¹ Haya Yoshua hesilibele mmungu, na ugililila abisamyaa gyage, Mlume gumsambiele Gogwe usili mmosu naugililila abisa myaa gyobe, bino hili hashigachu bibalo biingi abisa byine bishi nawaswa. ² Sii gya gishigachu noo gino, sii gyose gya Bafilisti, na gya Bageshuli bose; ³ uhuma Shiholi, ndaa na luya luudi lwa uhyila Misili, ndaa na lugumba lwa Ekloni luubi lwa uboo wa uachi, sii gilihubalwa uba gya Bakanaani; baata batano ba babo Bafilisti; Bagaza, na Baashdodi; na Baashkeloni, na Bagiti, na Baekloni; iyaka Baavi, ⁴ luubi lwa uboo wa ulume; sii gyose gya Bakanaani na Bameala, gyine gili gya Basidoni, ndaa na Afeka, ndaa na ulugumba lwaBaamoli; ⁵ na sii gya Bagebali na Lebanoni lyose, luubi lwa ubutobwelo bwa chuba, uhuma Baal-gadi gili hasi ha loono lwa Helmoni ndaa na uhiya bugingililo bwa Hamathi; ⁶ nabato bose bene bali hushama uhuma sii gyose gya tubandagulu uhuma Lebanoni ndaa na Mislefoth-maimu, nuu ugana babo Basidoni bose; babo bose nibachinga bahumeu mbelewa baana ba Isilaeli, alakini gogwe ubahe ba Isilaeli bose uba buhyana bwabo, nahi byandiusambie. ⁷ Bino hano ubegabula gino sii, gibe buhyana bwa bino bilongo yahabula, na isunyi ya ilongo ya Manase. ⁸ Hamwechi nage,Baleubeni na Bagadi bahwile uhewa buhyana bwabo, bwabahelwe na Musa,uya m'bwala bwa Yolodani luubi lwa mlugulu, byoka biya nahi gugo Musa mgichi gwa Mlume byelibahele; ⁹ uhuma uya Aloeli, gili wisula ya iuwa ya Amoni, na gigyo mbuga gilihaya hawingi ha iuwa ya sii gya ibandabanda yose ya Medeba ndaa na Diboni; ¹⁰ na mabuga mose ma Sihoni oolo lya Baamoli, minr guhyilile Heshboni, ndaa na lugumbalwa Amoni; ¹¹ na Gileadi naulugumba lwa Bagesuli na Bamaaka, na loono lwa Helmoni lose, na Bashano bose ndaa na Saleka; ¹² buolo bose bwa Ogu bwinebubeleu Bashani, gugo mine gubele huhyilila uya Ashtalothi na uya Edlei (gugo gushigele u giya mihona gya baya Balefai) ; bululi Musa gubalwile babo na ubachinga. ¹³ Hamwechi na bibyo baana ba Isilaeli bashibachingile Bageshuli, na Bamaaka ; alakini Bageshuli na Bamaaka bashamine hawingi ha Isilaeli, ndaa na lusugu luno lwa lino. ¹⁴ Alakini gushibahle ilongo ya Lawi buhyanabu bose ; bululi lutangi lwa Mlume, Abetcha a Isilaeli, lwine lusutangilwa wa ndila gyaaha noo buhyana bwage gugo, nahi byelimsambile. ¹⁵ Musa gubahele ilongo ya Leubeni wa ulamanana ibushi yabo. ¹⁶ Lugumba lwabo lubele uhuma Aloeli, lwine luli u wisulaya iuwa ya Amoni, na giya mbuga gyine gili hawingi ha iyo ibetabeta, na sii gya ibandabanda gyose gyine gili hoka na Medeba; ¹⁷ na Heshboni na mabuga mage mose menemali nda ibetabeta; na Deboni, na Bamoth- baali,na Beth-baal-meoni; ¹⁸ na Yahasa, na Kedemothi, na Mefaathi; ¹⁹ na Keliathaimu, na Sibma, na Seleth-shahali u loono lwa iyo ibetabeta; ²⁰ na Beth-poeli, na sii gya miundumuo gya Pisga, na Beth-yeshimothi; ²¹ na mabuga mose ma sii gya ibandabanda, na buolo bose bwa Sihoni oolo lya Baamoli, mine gubele hihyilila uya Heshboni, mine guhagilwe na Musa hamwechi na babo baata ba Midiani, nabo noo Evi, na Lekemu, na Suli, na Huli, na Leba, babo noo baata ba Sihoni, benebabele mnda gigyo sii. ²² Balaamu nage, gugo mwaana gwa Beoli, gugo mgabo, baana ba Isilaeli bammagile wa ahilu hawingiha baya bange bene bahagilwe. ²³ Na lugumba lwa baana ba Leubeni lubele m luudi Yolodani, noo lugumba lwage, bubo noo buhyana bwa baana ba Leubeni ulamana na ibushi yabo, mabuga mage na tusoi twage. ²⁴ Musa gubahele baana ba Gadi, wa ulamana na ibushi yabo. ²⁵ Lugumba lwabo lubele Yazeli, na mabuga maya ma Gileadi, na isunyi ya sii gya baana ba Amoni, ndaa na Aleoli gyine gili Laba; ²⁶ iyaka uhuma Heshboni ndaa na Lamath-Mizpe, na Betonimu; iyaka uhuma Mahanaimu ndaa na Debili; ²⁷ iyaka wibetabeta ya Beth-halamu, na Bethnimila, na Sukothi, na Safoni, maya menemashigele ma oolo Sihoni oolo lya Heshboni, noo, luudi Yolodani na lugumba lwage, ndaa naisula ha bahali lya Kinelethi m'bwala bwa bubili bwa Yolodani luubi lwa mlugulu. ²⁸ Bubo noo buhyana bwa baana ba Gadi ulamana na ibushi yabo, mabuga mage na tusoi twage. ²⁹ Hanyuma Musa guihele iya isunyi ya ilongo ya Manase buhyana bwabo; ubele m wa iyo isunyi ya baana ba Manase ulamana na ilongo yabo. ³⁰ Na lugumba lwabo lubele uhuma uya Mahanaimu, Bashani gyose, na buolo bose bwa Ogu oolo lya Bashani, na mabuga mose ma Yaili, gyine gili u Bashani, mabugamaumi mtuba; ³¹ na isunyi ya Gileadi, na Ashtalothi, na Edlei, mamo mabuga ma buolo bwa Ogu uya u Bashani mabele m ma baana ba Makili mwaana gwa Manase ulamana na ilongo yabo. ³² Buno noo bihyana buhyaninye Musa bweli gabulile mnda sii gya ibandabanda ya Muobu, m'bwala bwa bubili bwa Yolodani, ulolanana Yeliko, luubi lwa mlugulu. ³³ Alakini Musa gushibahele baibushi ya Lawi buhyana bwabo bo bose uya; gee Mlume, Abetcha a Isilaeli noo buhyana bwabo, naho byelibasambile.