¹ Bino mano noo maoolo ma sii, mene baana ba Isilaeli baabahimine na uguhyilila sii gyabo m'bwala bwa bubili bwa Yolodani, luubi lwa wine usuhuma chuba, uhuma wihongelela ya Amoni ndaa na loono Helmoni, na sii gyose gya Alaba luubi lwa mlugulu; ² Sihoni oolo lya Baamoli, gubele hushama uya Heshboni, nage noo guhyilile uhuma Aloeli, gibele mibamba mwa ihongelela ya Amoni, na uhuma giya mbuga gwine gili hawingi ha ihongelela, naisunyi ya Gileadi, na ata uluhyila luudi Yaboki, lugumba lwa baana ba Amoni; ³ Na sii gya Alaba ndaa na u bahali lya Kinelethi, uhugulwila mlugulu, iyaka ndaa na u bahali lya Alaba, ndaa na ubahali lya Miinyu, ugya mlugulu, ndila byugya Beth-yeshimothi; iyaka luubi lwa uboo wa ulume, hasi ya mmundumuo gwa Pisga; ⁴ iyaka lugumba lwa Ogu oolo lya Bashani, mine gubele mmona gwa baya Balefai, gubele hushama Ashtalothi na Edlei, ⁵ nage guhyilile u loono lwa Helmoni, na uya Saleka, na uya Bashani gyose, ndaa na ulugumba lwa Bageshuli, na Bamaaka, na isunyi yaGileadi, lugumba lwa gugo Sihoni oolo lya Heshboni. ⁶ Musa mgichi gwa Mlume na gwa baana ba Isilaeli bahalwile; nage Musa mgichi gwa Mlume gubahele Baleubeni, na Bagadi, na isunyi ya mmoga gwa Manase gibe buhyana bwabo. ⁷ Na mano noo maoolo ma gigyo sii gyine Yoshua na baana ba Isilaeli babaleile m'bwala bwa bubili bwa Yolodani luubi lwa mlugulu, uhuma Baal-gadi mnda ihongolela ya Lebanoni ndaa naloono lwa Halaki, lubele hulolela Seili; Yoshua nage gubihele bilongo bya Isilaeli uba bihana byabo ulamana na ugabanya wabo; ⁸ mnda sii gya tubandagulu, na uyaShefela, na giya sii gya Alaba, na giya miundumuo, na na guya mgala, na uya Negebu; sii gya Mmiti, na Mmamoli, na Mkanaani, na Mpelizi, na Mmivi, na Myebushi,; ⁹ oolo lya Yeliko, gumwechi; oolo lya Ai, gili hoka na Betheli, gumwechi; ¹⁰ oolo lya Yelusalemu, gumwechi; oolo lya Hebloni, gumwechi; ¹¹ oolo lya Yalmuthi, gumwechi na oolo lya Lakishi, gumwechi; ¹² oolo lya Egloni, gumwechi; na oolo lya Gezeli, gomwechi; ¹³ oolo lya Debili, gumwechi; oolo lya Gedeli, gumwechi; ¹⁴ oolo lya Holma, gumwechi; oolo lya Aladi, gumwechi; ¹⁵ oolo lya Libna, gumwechi; oolo lya Adulamu, gumwechi; ¹⁶ oolo lya Makeda, gumwechi; na oolo lya Betheli gumwechi. ¹⁷ oolo lya Tapua, gumwechi; oolo lya Hefeli, gumwechi; ¹⁸ oolo lya Efeka, gumwechi; oolo lya Lashaloni, gumwechi; ¹⁹ oolo lya Madoni, gumwechi; oolo lya Hazoli, gumwechi; ²⁰ oolo lya Shimlon-meloni, gumwechi; na oolo lya Akshafu, gumwechi. ²¹ oolo lya Taanaki, gumwechi; oolo lya Megido, gumwechi; ²² na oolo lya Kedeshi, gumwechi; oolo lya Yokneamu gwa Kalmeli, gumwechi; ²³ oolo lya Doli, gumwechi; na oolo lya bilongo bya Gilgali, gumwechi; ²⁴ na oolo lya Tlsa, gumwechi; maoolo mamo mose mabele maumi matatu na gumwechi.