¹ Nahi biya nolobyachileila ugema, Na nolo cha chihaha ugaluwa! Mawe ma ha hahaha matelwa u butulilo bwa madila mose. ² Baana ba Sayuni bene bali na anyemu, Balingilishwe na nolo cha chihaha, Nahi byabali hulangilwa uba bitu bya bitete, Mgili gwa m'bumbi! ³ Ata mibwabwa gili na mabele, Basaukokya baana babo ; Misiha gya batu banyi gusili na buhuchi, ulingilishiwa na mbuni gya mlwanaganywa. ⁴ Lulimi lwa mwana gulihukoka Lwanyema na aola age wa yuma; Baana tulenge balihusaba iliwa, Hashi ata gumwechi gulihubahuwila. ⁵ Baya bene balihuya biliwabya bubii Bashigwa bo buchima m,bwingi na ndila; Baya bene baulile balihuchwala bichwalaganywa bya bigachichu Baumbatila chala. ⁶ Bululi buubi bwa misiha gya batu banyi ii bwata uli buubi bwa Sodoma, Gigalulwe wa nahi dakika limwechi, Ata maboo mashibiilwe hegulu hage. ⁷ Baosobu bage babele bahaha nahi imundi-mundi, Babele bahaha nahi mabele; Mibili gyabo, Babele bagachichu uhima bitu byose, Na kachabo nahi yakuti samawi. ⁸ Byenyi byabo ii bihisu uhima maala; Bashihumanyiya mndila gya gyata; Lubu lwa mibili gyabo lwawatana na mauda mabo, Lwaguma, gisili nahi miti. ⁹ Luhanga lusoga ulibaya bahagilwe na ahilu Uli baya bawila na ndala; Yulu boo bashibele na migoma, bachelilwe yuluya uhulwa biguma bya mmabala. v 10Maboo na baachana bene bali na keene Mahiyaa baana babo bo bene; Babele noo iliwa yabo, Mnda udugawa misiha gya batu banyi. ¹¹ Mlume gwawilicha inywa yage, Gwahongolola sungu chage chingi; Nage gwalamya ahyaa mnda Sayuni achigya mishingi gyage. ¹² Maolo ma gino sii bashibawashe, Ata bose balihushama mgino sii, Bibyo basusuchibabangila mnda mchango gwa Yelusalemu. ¹³ Ii yulu ya buubi bwa ba mbuwa bage Na buubi bwa bibuli gyage, Bageshila mashi ma bene bali na kiine hawingi habo. ¹⁴ Uhubagana-hubagana mndila nahi bihobu, Babiwa buubi bwa mashi,; Na ata batu bashioshe ubiuma bichwalaganywa bwabo. ¹⁵ Batu babatelele bigelegele , Hunyiwe, buubi, Hunyiwe, Hunyiwe, mushiume; Habasinine na uhubagana-hubagana, batu badogomone hawingi ha mioga, Bashisahama hano iyaka. ¹⁶ Sungu cha Mlume chabasambuwanya, Gee gushibalola iyaka; Bashihulola bichuli-chuli bya mwego bya baya babibuli, Bashiginyeminye miungu gyabo. ¹⁷ Meso metu maima bunene wa ulolela uwatilichiwa wetu; MNda mwa uhemba wetu twahemba mmoga gushinaosha utuhogonona, ¹⁸ Bali huhiba matamba metu, Na ata tushihusha ugila mmadina metu; Isula yetu yahuhiya, Masugu metu mawilila; Bululi isula yetu yahuhiya. ¹⁹ Bene balihutulama ii bahuhu uhima kochi cha hegulu ha gulu; Babo batulaminine uu koono,, Boo batubisamine mlwanaganywa. ²⁰ Luhuda lwa mmihyembe gyetu, mshiniwa mauta gwa MLUME, Guwashilwe mmina yabo; Na waugana mwano gwage tuganine, Hasi ha ichuli chuli yage tushamine hawingi ha mioga. ²¹ Saso; seelelwe, Ee misiha gya Edomu, Ushamine msiigya Usi; Ata ube isengo yihita, Wiolwa, na ulichula buchi. ²² Buubi bobe bwawilila, Ee misiha gya Sayuni; Gushyubulula iyaka; Gwihumya buubi bobe, Ee misiha gya Edomu; Gwibubulula buubi bobe.