¹ Hano wilisumbicha mihamba mihamba, Ee msiha gwa mihamba; gee gwachunguluwa; bimmula mgechi gwa milandu gwa Isilaeliu tama watuti. ² Mndi gogwe, Bethlelehemu Efulata, wa gwa mcho mcho mmanga gwa uki lya Yuda; uhuma obe gogwe gwihumina gumwechi mmyilichi gwa Isilaeli; iyu ugana umoneya wage ubele utula alaa mganda, utula milumbu. ³ Wa yulu ya bibyogwigahumya, ndaa namengo ma ubuta wage waguya guli na busungu; na baya bashigele ba bashiwabo bibagiwilila baana ba Isilaeli. ⁴ Nage gwigimana na ukisha mgoma gwage wa uoma wa Mlume, wa buola bwa china lya Mlume, Abetcha age; nabo bishama; bululi hani gubi mmosobu ata isula ya sii. ⁵ Na gono mtu gubi talala gyetu; mengo Mmashiri heligingila m'ibaloo yetu, na umahyilila madu metu, haho mwibiya baushi njwii hegulu hage, na baosobu inana. ⁶ Nabo bidogya ibaloo ya Baashulu wa ahilu, na sii gya Nimlodi u michango gyage, nage gwituhogonona na Mmashuli, heligingila m'ibaloo yetu, naugyatila u bisula bya ibaloo yetu. ⁷ Na baya bashigele ba Yakobobabi hawingi ha mioga giingimlingilisho gwa imee ilihuhuma wa Mlume, mlingilisho gwa mbula gya lunyange hegulu ha idamba; bishihuhemba mtu, na wa nangu usinga ubatu. ⁸ Na baya bashigeleba Yakobobabi hawingi ha mioga, hawingi ha miogagiingi, mlingilisho gwa tambwe hawingiha nyama cha mmisowa, nahi mwana tambwe hawingi ha migoma gya miyoo, mine, gulihuhita wawingi, uhyilila hyilila na usambula sambula, na hashi gwa uhogonona. ⁹ Uboo obe na ugininwe hegulu ha tumangu tobe , na tumangu tobe bahagwe koo. ¹⁰ Ubi hanyuma ha lulolusugu, Mlume gwagana, nichichinga koo falasichobe chihume hawingi hobe, nanene nitudigyatubili-bili tobe twa bita; ¹¹ Na nene nimalunga koo mabuga ma sii gyobe, na businino bobe bose nibugwisha; ¹² Na nene nilunga koo luganga-ganga, ushibe oboo obe; na ushibi iyaka na batu ba luganga-ganga; ¹³ na nene nilunga koo, miishi, na bihanda byobe, bihume hawingi hobe,; na ushiginamina iyaka mgilo gwa maboo mobe. ¹⁴ Na nene nichula maashela menyu, mashibe hawingi hobe; na nene nichimya mabuga mobe. ¹⁵ Na nene niligiwidicha buubi wa buubi wa yulu ya sungu na buhuchi yulu ya mioga gyine gishihuhulicha.