¹ MLUME gudogomine na Musa, na umsambila, ² Biinoudogome na baana ba Isilaeli, ubasmbile, Ugana mtu ge gese gabegila buubi ushi wa ulangila, wa inywa yo yose yine MLUME yelibindile ishigilwe, na ugila inywa yo yose ya bibyo binywa; ³ nambo ibuli yine ishinyiwe mauta ibegila buubi, nagabelusha abachi hegulu ha batu; haho noo gahane yulu ya buubi bwage gweligilile, na gatangile wa MLUME ng'ombe gya mlume gya mwaana gya giwiile, gibe lutangi lwa buubi. ⁴ Nage gwilusha gigyo ng'ombe naugibiya ha mchango gya hema lya busambeno, u mbele wa MLUME; nage gwibiya uboo wage u mswe gwa ng'ombe, naugishinja gigyo ng'ombe u mbele wa MLUME. ⁵ Hanyuma gugo ibuli mine gushinyiwe mauta gwiguha mamwe mashi ma gigyo ng'ombe, nanumahyicha mnda lilyo hema lya busambeno; ⁶ hanyuma ibuli gwichunda mnywe gwage mnda mamo mashi na uhongolola mashi u mbele wa MLUME nyendi njwii, u mbele wa pashiya lya ihana ya ihaha. ⁷ Hanyuma ibuli gwibiya mamwe mashi u masunga ma butambikilo bwa uchigicha buswenge bwa busoga u mbele wa MLUME bwine buli mnda hema lya busambeno; hanyuma mashi ose ma gigyo ng'ombe gwimagesa hasi ha bubo butambikilo bwa lutangi lwa ugigya, bwine buli ha mchango gwa hema lya busambeno. ⁸ Hanyuma mauta mose ma gigyo ng'ombe gya lutangi lwa buubi gwimahunya; mauta mose mene malimawile byamnda, na mauta mose mene mali u miila, ⁹ na pigu chge chopi, na mauta mene mali malihambe nacho, mene mali hoka na lubunda lwagyo, na lwinga lwine luli wiinyi, hamwechi na chicho pigu, bibyo byose gwibihunya, ¹⁰ byoka biya nahi byabisuhunyiwa u ng'ombe gyushinjiwa gya lutangi lwa talala; hanyu gugo ibuli gwibichigya hegulu ha butambikilo bwa lutangi lwa uchigiwa. ¹¹ Hanyuma ibambi ya gigyo ng'ombe, na nyama chagyo, hamwechi na mswee gwagyo, hamwechi na bigombo byagyo, na miila gyagyo na tubi twagyo, ¹² bululi, gigyo ng'ombe gigima gwigihila hambuga ha bushamo ihana ya isoga, haya habasugesela mtoo, nage gwigichigya waahya hegulu ha kunyi; gyichigiwa waahya haya hasugeswa mtoo. ¹³ Na nambo sumbilo ligima lya Isilaeli lyagila buubi, na ihisho yine yabisamina meeso ma lilyo sumbilo, nabo bagila imwe mnda biya byine bibindile MLUME, ugana bashibigile, nabo basili na abachi. ¹⁴ haya hene habwimanyiya buubi bwabagilile, haho noo buhanana ng'ombe gya mlume gya mwaanagibe lutangi lwa buubi, naugihyicha umbele wa hema lwa busanbeno. ¹⁵ Hanyuma bauulu ba sumbilo bibiya maboo mabo hegulu ha mswee mwa gigyo ng'ombe u mbele wa MLUME; ¹⁶ hanyuma ng'ombe gyishinjiwa umbele wa MLUME. Hanyuma ibuli yine ibiilwe mauta yiguha mamwe mashi magigyo ng'ombe na umalusha mnd heme lya busambeno; ¹⁷ hanyuma ibuli gwichunda mnywe gwage mnda mamo mashi, na usangila u mbele wa MLUME, u mbele wa pashiya nyendo njwii. ¹⁸ Hanyuma mange u mamo mashi gwimabiya u mamo masunga ma butambikilo bwine buli u mbele wa MLUME, bwine buli mnda hema lya busambeno, hanyuma mashi mose gwimagesa haya hasi ha butambikilo bwa lutangi lwa uchigya, bwine buli ha mchango gwa hema lya busambeno. ¹⁹ Hanyuma gwihunya mauta magyo mose na umachigya hegulu ha butambikilo. ²⁰ Noo byeligigilila gigyo ng'ombe; nahi byeligiitile giya ng'ombe gya buubi, gwigiitila nagigyo bibyo; nayo ibuli gwibaitila usambanya, nabo bileelelwa. ²¹ Hanyuma gwigiguha gigyo ng'ombe hambuga ha bushamo, na ugichigya wa aahyanahi byelichigiche giya ng'ombe gya gitangi; ii lutangi lwa buubi yulu ya sumbilo. ²² Mmata gwa ibaloo heligila buubi, na ugila ushi wa ulangila inywa yo yose ubiya bihisho MLUME, Abetcha age, byelibindile bishigilwe, nage gusili na abachi; ²³ gabesambilwa buya buubibwage bweligilile, gwilushambuchi gibe gibe lutangi lage, gya lunga, lyaliwilile. ²⁴ hanyuma gwibiya oboo wage u mswee gwa gigyo mbuchi, na ugishinjicha haya hene habasushinjicha lutangi lwa uchigya u mbele wa MLUME; m lutangi lwa buubi. ²⁵ Hanyuma ibuli gwiguha mamwe mashi ma m lulo lutangi lwa buubi u mnywe gwage, na ubiya u masunga ma butambikilo bwa lutangi lwa uchigya, na mashi magyo gwimagesa haya hasi ha butambikilo bwa uchigicha. ²⁶ Na mauta magyo mose gwimachigyahegulu ya butmbikilo, nahi byalichigiche mauta ma luya lutangi lwa talala; nayo ibuli yimmitila usambanya wayulu ya buubi byage, nage gwileelelwa. ²⁷ Na mtu ge gese gwa gino sii gabegila buubi wa subisubi, wa uita inywa yo yose mnda biya byine bibindile MLUME bisigilwe, gugo gubi na abachi; ²⁸ gabesambilwa bubo buubi bwage bweliitile, haho noo helilusha mbuchi gya ota gwagiwilile, gibe lutangi lwage lwa yulu ya buubi bwage bwine bweliitile. ²⁹ Nage gwibiya uboo wage hegulu ha mswee gwagyo lulolutangi lwa buubi, na ulushinja lutangi lwa uchigya ha ihana ya lutangilwa uchiya. ³⁰ Hanyumaibuli gwiguha u mamo mashi mamwe u mnywe gwage, na umabiya hegulu ha masunga ma butambikilo bwa uchigicha namashi magyo mose gwimagesa hasi ha butambikilo. ³¹ Hanyuma gwiguha mauta magyo mose, nahi biya byesuhunyiwa u lulo lutangi lwa talala; hanyuma ibuli gwimahigya hagulu ha butambikilo, mabe bushio bwa uunjwa wa MLUME; na ibuli gwiita usambanya wa yulu yage, nage gwileelelwa. ³² Nage gabelusha mwana mmoo uba lutangi lwa buubi, gwilusha gwa ota gwam'bwilile. ³³ Nage gwibiya uboo wage u mswee gwalo lutangi lwa buubi, hanyuma gwigishinja gibe lutangi lwa buubi, ha iya ihana ya yabasushinjicha lutangi lwa uchigya. ³⁴ Hanyuma ibuli gwiguha mamwe mashi malutangi lwa uchigya u mnywe gwage na umabiya hegulu ha masunga ma butambikilo bwa lutangi lwa uchigya,hanyuma mashi magyo mose gwimagesa haya hasi ha butambikilo; ³⁵ hanyuma gwihunya mauta magyo mose, nahi mauta ma mwana mmoo byamahuminyiwe u lulo lutangi lwa talala; hanyuma ibuli gwimachigya hegulu ha butambikilo, nahi mishaminyi gya lulo lutangi lwa MLUME lushenyiwe wa ndila gyaahya; na ibuli gwimmitila usambanya wa ndila gya lulo lutangi lwa buubi bwage bweliitile, nage gwileelelwa.