¹ Ee Mlume, Uengeleche byine bitupatile;Ulole na umona abule etu. ² Buhyana bwetu bwagaluwa uba bumona bwa bagenyi; Na madu metu uba bumona bwa bashigile kumbi. ³ Tusili mashige mawililwe na bashibana; Bamnetu basili nahi bawile . ⁴ Tulihunywa madi metu wa bumona; Kunyi chetu batugulila choo. ⁵ Bene bali hutulama bali hegulu ha maishi metu; Twaima tushihumona ulihocha oose. ⁶ Twabaha babo Bamisili uboo; Na Bashami nabo, yulu tugyuta biliwa. ⁷ Banasetugailile buubi nahano bashihi ; Na beswe twahuguha buubi byabo. ⁸ Baacha batuhyilila; Hashi mtu gwa utuhogonona na maboo mabo. ⁹ Tuli na biliwa wa ulihana bichuli chuli byetu bya mwego; Yulu ya ahilu a mlwanaganywa. ¹⁰ Byubu byetu bili bihisu nahi masuga; Bululi bwa mishaminyi gya ndala gilihutuchigya. ¹¹ Ubaita buhulihuli baachana ba Sayuni; Na binyundu mnda mbuga gya Yuda. ¹² Baosobu bali hulisundiya wamaboo mabo bobene; Byenyi bya miungu bishi hunyemiwa. ¹³ Bawambaga balihuguha mawe ma belo; Na baana balihuhyatala hasi ha kunyi. ¹⁴ Miungu baleya ugya u mchango; Bawambaga ugya u mgumbo. ¹⁵ Saso lya mitima gyetu lyahwa; Maina metu magaluwa uba malilo. ¹⁶ Sala lya umiswe gyetu lyagaluwa uba ; Luhanga lubilwetu! yulu twagila buubi. ¹⁷ Bululi bwabibyo mitima gyetu gyazimiya; Wa yulu ya bibyo meso metu mashihumona bisoga. ¹⁸ Wa yulu ya loono Sayuni luli mauwa, Mibwabwa gilihuena hagulu hage. ¹⁹ Gogwe, Mlume, wagililila milumbu; Iti yobe ya buolo ii utula ibushi ndaa na ibushi. ²⁰ Yulu ya ii watugibilila masugu mose; Na utuleya mengo mengi? ²¹ Ee Mlume, utugalwile obe, na beswe twigaluwa; Umaite mahya masugu metu nahi masugu ma alaa. ²² Ii gogwe kaa watuhanya abisa; Noo gogweuli na sungi abisa yulu yetu.