaya lusugu lwanga bagele uwabuli hene chuba libele uhuma. ³ basambilene naboo wa boo,ii nanyi gutuhuminya liya liwe uu mchaango gwa abuli? ⁴ Na habalolile, maonine liya liwe lyahuhwa ulungwa; nalyo libele liwe lya lyata. ⁵ Bagingile mmabulibamonine mmwalubaga mshame lubi lwa ulume, mchwale mchwalo gwa guhaha; bagagilwe. ⁶ Nage gubasabile Mushigagilwe; mulihuenga Yesu gwa Nazaleti, mine gususulwe; gwachuwa ; gushi hano; lolwe hebele m'biwe. ⁷ bino m'beligisha, mubasambile bagigiwa bage, na Pedelo, gwibangwa ugya Galilaya; mwimmona uya, nahi byelimsambile. ⁸ Bahumine mma abuli, basinine uhuma uya waabuli; yulu bawashilwe na ludando na ugagilwa; nage bashisambile mtu inywa, yulu nbabonine booba ⁹ [ Nage helihwile uchuwa jhalwelo lusugu lutangi lwa yinga, gutulile umtobwela MaliamuMagdalene, mine gwelihuminye mihaa njwi. ¹⁰ Gugo gugile ubasambila mwano baya belibele hamwechi nabo, mengo ma babele hulibumbuanya na ilila. ¹¹ Haho habahuliche ugana guli poo, nage gwammona, bashigitabuwe. ¹² Hanyuma ha haho gubatobwele batu babili mmanga mwabo, na inge yenyi; nabo babele hugyaumabala. ¹³ Babo nabo bagile ubaha mwano baya bange; baya nabo bashiwashiche. ¹⁴ Hanyuma gumoneye uli baya bange umi na gumwechi hababele balachu, gubaambile yulu ya ushiuwasha wabonaq uguma wa mitima gyabo, bululi bashibawashiche baya bena bammonine helichuwile uhuma ubabu ¹⁵ Gubasambile, Giwe mmibaloo yose, Mulisambe Mwano wa yose yine ibumbilwe. ¹⁶ Mine gwiwasha na uchunjwa gwihogononywa; mine gushiwasha gwi, gwiononywa. ¹⁷ Na bisaga bino byilamana na bene biwasha; wa china lyanyibichinga mihaa; bidogoma wa madi mamahya; ¹⁸ biwata madowa; na binywa byuhagana , bishibaita atu abisa; bibiya maboo hegulum ha basumwa, nabo bihona. ¹⁹ Haho Mlume Yesu, hanyuma ha udogoma nabo, gee noo uguhwa hegulu, gushamine uboo wa ulume wa Abetcha. ²⁰ Na baya bahumune, balisanbile bihana byose, Mlume gubele hugila hamwechi nabo, na uibiya hululu iya inywa wa bisaga byene bilamene nabo.