¹ Bibyo Yelio ibele ichunguluwe abisa yulu ya baana ba Isilaeli; hashibele mtu gwa utobowa na gwa ugingila. ² Mlume gumsmbike Yoshua, Loola, nagibiya Yeliko mnda uboo obe, na oolo lyage na bilume pambwa byage. ³ Benywe mwichunguluwa gino mbuga, batu bose ba bita, mwagichunguluwe mbuga lendo lumwechi. Uite bibyo masugu mtuba. ⁴ Na bibuli njwii biguha tusiba njwii twa meega ma myoo gya milume, u mbele wa lilyi lindo; na lusugu lwa njwii mwichunguluwa mbuga nyendo njwii, babo ba bibuli bigilatusiba twabo. ⁵ Hanyuma hababi hugila tusiba twabo twa meega ma myoo gya milume wa liidi lyata, na benywe hamwihulicha liidi lya tusiba, batu bose bita bigodowa wa liidi lyata; na ibambacha ya mbuga yigwa hasi hoka haya, na babo batu bichina, na mtu ge gese gwigya u mbele wagili. ⁶ Bibyo Yoshua, mwaana gwa Nuni, gugitile bibuli, gubasambile, Liswalwe lindo lya malagano, iyaka bibuli njwii baaguhe tusiba njwii twa meega ma myoo gya milume u mbele wa lindo lya Mlume. ⁷ Nage gubasambile batu, Hiswe hambele, mwachunguluwe mbuga, na baya batu bene bali na tulume gela baalombole hambele ha lindo lya Mlume. ⁸ Haho Yoshua helihwile udogoma na batu, biya bibuli njwii, bene balibaguhe tuya tusiba njwii twa meega ma myoo gya milume u mbele wa Mlume, balombole, bagilile tuya tusiba; nalyo lindi lya Mlume libalamine hanyuma. ⁹ Na baya batu bene bali na tulume gela bagile hambele ha bibyo bibuli byine bibele hugilatusiba, na baya bene babele hanyuma balilamine liya lindo; bibuli bigilile tusiba hababele hugyata na uchunguluwa mbuga. ¹⁰ Yoshua gubasambile batu, guganine, nangu uiswa mdodo, na tamadi menyu mashihulichiwe, na ata iya yo yose ishihume m tunywa twenyu, ndaa na luya lusugu lwandimsambila uita mdodo, noo hamwiita mdodo. ¹¹ Bibyo gulihilile lindo lya Mlume ligichunguluwe mbuga, ligichunguluwile lwendo lumwechi, hanyuma bagiwile u bushamo bashamine u bushamo. ¹² Yoshua gubyuwile halwelo pee, nabyo bibuli biliswalile lindo lya Mlume. ¹³ Na biya bibuli njwii biguhile tusiba njwii twa meega ma myoo gya milume u mbele wa Mlume, bagililile nagila tusiba; nabo batu bene bali na tulume gela babalombwele, na baya bange bene babele hanyuma balilamine lindo lya Mlume; bibuli bigilile tusiba hababele hugyta. ¹⁴ Lusugu lwa bubili bachunguluwe mbuga lwendo lumwechi, bagiwile u boshamo; noo byabaitile masugu mtuba. ¹⁵ Haluhiile lusugu lwa njwii babyuwile halwelo pee mengo ma umayaya, bchunguluwe mbuga byoka biya nyendo njwii; alakini lulo lusugu bachunguluwe mbuga nyendo njwii. ¹⁶ Na lwendo lwa njwii bibuli habigilile tusiba, Yoshua gubasambile batu, gabuwe wa madi mata; bululi Mlume gwamma gino mbuga. ¹⁷ Na gigyo mbuga gibi bya bibagulwe yulu ya Mlume, mbuga gyogine na bitundu byine bilimo; nambo Lahabu, guya sengu ka noo gwihamaa, gee na batu bose bene bali hamwechi nage mndu, bululi gubabisile baya badinji bene batutumine. ¹⁸ Na benywe, mushiiiiihulwe ulihengya na bitundu byabibaguilwe; muishichwe uguha ibyaa ya ibagulwe, hanyuma ha uibagula; benywe bibyo mwibwita bushamo bwa Isilaeli ulogwa na ubuhyicha alugi. ¹⁹ Alakini lusuu lose na nolo, na bibya bya mmubo, na bya bigela, bibi bihaha wa Mlume; byilushiwa wahombo a Mlume. ²⁰ Haho batu bagodowile, na bibuli batele tusiba; na bibele, haya batu habahuliche liidi lya asiba babo batu bagodowile na mdodo wa liidi lyata abisa, na iya ibambacha ya giya mbuga yonugwa hasi abisa, na batu noo uchina hegulu hayo, bagingile mnda mbuga, ge gese gugililile u mbele; bawatile gigyo mbuga. ²¹ Bibyo bachiminye abisa bibya byose byine bibele mnda mbuga, balumyana na baachana, na baana na miungu, ng'ombe na myoo, na punda, na bwigi bwa ahilu. ²² Nage Yoshua gubasambile baya balumyana babili bene badindile sii, Gingilwe mnda ndu gya guya sengu, mummunye gugo mmachana na bitundu byage byose byeli nabyo, nahi byamumlahile pa. ²³ haho baya bawalubaga badinji bagingile, bammunyinye Lahabu, na sage, na mnage, na bashiwabo, nabibya byose byine byababele nabyo, babahuminye na bibushi byabo nabyo; babaiile hambuga ha bushamo bwa Isilaeli. ²⁴ Hanyuma boo nuuchigya mbuga na aahya, na bibya byose byine bibelemo; nambo ka lusuu, na nolo, na bibya bya mmubo na bya bigela, babibiile mnda ahombo a ndu gya Mlume. ²⁵ Alaini Yoshua gum'biile Lahabu na mwego, guya senguna batu ba ndu ya sage, na bibya byose byinebyababele nabyo; nage nuushama hawingi ha Isilaeli ndaa na lino; yulu gubabisile baya bahiilwe na Yoshua yulu ya udinda mbuga gya Yeliko. ²⁶ Nage Yoshua gubalahiche ulaha pa maya meno, guganine, Gwilogwa u mbele wa Mlume mtu guya mine gwiginyuwa na ugubaa iyaka gino mbuga gya Yeliko; gwigimiya mshingi gwage na uwilwa na bubele bwage. iyaka gwigimiya michango wa uwila na mwanage gwa mlumyana gwili gwa alenge. ²⁷ Haho Mlume gubele hamwechi na Yoshua; punda chage chiwilile mnda sii giya gyose.