¹ Hanyuma Mlume gudogomone na Musa u loono lwa Sinai, na umsmbila, ² Dogoma na baana ba Isilaeli, ubasambile, Haho hene hamwigingila mnda sii gyandimma, haho gigyo sii gyiusa Sabato wa yulu ya Mlume. ³ Waune lubala lobe myaa mtuba, na myaa mtuba useule lubala lobe lwa mizabibu, na usola biguma byagyo. ⁴ alakini mwaa gwa njwii gubi m mwaa gwa Sabato gya ulitucha abisa yulu ya gigyo sii, m Sabato gya Mlume; ushiune m lubala lobe lwa miabibu. ⁵ Iya yine yimena yo yine u byunaganya byobe, ushiisole, na ata zabibu cha mizabibu choshimseulile ushibisole; gubi mwaa gwa ulitucha abisa yulu ya gigyo sii. ⁶ Na gigyo Sabato gya sii gibi iliwa yenyu; obe gogwe, na wa bacha bobe, na wa mgichi gobe gwa mmachana, na wa mgichi gobe gwa mlumyana, na wa mgenyo gobe mine gusushama hamwechi nobe. ⁷ na wa tunonyi tobe, na wa nyama chine chili mnda sii gyobe; byose bibi noo liwa yabyo. ⁸ Gogwe ubihubala Sabato njwii cha myaa, noo, myaa njwii nyendo njwii; chibi masugu ma Sabato cha myaa wenyu, noo, myaa maumi mana na yahabula. ⁹ haho ubi huhila ngubi chose asiba ene ali na liidi lyata, masugu umi ma mwechi gwa njwii; ha luya lusugu lwa usambanyo mwihila asiba mnda sii gyenyu gyose. ¹⁰ Na mwaa gwa maumi matano mwiguhahacha, na ubatele mtambila buhulu batu bose mnda sii; gubi m mwaa gwa kengelecho gyenyu; na benywe myu ge gese gwigiwila u bibya byage, na bacha bigiwila mtu ge gese u ilongo yage ya ubuswa. ¹¹ Mwa gugo gwa maumi matano gubi gwa uengelecha wenyu; mushiune biguma, na mushisole byo byose byine byimena byo byine, namushisole zabibu cha mizabibu chine chamushiseulile. ¹² Bululi m yuengelecha; ubi mwaa guhaha wenyu; mwiya xxxxxmage muhuma mmabala. ¹³ Gugo mwaa gwa uengelecha mwigiwila mtu ge gese u bibya byage. ¹⁴ Iyaka nambo uugudiche m'binji nobe yo yose, ao ugula yo yose m muboo mwa m'binji nobe, mushibichanye benywe bene wa benywe bene; ¹⁵ wa lubalo lwa myaa gya hanyuma ha uengelecha, noo byoligula wa m'binji nobe, na nambo a lubalo lwa myaa gya usola noo byeliugulula gogwe. ¹⁶ Nambo lubalo lwa gigyo myaa m giingi noo byololibiya buguchi gwage, na nambo lubalo lwa myaa m lucho noo byolihungula buguchi bwage; yulu gee guugudicha bisolaganywa nahi lubalo lwabyo byaluli. ¹⁷ Bibyo mushibichanye; bino umnyemye Abetcha obe; bululi nene noo Mlume, Abetcha enyu. ¹⁸ Wa ino ibalo mugile alago anyi, muuse uonona wanyi, na uaita; benywe shama mnda gigyo sii kolongecho. ¹⁹ Nagyo sii gyiha biguma byage, na benywe mwiya na ugyuta, na ushamamo kolongecho. ²⁰ Na nambo m'begana, Wi wii! Mwaa gwa njwii twiiyai? Lingaminywe tushiuna biguma, nauingola xxxxxxxxmetu; ²¹ haho noo handihongolola mihaa gyanyihegulu henyu mwaa gwa mtuba, nago gwiha biguma lubalo lwa myaa gitatu. ²² Na mwaa gwa inana mwiuna matete, na ubiya biya biguma, na pamba giya gyaala, gyihiya ndaa na mwaa gwa yahabula, nabiguma byage habyilushiwa mnda, mwiya gugyo pamba gyaala. ²³ Nagyo sii gishiguchiwa abisa; bululi sii m gyanyi nene; bululi benywe muli bagenyi na bagyata madila banyi. ²⁴ Benywe mwihana uhogononywa yulu ya sii, yulu ya sii gyose gya bibya byenyu. ²⁵ Nambo ugana mshiwenyu gwahuba mbuchu, na ugucha imwe ibaa ya byibya byage, haho gmwe gwa ilongo yage gwa hoka gwichwa, nage gwiihugonona iya iguchiche mshiwabo. ²⁶ Na nambo mtu gushi na mine gwiihogonona, na gee mine gwahupata bibya na ulimona ugana gwinabo bwa uosha uihogonona; ²⁷ haho noo gabale myaa gwa ugula wage, na yine ilibiwe wa umgiwidicha guya mtu mine guigulile; bibyo gwigilila bibya byage. ²⁸ Alakini nambo gushiosha upata gee mine, mndi iyoyine igulilwe yishama mnda uboo wage guya mine guigulile, ndaa na mwaa gwa uengelecha; na mwaa gwa uengelecha yilechiwa, nage gwigiwilila bibya byage. ²⁹ Iyaka nambo mtu gabegula ndu gy ushama, gili mnda mbuga gyine gili na bibambacha, haho guli na kiine gya ugihogonona u mwaa gumwechi gose gugima hanyuma ha ugigucha; gubi na alago a ugihogonona wa mwaa gugima. ³⁰ Na nambo gishihogononywe mengo ma mwaa gugima, hao gigyo ndu gyine gili mnda mbuga gya bibambacha gyibiwa milumbu uba gya guya mtu mine gugigulile, wa bibushi byage; nagyo gishilechiwa mwaa gwa uengelecha. ³¹ Alakini ndu gya utusoi, twine tushituchunguwe na bibambacha, mibalwa hamwechi na mabala ma giya sii; namo mina kiine gya uhogononywa, namo ilechiwa mwaa gwa uengelecha. ³² Hamwechi na bibyo, mabuga ma Balawi, madu ma bushamo byabo, Balawi bina kiine gya umahogonona mengo mo mose. ³³ Iyaka nambo gumwe mtu gwa babo Balawi gabehogonona, gigyo ndu gyine gigulilwe, na giya mbuga gya bushamo bwage, gyihuma mwaa gwa uengelecha; bululi mamo mabuga ma Balawi noo bushamo bwabo hawungi ha baana ba Isilaeli. ³⁴ Alakini mabalama ulishicha nyama chabo mashiguchiwe yulu noo bulishicho bwabo bwa masugu mose. ³⁵ Na uba mshiwenyu m mbuchu, nauboo wage uli hulolela gowe, byibyo wim'bwatilicha, gwishama nobe nahi mgenyi, na mgyata madila. ³⁶ Ushimsabe busulu bwa hegulu ao alambwe, gogwe umnyemye Abetcha obe, yulu mshiwenyu gashame nbe. ³⁷ Ushimme lusuu lobe yulu uhewe busulu bwa hegulu, na ushimme biliwa byobe yulu ya uhewa alambwe. ³⁸ Nene noo Mume, Abetcha obe, mine gummuminye mnda sii gya Misili yulu namme sii gya Kanaani, bululi naabe Abetcha enyu. ³⁹ Iyaka nambo mshiwenyu m mbuchu hamwechi nobe, gabeligucha obe; ushimgiche nahi mcha; ⁴⁰ obe gogwe gubi nahi mgichi mine guhigilwe, ao nahi mgyata madila; nage gwigila obe ndaa na mwaa gwa uenglecha; ⁴¹ haho gwihumaobe na uligila lwage wage, gee na baana bage hamwechi nage, nage gwigiwila u ilongo yage, iyaka gwigiwilila bibya bya sage. ⁴² Bululi babo m bagichi banyi, bandilushishe uhuma mnda sii gya Misili; bashguchiwe nahi baacha. ⁴³ Ushihyilile hegulu hage wa uoma; umnyemye Abetcha obe. ⁴⁴ Iyaka yulu ya mwano gwa baacha bobe na bagichi bobe ba baachana, bene bobi nabo; mioga gyine gili mibamba mwenyu, u babo mwibagula uba baacha na bagichi ba baachana. ⁴⁵ Iyaka u baana ba bagenyi bene bali hushama hawingi henyu mwiligulila bo, na mnda bilongo byabo bene bali hamwechi nenyu; boo babi bibya byenyu. ⁴⁶ Benywe mwibaita uba buhyana bwa baana benyu hanyuma henyu, baabe bibya byabo; masugu mose mubi huguha baacha wabali; alakini mushihyilile wa uoma u bashiwenyu, babo baana ba Isilaeli, boo bene wa boo bene. ⁴⁷ Iyaka nambo mgenyi ao mtu mine gweli hushama nage gwahuba mbona, na mshiwenyu m mbuchu hoka nage, gabeligucha uli gugo mgenyi, ao wa guya mine guli mashame obe, ao wa ibushi ya ilongo ya gugo mgenyi; ⁴⁸ hanyuma ha ugulwa gunaosha uhogononywa; gumwe mtu hawingi ha bashiwabo gwina kiine gya ummogonona; ⁴⁹ Na mmwabo, ao mwaana gwa mmwabo, gwina kiine gya ummogonona, ata mtu ge gese ga hoka nage m gwa ilngo yage, gwinakiine gya ummogonna; aouganagee mine gwapata bibya, gwina kiine gya ulihogonona gee mine. ⁵⁰ Nage gwiita lubalo na guya mine gummgulile, utula guya mwaa gweliligudiche ndaa na mwaa gwa uengelecha; na buya butunga bwa ugulwa wage ubi nahi lubalo lwa giya myaa byaluli, gubi nage nahi mengo mamgichi gwa mmigwe byamali. ⁵¹ Nambu ugana gyili gishigachu myaa gingi, nahi bili lubalo lwa myaa noo byelihana busulu bwa uhogonowa wage, u lulu lusuu lwine lweligulilwe nalo. ⁵² Iyaka nabu ugana hilihashigachu myaa gicho ka ndaa na mwaa gwa uengelecha, haho gwiita lubalo nage, nahi bili lubalo lwa myaa byagili, noo nahi byelihanana busulu bwa uhogonowa wage. ⁵³ Nambo mgichi gwa mmigwe mwaa wa mwaa, noobyelibi hamwechi nage; gashihyili hegulu hge wa uomau mbele wa meeso mobe. ⁵⁴ Iyaka ugana nambo gushihogononywe wa ndila gimwe gyo gyose, gee, na baana bage hamwechi nage. ⁵⁵ Bululi baana ba Isilaeli m bagichi; m bagichi banyi bandilushiche uhuma mnda sii gya Misili; nene noo Mlume, Abetcha enyu.