¹ MLUME gudogomine na Musa, na umsambila, ² mtu ge gese gabegila buubi, na ubenga wa MLUME, nuum'bicha miinage yulu ya ihisho ya ugiwidichana, ao byuhulichanya, au bya usapana, au bya ummonene miinage; ³ au uba na uosha wa upata itu yine ichimine na udogoma lulimi yulu yayo, na ulaha wa lulimi; ulamana na bibyo byose gabebigila mtu wiimwe, na ugila buubi wabili; ⁴ haho noo habi; uba gwagila buubi, na ulidogya, gwigiwicha iyo, yepashile wa umonenana, au ata uya uosha welibiilwe, au iya itu yine ichimine yelipashile gee. ⁵ ao itu yo yose yine yelilahile wa lulimi; gwiigiwicha yose wa uwilila wayo, hanyuma gwilibiya na ihindi ya bitano yulu yayo; nage gwimma miinage, lusugu luya lwine lweliononywa uba gwina udoga. ⁶ Hanyuma gwilusha lutangi lwage lwa udoga wa MLUME, ii mmoo gwa mlume gwa mliha lyage, guwilile, ulamana na lubalo lolimmalila, ubalutangi lwa udoga, na uuma ibuli. ⁷ na iyo ibuli yiita usambanya yulu yage u mbele wa MLUME, nage gwileelelwa; wa ihisho yo yose yine yeligilile ndaa na uhiya uba na udoga yulu yayo. ⁸ MLUME gudomine na Musa, na umsambila, ⁹ Biino, umlage Haluni na baana bage, ubasambile, Alago a lutangi lwa uchigya noo luno; luya lutangi lwa uchigya lubi haya hegulu waahya hegulu ha butambikilo busugu bose ndaa na halwelo; na ao aahya a butambikilo abi hegulu habo ashichime. ¹⁰ Nayo ibuli yichwala ichwalaganywa yayo ya ibongu, na isanjwa ua magulu malahu gya gibongu yibichwala ha m'bili gyyo; nyo yigoda mtoo gwina aahya ichigya luya lutangi hegulu ha butambikilo, hanyuma gwigubiya mibamba mwa butambikilo. ¹¹ Hanyuma yichula bichwalaganywa byayo, na uchwala binge bichwalaganywa, hanyuma yiguha guya mtoo naugya nago hambuga ha bushamo ndaa na ihana ya ihaha. ¹² Na ao aahya ene ali u bubo butambikilo wialola alame wa ugililila hegulu habo, ashichime; nayo ibuli yishicha kunyi uao aahya kila lusugu halwelo; nayo yilimbe lutangi lwa uchigya hegulu habo, nayo yichigya mauta nalutangi lwa talala hegulu habo, ¹³ Aahya wialola alame hegulu ha butambikilo abisa; ashichime. ¹⁴ Na ao alago a lutangi lwa buusu noo ano; baana ba Haluni bisenya u mbele wa MLUME, u belewa butambikilo. ¹⁵ Nayo yiguha ganda lyage u bubo buusu bwa lebelebe bwa lutangi lwa buusu, na wa mauta mage, na buswenge bose bwine buli hegulu ha lutangi lwa buusu, hanyuma gwibuchigyahegulu ha butambikilo uba buchio bwa ubenjiwa, uba kengelecho gyage wa MLUME. ¹⁶ Na buusu bwine bushigala Haluni na baana bage bibuya; bwiliwa nangu ubiwa mshimi, ha ihana ya ihaha; mnda lagala lwa hema lya busambeno noo hene habibulila. ¹⁷ Bushihiwa na mshimi. Nabaha uba ibaa yabo u byanyi bya utangilwa bisushenyiwa wandi wa ndila gyaahya; iyitu ihaha abisa, nahi luya lutangi lwa buubi, nahi lulo lutangi lwa abachi. ¹⁸ Kila mwaana gwa mlumyana mmanga gwa baana ba Haluni gwiiya u bubo buusu, uba i kiine gyabo milumbu mnda bibushi byenyu, u byumtangila MLUME byabasusenyawa ndila gyaahya; mtu ge gese mine gwibiuda gubi mmaha. ¹⁹ MLUME gudogomine na Musa, na umsambila. ²⁰ Byutangila bya Haluni na baana bage byabimtangila MLUME, ha lusugu lwabibiwa mauta, noo bino; ibaa ya ganda lya buusu bwa nekuneku uba lutangi lwa buusu masugu mose, ibaa yage halwelo na ibaa yage igolo. ²¹ Bwiangwa mmiginga hamwechi na mauta; bwahuhwa udobiwa bwichwishiwa mnda; wishenya lulo lutangi lwa buusu bihindi baybichelwe, bibe bushio bwa ubenjiwa wa MLUME. ²² Na iyo ibuli yilusha mauta na hanyuma hayo u babo bamwe baana bayo gwishenya lutangi; gwiluchigya abisa yulu ya MLUME wa alago a milumbu. ²³ Iyaka lutangi lo lose lwa buusu lwa ibuli lwichigiwa abisa; lushiliwe. ²⁴ MLUME gudogomine na Musa, na umsambila, ²⁵ Dogoma na Haluni na baana bage, ubasambile, Alago alulo lutangilwa buubi noo ano; ihanaiya yine yishinjiwa lutangi lwa buubi lwa uchigya noo hishinjiwa lutangi lwa buubi, u mbele wa MLUME; ii luhaha abisa. ²⁶ Iyo ibuli yine yishenya wa ndila gya buubi noo gwibiya; byiliwa ha ihana ya ihaha, u lagala lya hema lya busambeno. ²⁷ Kila ituyo yose yine yiuda nyama cha lulo lutangi ibi ihaha; iyaka hamigeseya maashi malo mo mose wichwalaganywa yo yose, wiichunda iyo ichwalaganywa yine igeselwe maashi, ha ihanaya ihaha. ²⁸ Haho luya lweso atondo lwine luhiilwe nyama mnda mwalo ibelwa; na nambo gibehiilwa m lweso lwa mmubo, lwishingulwa na ugogwa na maadi. ²⁹ Mlumyana ge gese mmanga gwa bibuli gwiiya bibyo; ii buhaha abisa. ³⁰ Na hashiliwa lutangi lwa buubi bo bose, lwine maashi malomalushiwe mnda hema lya busambeno, yulu ya ulusha usambanya ha ihana ya ihaha; lwichigiwa waahya.