¹ Hanyuma Mlume gumsmbile Musa, Sambila babo ba bibuli, baana ba Haluni, ubasambile, Mtu bashilibiye bunyenye wa yulu ya babu hawingi ha batu bage. ² nambo m wa yulu ya ilongo yage ya hoka, wayulu ya mnage na wa yulu ya sage, ao yulu ya mmwalubaga gwage ao msiha gwage, ao yulu ya mshiwabo gwa mlumyana. ³ na wa yulu ya kachage mine gwili inyundu, gwa bubuswa nage, mine gushinagonjwa na mlumyana; gwina ibalo ya ulibiya bunyenye wa yulu yage. ⁴ Gashilibiye bunyenye, inangwa gee noo mmosobu wiilongo yage, gee nulibiya bunyeye. ⁵ Bashilibiya ibanda u miswe, na bashibege masunga ma alembe abo, na bashisale salo u mibili gyabo. ⁶ Babi bahaha wa Abetcha abo, na bashibilye bunyenye china lya Abetcha abo; bululiboo noo basutangila lutangi wa Mlume wa ndila gyaahya, iliwa ya Abetcha abo; wa yulu ya bibyo babi bahaha. ⁷ Bashigonde mmachana gwa sengu, ao guya mine guli na bunyenye; na bashimgonde mmachana mine gushigilwe na mlumyage; bululi guya ibuli m mmaha wa Abetcha age. ⁸ Wa bibyo wimmahacha; bululi gee noo gusuhiya iliwa ya Abetcha obe; gubi mmaha obe gogwe; bululi nene Mlume mine nisummahacha benywe nili mmaha. ⁹ Na msiha gwa ibuli yo yose gabelibiya bunyenye bwa lusengu, gwam'biya sage bunyenye; gwichigiwa m maahya. ¹⁰ Guya mine guli ibuli yata u bashiwabo, yulu mauta ma ushinyiwa mabiilwe mpala mswe gwage, nage gubagulilwe yulu ya Mlume yulu gachwale bibyo bichwalaganywa, gee gushichibiya hululu njuli cha mswe gwage, na gushigula bichwalaganywa byage; ¹¹ Na gushigingila wine uli itumba ya mtu, na gshilibiya bunyenye yulu ya sage ao yulu ya mnage; ¹² nagashitobowe uhuma ha ihana ya ihaha, na gashihabiye bunyenye ha ihana ya ihaha ya Abetcha age; bululi uhahachiwa wa mamo mauta ma ushinyiwa na Abetcha age mali hegulu hage; nene noo Mlume. ¹³ Nage gwigonda mmachana gwili gwa inyundu. ¹⁴ Gashiguhe m'bwilwa, na ata mmachana mine gushigilwe na mlumyage, na ata mmachana gwa masei, na gwa lusengu; alakini gwigonda inyundu hawingi ha batu bage. ¹⁵ Nage gashyibiye bunyenye ibushi yage hawingi ha batu bage; bululu nene noo Mlume mine guli hummahacha. ¹⁶ Hanyuma Mlume guganine na Musa, na umsambila, ¹⁷ Dogoma na Haluni, umsambile, Mtu ge gese gwa ibushi yobe gogwe hawingi ha bibushi byabo, guli na bugongole, gashishene utangila iliwa ya Abetcha age. ¹⁸ Bululi mtu ge gese mine guli na bugongole gushishena; mtu gwa ihobu, itende, ao mtu guli na mmyembe gwa gugugichu, ao guli na ibya yo yose yine ili ihime bilingye m'bili gwage, ¹⁹ ao mtu mine gunogeye ugulu, ao gunogeye uboo, ²⁰ ao guli na chongo u mgongo, ao akyindi ao guli na asongo a mliso, ao guli na bihele au guli na bubangwe, au gubeleile mabende; ²¹ Mtu ge gese gwa ibushi ya ibuli Haluni mine guli na bugongole gashishene utambikila lutangi lwa Mlume lwa ndila gyaahya; gugo mine gwina bugongole gashishene ushenya iliwa ya Abetcha age. ²² Gwiiya iliwa ya Abetcha age, u iya yine ili ihaha abisa, na u uyayine iliihaha. ²³ Alakini gushigingila nda pashiya, nangashinene hoka na butambikilo, yulu guli na bugongole, bululi gashihabiye bunyenye ha ihanayanyi ya ihaha; bululi nene noo Mlume mine guli hummahacha. ²⁴ Haho Musa gudogomine na Haluni na baana bage, na baana ba Isilaeli bose.