¹ Niganine, Ibumbi ihulichiwe,benywe miswe gya Yakobo, bene mulihuhyilila ndu gya Isilaeli. Wi wii! Bishilingye benywe umana uononywa? ² Benye bene balihuonywa busoga, na ubenja bibii; benywe bene beli hubaga batu babyi bibambi byabo; ehe, na nyama u mauda mabo. ³ Ehe, mulihuya nyama cha batu banyi, na ubabaga bibambibyabo, na umabela mauda mabo; ehe, ubageda bihindi bihindi nahi wa ubiya mlweso, na nahi nyama mmilego. ⁴ Haho noo bimsaba Mlume , gushibagitabuwa; ehe, gwibabisa yenyi yage mamo mengo, wa ulamana na byabagilile bibii wa bigilanywa byabo. ⁵ Mlume gwagana bino wa mwano gwa bambuwa bene balihulubya batu banyi; babo balihuliga meeno mabo, na ulila, Talala,; Na mtu gegese gushihubiya itu mtunywa twabo, boo noo umlangila bita. ⁶ Wa bibyo bubi busugu wenyu, mushioshe umoma malo ma mtima; iyaka gubi mdoo wenyu, mushioshe ubuwa; nalyo chuba lyibagila bambuwa, na mengo na chuba mabi mahisu hegulu habo. ⁷ Na babo bamonyi bidamba mmee, na ba ubuwa bidamba mmee ,ehe, babo bose bilibumba milomobyabo; bululi, hashi alambwe a Abetcha. ⁸ Mndi nene, winene nilimgiluchu uoma wa Mtima gwa Mlume; nilimgiluchu uonona na uosha; namsambile Yakobo buubi bwage, na Isilaeli nage buubi bwage. ⁹ Hulichiwe bino , ibumbu ino, bebywe miswee gya ndu gya Yyakobo, muluhuhyilila ndugya Isilaeli, mulihuonywa uonona, na uhubaganya ugila kiine. ¹⁰ Balihugubaa Sayuni wa mashi, na Yelusalemu wa buubi. ¹¹ Baulu bage balihuonona yulu bahewe bugeda milomo, na bibuli byabo balihugigya bululi bahewe butunga na bibuli byabo bilihubuwa bululi bahewe bomona; na ata bibyo bimgegamina Mlume, na ugana, Wi wii! Gushiho Mlume hawingi hetu? Hashi inywa yoyose ibii yine yituhyiila. ¹² Haho, wa yuly yetu, Sayuni gyilimwa nahi lubala byalusulimwa, na Yelusalemu gibi bibunduguchu; na loono lwa ndu lubi nahi ihana ya iginyubu mmisowa.