Mbukwilo 5
1
Ee Mlume, Uengeleche byine bitupatile;Ulole na umona abule etu.
2
Buhyana bwetu bwagaluwa uba bumona bwa bagenyi; Na madu metu uba bumona bwa bashigile kumbi.
3
Tusili mashige mawililwe na bashibana; Bamnetu basili nahi bawile
.
4
Tulihunywa madi metu wa bumona; Kunyi chetu batugulila choo.
5
Bene bali hutulama bali hegulu ha maishi metu; Twaima tushihumona ulihocha oose.
6
Twabaha babo Bamisili uboo; Na Bashami nabo, yulu tugyuta biliwa.
7
Banasetugailile buubi nahano bashihi ; Na beswe twahuguha buubi byabo.
8
Baacha batuhyilila; Hashi mtu gwa utuhogonona na maboo mabo.
9
Tuli na biliwa wa ulihana bichuli chuli byetu bya mwego; Yulu ya ahilu a mlwanaganywa.
10
Byubu byetu bili bihisu nahi masuga; Bululi bwa mishaminyi gya ndala gilihutuchigya.
11
Ubaita buhulihuli baachana ba Sayuni; Na binyundu mnda mbuga gya Yuda.
12
Baosobu bali hulisundiya wamaboo mabo bobene; Byenyi bya miungu bishi hunyemiwa.
13
Bawambaga balihuguha mawe ma belo; Na baana balihuhyatala hasi ha kunyi.
14
Miungu baleya ugya u mchango; Bawambaga ugya u mgumbo.
15
Saso lya mitima gyetu lyahwa; Maina metu magaluwa uba malilo.
16
Sala lya umiswe gyetu lyagaluwa uba ; Luhanga lubilwetu! yulu twagila buubi.
17
Bululi bwabibyo mitima gyetu gyazimiya; Wa yulu ya bibyo meso metu mashihumona bisoga.
18
Wa yulu ya loono Sayuni luli mauwa, Mibwabwa gilihuena hagulu hage.
19
Gogwe, Mlume, wagililila milumbu; Iti yobe ya buolo ii utula ibushi ndaa na ibushi.
20
Yulu ya ii watugibilila masugu mose; Na utuleya mengo mengi?
21
Ee Mlume, utugalwile obe, na beswe twigaluwa; Umaite mahya masugu metu nahi masugu ma alaa.
22
Ii gogwe kaa watuhanya abisa; Noo gogweuli na sungi abisa yulu yetu.