¹ Hanyuma MLUME gudogomine na Musa na Haluni, na ubasambila, ² Mtu helibi na ibimbo wibambi ya m'bili gwage, ao ilonga, ao ibambu yine ili hugema, nayo yahuba ibala ya bushondo wibambi ya m'bili gwage, haho noo helihilwa wa ibuli,ao wa baana bage, bibuli gumwe gwabo; ³ na iyo ibuli yilola bibyo bibala byine bili wibambi ya m'bili; na ugana isada yine ili ha biya bibala yagaluwa uba ihaha, na iyo ibala yamoneya weli yagingila mnda uhima ibambi ya m'bili gwage, myi ibala ya bushondo iyo; na ibuli yimlingamine na ugana gwina bunyenye. ⁴ Na iya ibambu yugema, ugana iyihaha wibambi ya m'bili gwage, na umoneya wayo ishi yugingila mnda uhima ibambi, na isada ishigaluwe uba ihaha, haho ibuli gwim'biya abagwe mengo ma masugu njwii guya guli na biya bibala; ⁵ Hanyuma ibuli yimlingamina lusugu lwa njwii; nage gabemona ibala yahugema, na ibala isagililila uhanga wibambi yage, haho ibuliyim'biya iyaka abagwe masugu njwii; ⁶ hanyuma ha masugu njwii ibuli yimlingamina iyaka; na loola ugana iyoibala yahutula ugungubila, naibala ishigililile uhanga wibambi yage, noo haho ibuli yigana guli mmaha; ii bilonga; nage gwifula bichwalaganywa byage hanyuma gubi mmaha. ⁷ Nambo ilonga yagililila wibambi yage hanyuma haumonya ichuli-chuli yage ya mwego uli ibuli yulu ya uhahachiwa wage gwimonya iyaka ichuli-chuli yage ya mwego uli ibuli; ⁸ na ibuli yilingaminana ulola uba iya ilonga yatanuwa wibambi yage, haho noo ibuli yigana guli na bunyenye; gwina bushondo. ⁹ Ibala ya bushondo haibi u m'bili gwa mtu, haho gwihilwa wa ibuli; ¹⁰ na ibuli yilingamina, na ulola, ugana hali na yuundo ya ihaha wibambi yage, na isada yagaluwa uba ihaha, iyaka ugana hali na nyama chibisi cha chitosu ha iya yuundo, ¹¹ m bushongo bwaalabuli wibambi ya m'bili gwage, ibuli yigana guli na bunyenye; gushi m'bagula, bululi gee guli na bunyenye. ¹² Iyaka ugana bubo bushondo bwahumoneya wibambi yage, na bushondo bwahuwilila ibambi yose,utula umswee ndaa na umagulu, nahi byimona ibuli; ¹³ haho iyo ibuli yilingamina; na loola, ubabushondo bwahum'bwilila m'bili gwage gose, gwigana guli mmaha gugo mine guli na iyo ibala gwagugaluwa uba guhaha gose; gee guli mmaha. ¹⁴ Ata bibyo ho hose hene himoneya nyama chibisi weli gugo mtu, gubi na bunyenye. ¹⁵ Ibuli yilingamine chicho nyama chibisi, nage gwigana guli na bunyenye; giya nyama gibisi noo bunyenye; noo bushondo. ¹⁶ Nambo chiya nyama chibisi chagaluwa iyaka, na ugaluwa iyaka uba chihaha, haho gwimgila ibuli, ¹⁷ na iyo ibuli yimlingamina; na loola, uba iya ibala yagalulwa uba ihaha, noo haho iyo ibuli yigana guli mmaha gugo gubele na ibala; gee guli mmaha. ¹⁸ Iyaka m'bili gwa mtu hagubi na ihute wibambi yage, nayo yahona. ¹⁹ na ihana yine ibele iya ihute nahi ibimbo ya ihaha, ao ibambu yugema, ihaha na igachichu hacho, haho noo helimmonya ibuli iya ihana; ²⁰ na ibuli yilingamina, na ulola, ugana hagingila ina uhima ibambi yoyine, na isada yagauwa iba ihaha, haho ibuli yigana uba guli na bunyenye; myibala ya bushondo yachwila mmiyo ihute. ²¹ Nambo ibuli ibe halingamina, na ulola hashi isada yihaha mnda mwayo, na hashi ha hagingichu uhima iya ibambi, na hahutula uchwa ugungubila, haho ibuli yibagula hibamba mengo ma masugu njwii. ²² na ugana hadagalala wibambi, haho noo ibuli yigana guli na bunyenye; ino myibala. ²³ Nambo ilonga iyo ugema ibegema hoka haya, na ishi hudagalala, ii mmumya gwa ihute; na ibuli yigana gugo mtu guli mmaha. ²⁴ Ao m'bili gwa mtu uba guli na buchigu wibambi yage, na chiya nyama chine chatota hayaba buchigu, nambo hahuba ibambu ya igachichu icho,ao ihaha. ²⁵ haho noo ibuli yihalingamina; na ulola, ugana isada yine ilihaiya ibambu nambo yagaluwa uba ihaha, na ugana nambo hagingila mnda uhima ibambi yo yine; noo bushondo, bwamena haya hene hali buchigu; naibuli yigana guli na bunyenye; iyo noo ibala ya bushondo. ²⁶ Nambo ibuli gabe halingamia, na ulola, wiiyo ibambu hashi isada ya ihaha yigema, nayo isagingila mnda ihima ibambi, nayo yahuhwila; haho ibuli yim'bagula hibamba mengo ma masugu njwii. ²⁷ na ibuli yimlolela mengo a masugu njwii; yulu yudagalala wibambi, haho ibuli yigana guli n bunyenye, iyo iyibala ya bushondo. ²⁸ Na nambo iya ibambu yahuhwa ugema huka haya, na ishidagalele wibambi, na yahuhwila; na ubimba wahaya hene hali buchigu, ibuli yigana guli mmaha; bululiii mmumya gwa bubo buchigu. ²⁹ Iyaka mtu, mlumyana ao mmachana, gwahuba na ibala u mswe, ao waalembe age. ³⁰ haho ibuli gwilingamina iyo ibala; na ulola, ugana nambo hali hagingichu uhima ibambi yo yina, iyaka chahuba mo njuli cha langi lya imanjano iyaka chihuhu, haho ibuli yigana guli na bunyenye, bululi, noo binono, noo bushondo bwa mswee, ao bwa walembe. ³¹ Iyaka ibuli ibelingamine iya ibala binono,na ulola, ugana ubemoneya hashi hagingichu uhima ibambi yo yine, na mushi na njuli cha chihisu mnda mwayo, haho ibuli yim'bagula guya mine gyinaibala ya binono mengo ma masugu njwii. ³² na lusugu lwa njwii ibuli yilingaminaiya ibala; na uba iya inono isadagalala, na mushi na njuli cha langi lya imanjano mnd mwayo, na ugana inono isagingila uhima ibambi yo yine, ³³ haho gugo mtu gwibegwa, hao iya inono gushiibega; na ibuli gwim'bagula guya byina binono mengo mamasugu njwii iyaka. ³⁴ na lusugulwa njwii ibuli yilola iya inono, na ulola nambo inono isadagalala wibambi yage, na ishi humoneya ugingila uhima ibambi; haho ibuli yigana guli mmaha; nage gwifula bichwalaganywa byage, nage gubi mmaha. ³⁵ Na iyo inono nambo ibe dagalala wibambi yage hanyumaha uhahachiwa wage; ³⁶ haho ibuli yimlingamina; nauba iya inono yadagalala wibambi yage, ibuli yienga chiya njuli cha langilya imanjano; gee guli na bunyenye. ³⁷ Nambo gabemona ugana iya inono yahuhwa ugema, na njuli cha chihisu chahutota mo; iyo inono nambo yahona, nage guli mmaha, na iyo ibuli yigana guli mmaha. ³⁸ Mtu, mlumyana ao mmachana, halibi na bibambu byugema wibambi ya m'bili gwage, bibambu bihaha byugema; ³⁹ haho ibuli yilingamina; na ulola, uba biya bibambu gyugema byina bili wibambi ya mbili gwage m bihaha hachoo; m lutanga lulo, lwammena wibambi ya m'bili gwage gugo guli mmaha. ⁴⁰ Ugana njuli cha mtu chammuma mnda mswe gwage, gee guli na ibanda, guli mmaha. ⁴¹ Iyaka ugana njuli cha mtu chammuma luubi lwa ubuhala, gugo guli na ibanda ya ubuhala; guli mmaha. ⁴² Nambo mnda guya mswee gyine guli na ibanda, ao buya buhala bwine buli na ibanda, yamoneya ibala ihaha hanyuma igachichu hacho; m bushondo bwamtobwela u mswee gwage wibanda, buli u buhala bwage bwa ibanda. ⁴³ haho ibuli yimlingamina; na ulola, ibimbo ya ibala yahuba iyihaha na igachichu-igachichu, u mswee gwage gwine guli na ibanda, nahi biyaumoneya wa bushondo wibambi ya m'bili. ⁴⁴ gee ii mtu mine gulina bushondo, gyina bunyenye, na ibuli gwigana guli na bunyenye; ibala yage ili u mswee gwage. ⁴⁵ Hanyuma mine guli na bushondo gwina ibala weli, bichwalaganywa byage byigulwa, na njuli chage chishigwa hululu, nage gwibumba mlomo gwage gwa hegulu, nage gwiita mdodo, guli na bunyenye. ⁴⁶ Masugu mose mene meli na ibala, gee gubi na bunyenye; gee guli bunyenye; gwishama gee buchima; ndu gyage gibi hambuga ha bushamo. ⁴⁷ Iyaka ichalaganywa nayoyina ibala ya bushondo bwamoneya waili, ugana iyichwalaganywa ya misufi ao ugana iya alili. ⁴⁸ ugana yaluiwa, ao ushingwa; uba iya alili ao ya misufi; ugana iya ibambi, ao uba iya itu yoyose yine iitilwa wa ibambi; ⁴⁹ iyo ibala ibeba ya langi lya imanjano ao ya igachichu, uli iyo ichalaganywa obaiya ibambi, ao uba yine ilwiilwe, aoyine ishingilwe, aowiituyo yose ya ibambi; iyibala ya bushondo, nayo gwiimonya ibuli. ⁵⁰ na ibuli yilingamina iyo ibala, nayo gwiibagula iya yine ili na ibala mengo ma masugu njwii; ⁵¹ hanyuma ha masugu njwii gwiilola iya ibala; nambo ibala yadagalala wiiya yine ilwilwe, ao wiiya yiishingwe ya ibambi, inangwa iyo ibambi yina gunge mgilo go gose, iyo ibala iya bushondo bwaiuda; iyo ichalaganywa ili bunyenye. ⁵² Nayo yiichigya aahya iyo ichalaganywa, uba iyine ilwilwe ao uba iyine ishingilwe, uba ya misufi ubaya alili, ao uba ya itu yo yose ya ibambi, yine ili na iyo ibala waili; bululi m bushondo bwaiuda; ichalaganywa iyo yichigiwa waahya. ⁵³ Na nambo ibuli ibelingamina , na ulola, uba bibyo bibala bisdagalala u iyo ichwalaganywa yose, wiiyo ya ilwilwe ao iya iyaishingilwe, ata witu yo yose ya ibambi. ⁵⁴ haho ibuli yilisamba ugana ufulwe iya itu yine ili na iyo ibala, nayo ibuli yiibagula hibamba mengo ma masugu njwii iyaka; ⁵⁵ hanyuma ibuli gwiilola, hanyuma ha uigoga iya ibala; na uilol, ube iya ibala isagaluwa langi lyayo, na ata nambu isadagalala, ili bunyenye; wiihigya waahya; iyudoga uba ili na ibanda mnda ao hambuga. ⁵⁶ Iyoibuli yiilingamina nauilola, uba iyo ibala yahutula uhuhwila hanyuma ha ufulwa wayo; haho gwiitatula iyo ibala ihume u iyo ichwalaganywa, uba ya ibambi ao ya ilwilwe uba ishingilwe. ⁵⁷ hanyuma ibemoneya ili bibyo u iyo ichwalaganywa, u iya ilwilwe ao u iya ishingilwe, ao wiitu yo yose ya ibambi, iyibala yidagalachu; na gogwe iyo ichwalaganywa yine ili na ibala wiichigya waahya. ⁵⁸ Na iyo ichwalaganywa, yine ilwilwe ao yine ishingilwe ao itu yo yose ya ibambi yolifula, nambo iyo ibala ibehuma wiileya, haho noo halifulwa lwendo lwa bubili, nayo ibi ihaha. ⁵⁹ Na wiibala ya bushondo wi ichwalaganywa ya misufi, ao ya alili, uba iyailwiwe uba iya ishingwe, ao uba iya itu yo yose ya ibambi, m'bindo gwayo noo gugo, noo ugana ili ihaha, ao ugana ili bunyenye.