¹ Hanyuma MLUME gudogomine na Musa, na umsambila, ² Huno noo m'bindo gwa mine gwina bushondo, u masugu ma uhahachiwa wage; gwihyichiwa wa ibuli, ³ na iyo ibuli yitobowa hambuga ha bushamo; nanibuli yiingamina, na ulola, uba ibala ya bushondo yahona wage guya mine gwina bushondo; ⁴ haho ibuli gwilaga ugana baaguhe yulu ya guya mine gwihahachiwa tunonyi tubili tuli na mwego, twa tusoga, namti gwa mmamba, na msufi gwa gugachichu, na yaanga. ⁵ hanyuma ibuli gwilaga yulu ya anonyi amwechi ashinjiwe mnda itundu ya bitete yine ili hegulu ya maadi ma luudi. ⁶ hanyuma aya aninyi a mwego gwiawata, nagugo mti gwa mmamba, na guya msufi gwa gugachichu, na yaanga, nayo yibichunda bibyo, hamwechi na aya anonyi ali na mwego, mnda maashi na aya anonyi ene ashinjiwe hegulu ha maadi ma luudi; ⁷ hanyuma gwimmwongolwela guya mine gwihahachiwa nyendo njwii, nayo yigana usili mmaha, hanyuma gwialecha aya anonyi ene ali na mwego agye lwage mgala. ⁸ Nage guya guhahachiwa gwifula bichwalaganywa byage, na ubega njuli chage chose, na ulisuwa mnda maadi, nage gubi mmaha; hanyuma ha haho gwigingila mnda bushamo, ata bibyo gwishama hambuga ha itula yage masugu njwii. ⁹ Hanyuma ha masugu njwii gwibega njuli chose cha mswee gwage, na alembe age, na ndili chage, na maso mage mose gwimabega, hanyuma gwifula bichwalaganywa byage, na uligoga m'bili gwage mmaadi, nage gubi mmaha. ¹⁰ Hanyuma lusugu lwa inana gwiguha baana ba miyoo babili ba milume ba bawilile,na mwana gwa mmoo gwa mwaa gumwechi gwa mbwilile, na bibaa bitatu bya umi bya ganda lya buusu bwa buneku uba lutangi lwa buusu, usupaganya na mauta, na ahindi amwechi a mauta. ¹¹ Hanyuma ibuli yine yimmahacha yimgimiya guya mtu mine gwihahachiwa, hamwechi na biya bibya byose, u mbele wa MLUME, ha mchango gwa busambeno. ¹² hanyuma ibuli yiguha gumwe mwaana gwa mmoo gwa mlume, na ugushenya gube lutangi lwa abachi, hamwechi na ao ahindi a mauta, hanyuma gwibimaa yulu bibe lutangi lwa umawa u mbele wa MLUME; ¹³ hanyuma gwishinja guya mwana mmoo ha ihana iya yabasushinjicha lutangi lwa buubi nanlutangi lwa uchigya, mnda ihana ya ihaha; wa yulu nahi lulo lutangi lwa buubi lwine luli lwa ibuli, noo byoka biya lutangi lw abachi; m luhaha abisa. ¹⁴ hanyuma iyo ibuli yiguha mamwe maashi ma lutangi lwa abachi, nayo ibuli yibiya u songo gya liitu lya ulume lya guya mine gwihahachiwa, na u yaala yage ya uboo wa ulume, na u yaala ya ugulu wage wa ulume. ¹⁵ hanyuma ibuli yiguha u ao ahindi a mauta, na umahongolola mganda lyage lya uboo wage wa uachi; ¹⁶ hanyuma ibuli yibiya mnywe gwa uboo waulume mnda mamo mauta, mene mali mnda uboo wage wa uachi, nayo yihongolola maya mauta umnywe gwage nyendo njwii u mbele wa MLUME. ¹⁷ na u maya mauta mene mashigala mganda lyage gugo ibuli gwimabiya u singo gya liitu lya uboo ulume lya guya mine gwihahachiwa, na u mnywe gya yaala ya uboo wa ulume, na u yaalaya ugulu wa ulume, bululi bwa lutangi lwa abachi. ¹⁸ na mauta ma mashigachu, mene mali mganda lya ibuli, gwima hongolola u mswee gwa guya mine gwihahachiwa; haho ibuli yiita usambanya yulu yage, u mbele wa MLUME. ¹⁹ Hanyuma ibuli yishenya lutangi lwa buubi, na uita usmbanya wa yulu yage guya mine gwihahachiwa bululi bwa bunyenye bwage; hanyuma gwishinja lutangi lwa uchigya. ²⁰ hanyuma ibuli gwishenya lulo lutangi lwa uchigya, na lutangi lwa buusu,hegulu ha butambikilo na ibuli yiita usambanya wa yulu yage, nage gwihahala. ²¹ Iyala nambo m mbuchu, nage gushinaosha umona lulo lulingo, haho noo gwiguha mwana mmoo gumwechi gwa mlume, gube lutangi lwa abachi lwa umawa, bululi bwa uita usambanya wa yulu yage, na ibaa ya umi ya ganda lya buusu bwa buneku, bwa busupaganywe na mauta ubalutangi lwa buusu, na ahindi a mauta. ²² na madiba mabili, ao baama ba tukundulu babili, nahi byenaosha umona; ao amwechi abi a lutangi lwa buubi, na aya a bubili abi lutangi lwa uchigya, ²³ Na lusugu lwa inana gwitulusha wa ibuli, u mchango gwa hema lya busambeno u mbele wa MLUME, yulu ya uhahachiwa wage . ²⁴ Na ibuli yiguha gugo mwana gwa mmoo gwa abachi, na ao ahindi a mauta, nayo ibuli yibimaa yulu bibe lutangi lwa umawa u mbele wa MLUME; ²⁵ hanyuma yishinja mwana mmoo gwa lutangi lwa abachi, nanibuli yiguha mamwe maashi mal utangi lwa abachi, na umanoye u songo gya liitu lya guya mine gwihahachiwa, na umnywe gwa yaala yage ya ulume, n au yaala yage ya ugulu wage wa ulume; ²⁶ hanyuma ibuli yihongolola mamwe mauta mganda lyage gee mine lwa uboo wa uachi. ²⁷ hanyuma ibuli yihongolola mamo mauta mene mali mganda lyage lya uboo wauachi, na mnywe gwage gwa uboo wa ulume nyendo njwii u mbele wa MLUME; ²⁸ hanyuma ibuli yibiya mange u maya mauta mene mali mmuboo wage u songo gya liitu lya ulume lya guya mine gwihahachiwa, na u mnywe gwa yaala gya uboo wa ulume, na u yaala ya ugulu wage wa ulume, hegulu ha ihana iya yine ili maashi ma lutangi lwa abachi. ²⁹ na mauta mene mishigala mnda ganda lya ibuli gwimabiya u mswee gya guya mine gwihahahiwa, bululi ya uita usambanya yulu yage u mbele wa MLUME. ³⁰ hanyumaibuli yisenya limwe diba , ao gumwe mwana gwa akundulu, ulamana na uosha wage wuba nabyo; ³¹ na ulamana na byine byeli babyo, amwe aabe lutangi lwa buubi, na abubili aabe lutangi lwa uchigya, hamwechi na lutangi buusu; na iyo ibuli yiita usambanya bululi bwa gugo mine gwihahachiwa u mbele wa MLUME. ³² Gugo mine gwinaibala ya bushondo, guya mine gushinaosha uimona iya yine ilingye mtu uhahachiwa nayo, m'bindo gwage noo gugo. ³³ MLUME gudogomine na Musa na Haluni, na ubasambila, ³⁴ Haya hene hamwingila mnda sii gya Kanaani, yine yandamma uba buhyana bwenyu, nene handiibiya ibala ya bushondo mndu gya sii gigyo gya buhyana bwenyu. ³⁵ haho mine na gigyo ndu gwigya umsambila ibuli, ugana, Nene namona nahi hali ibala ya bushondo mnda ndu gyanyi; ³⁶ haho ibuli yilaga ugana bahunye byose byine bili mndu, hambele ha ibuli ishinagingila ulingamina iyo ibala, bululi byose byine bilimo mnda ndu bishibiwe uba bunyenye; hanyuma hage ibuli yigingila mnda ndu gigyo ailingamine; ³⁷ Nayo yilingamina iyo ibala, na ulola, yahuba ibala ili mnda lukuta lwa ndu, nayi yina bina-bina, langi lya imanjano ao langi lya ligachichu, na umoneya ugingila abisa uhima lulo lukuta; ³⁸ haho ibuli yitobowa mnda gigyo ndu ndaa na u mchango gwa gigyo ndu, na ugihamba gigyo ndu mengo ma masugu njwii. ³⁹ lusugu lwa njwii ibuli yigya iyaka, nayo yilingamina; na ulola, ibala ibedagalala u bibambacha bya ndu; ⁴⁰ noo haho ibuli yibasambile bahunye maya mawe, mene mali na ibala, na umatela wihana yine ili na lusumbi hambuga ha mbuga; ⁴¹ nage gwiita ygana gigyo ndu gibambulwe mnda ngubi chose, naluhemba lwine lwabibambula lwigeswa hambuga ha mbuga wihana ya lusumbi; ⁴² hanyuma biguha mange mawe mashi-mashi, na umabiya hene hahumine maya mawe; nage gwiguha lunge luhemba, na ushiliba gigyo ndu lunge luhemba. ⁴³ Na nambo iyo ibala ibegiwila iyaka, na utobwela mnda ndu, hanyuma ha gee umahunya maya mawe, na hanyuma ha ubambula gigyo ndu, na hanyuma ha ushiliba luya luhemba. ⁴⁴ haho ibuli yigingila mnda na ulingamina, na ulola, nambo ibala yadagalala mnda gigyo ndu, m bushongo bwagiwata gigyo ndu; gili na bunyenye. ⁴⁵ Nage gwigibela ndu; mawe magyo na miti gyagyo, na luhemba loose lwa gigyo ndu; gee gwibiguha byose hambuga ha mbuga ndaa na wihana yine ili na lusumbi. ⁴⁶ Iyaka, mtu ge gese mine gwigingila mnda gigyo ndu mamo mengo mo mose mene magibugalwe, gubi na bunyenye ndaa na igolo. ⁴⁷ Na mtu mine gwilala mnda gigyo ndu gwifula bichwalaganywa byage, na mine gwilila iliwa mnda gigyo ndu gwifula bichwalaganywa byage. ⁴⁸ Iyaka nambi ibuli ibegengila mnda na ulingamina, na ulola, uba ibalaisadagalala mnda ndu , hanyuma handuushinyiwa luhemba; haho ibuli yugana gigyo ndu gili gihaha, bululi, ibala yahina. ⁴⁹ Nage gwiguha tunonyi tubili, na mti gwa mmamba, na msuhi gwa gugachichu, na idembu, na ugihahacha gigyo ndu; ⁵⁰ nayo yishinja amwe anonyi witundu ya bitete yine ili hegulu ha maadi ma luudi; ⁵¹ hanyuma gwiguha gugo mti gwa mmbamba, na idembu, na msufi gwa gugachichu, hamwechi na aya aninyi ene ali ma mwego, na ubichunda byose mnda maya maashi ma aya aninyi ene ashinjiwa, na mnda mamo maadi ma luudi, na umasamwinya u ndu nyendo njwii; ⁵² nayo yihahacha gigyo ndu wa maashi ma anonyi, na maadi ma luudi, na wa aya anonyi ene ali na mwego, na wa mti gwa mmamba, nawa idembu, na msufi gwa gugachichu. ⁵³ haho aya anonyi a mwego gwialecha ahume mnda gigyo mbuga agye mgala; noo byaiita usambanya bululi bwa gigyo ndu; nagyo gyihahala. ⁵⁴ Gugo noo m'bindo gwa bushongo bwa mioga gyose, na bwa bibambu; ⁵⁵ nabwa bushondo bwa bichwalaganywa, nabushondo bwa ndu ; ⁵⁶ na bibimbo, na aama, binina, na ilonga yugengeda; ⁵⁷ yulu ya gugigya haibi bunyenye, na haibi ihahachu; gugo noo m'bindo gwa bushondo.