¹ Haho mabi masugu ma isula, ugana loono lwa ndu gya Mlume lwibiwa boo hegulu ha loono, nalo lwiginunywa hegulu ha tuono; na batu ba mioga bilugila bihichi bihichi. ² Na mioga giingi gyigya na ugana, Chuwe tugye u loono lwa Mlume, na mndu gya Abetcha a Yakobo; nage gwitugugya madila mage, na beswe twigya mmahitilo mage; bululi u Sayunigwichwa m'bindo , na inywa ya Mlume yichwa Yelusalemu. ³ Nage gwiita unonywa hawingi ha tubila twingi, nage gwigiambila mioga gyina uoma na gilo koo; babo bisuli tuhilu twabo uba kasuu, na masumo mabo mabe bidabo; mmoga gushiginuna ahilu hegulu ha gunge mmoga;, na bashiligigya bita iyaka. ⁴ Bibyo bishama kila mtu hasi ha mzabibu gwage, na hasi ha mtini gwage; na hashibi mtu gwi mdidibucha; yulu anywa a Mlume gya bilume pambwa agana bibyo. ⁵ Bululi mioga gyose gyigya, kila gumwechi wa china lyaabetcha age, na beswe twigya wa chila lyaMlume Abetcha etu milumbu na milumbi. ⁶ Ha maya masugu, gwagana Mlume, nimsumbicha guya gulihuchuliya, na nene nimgiwicha guya guchingilwe, na guya gwadisusulile. ⁷ Na nene nimmita guya gulihuchuliya uba gushigala, na guya gutelilwe uba mmoga gwina uoma, na Mlume gwigahilila uloono Sayuni utula hano ndaa na milumbu. ⁸ Na gogwe, Ee ulaha wa ihichi, aono a misiha gya Sayuni, wichwilwa; ehe,uoma wa utangi wichwa,buolo bwa misiha gyaYelusalemu. ⁹ Yulu ya ii waita mdodo? Wi wii! Obe ushi oolo, gwa uha binywa gwachimina, na wawaswa na busungu, nahimmachana mengo mage ma ubuta? ¹⁰ Ube na busungu, unyogwe yulu ubute, Ee msiha gwa Sayuni, nahi mmachana guli na busungu; bululi hanohoka wihuma mmbuga, na gogwe wishama mmabala; wihiiya nda na Babeli; ubo noo wine olihogononywa; ubo noo wine Mlume weli uhogonona mmaboo ma tumangu tobe. ¹¹ Na bino mioga gingi gyalisumbicha yulu yobe, balihugana, gabiwe bitu bibii; meeso metu na mamone bubii bwa Sayuni. ¹² Mndi boo bashigidi malanga ma Mlume, na bashigidi mihungo gyage; bululi gwabaongola nahi mikanda ubuhulilo. ¹³ Bibyo, gimana uhule, Ee msiha gya Sayuni; yulu niita lwiga lobe uba igela, na abidi obe uba a shaba; na gogwe wigiswaga-swaga mioga giingi, na alambwe abo wiabiya yulu ya Mlume, na bumona bwabo wa Mlume gwa ibaloo yose.