¹ Bino hano, hulichiwe bilihudogoma Mlume, Gimana, ulidogomene mbele gya koonona , tuono nato tuhulichelidi lyobe. ² Hukichiwe, chenywe koono, lugambo lwa Mlume, na benywe, benywe misingi gywa ibaloo gili gigimanyu; bululi Mlume guli gugamba na batu bage, nage gwigombola na Isilaele. ³ Benywe batu banyi, Namgila ii ? NNene nammimya na mwano nai? Bangisiwe yulu nanyi. ⁴ Wa yulu niuhuninye msii gya Misili, na uuhogononya uhuma mndu gya bucha, na nene nibahilile Musa, na Haluni, na Miliamu, babangwe hambele hobe. ⁵ Bwnywe batu banyi, engelechiwe byelibudiche Balaki, oolo lya Moabu, na bimgaile Baalamu, mwana gwa Beoli; engelechiwe uhuma Shitimu ndaa na Gilgali, bululi mumane bigilanywa bya kiine bya Mlume. ⁶ NamsheneneMlume na itu nai, na uginama umbele wa Abetcha ene ali hegulu? Wi wii! Natangile na lutangi lwa uchigya, na mwana ng'mbe gwa mwaa gumwechi? . ⁷ Wi wii! Mlume gwibenja na uki lya miyoo gya gilume, ao na uki lya ngudi cha mauta? Wi wii! Namtangile mwananyi gwa mtangi yuluya buubi bwanyi, m'buswa gwam'bili gwanyi yulu ya buubu bwa mtima gwanyi? ⁸ Ee mtu , gee guumonya bya bisoga; na Mlume gulihubenjaii obe, ila ugila kiine, na ubenja uleelela, na ugya wa ulisacha na Abetcha obe! ⁹ Lidilya Mlume lyahulichiwa m'buga, na mtu mine gwina lwenyi gwilimona china ; ihulichwe iyo ibogo na gee gwiilagile. ¹⁰ Wi wii! Ata bino lindo lya buubi lilimo mmadama bbabii, na ipimo ya ihungubu, ili ya uchingilicha. ¹¹ Wi wii! Mnaosha uba mmaha na nene nina kilo gya buzalimu, na mfugo gwa mawe ma ubichana? ¹² Bululi bamona bage m'bagiluchu buhulihuli , Na bashami bage badogomine bya lulimi , ndimi chabo china chilihubicha mmiswe gyabo. ¹³ Bino, wa yulu ya bibyo, nene na nene nuhula wa bihulo byusumwa abisa,; nuita uba mauwa, wa yulu ya buubi bobe. ¹⁴ Wiiya, ushigyuta; na abule oba abi hawingihobe; na gogwe wibuluwa, na ushiswala itu watalala; na iya yine yoliswala niihunya wa ahilu. ¹⁵ Wiuna, na ushisola; wihina zeituni chishunya mauta; na chicho zabibu, ushinywa divai. ¹⁶ Bululi alago a Omri noo ali hugilwa, na bigilanywa byose bya Ahabu, na bebywe mulihugya mmihungo gyabo; yulu nuite uba mauwa, na bashimi bene bali mo uba ba uzomewa; na benywe mwiguha misobo gyabalibatywe batu banyi.