¹ Hanyuma bibele haya guya Yabini, oolo lya Hazoli, helihuliche mwano gwa bibyo bihisho, gutumine mwano wa guya Yobabu, oolo lya Madoni,na wa oolo lya Shimloni, na wa oolo lya Akshafu, ² namaya maoolo mene mabele luubi lwa uboo wa uachi,mnda sii gya tubandagulu, na sii gya Alaba luui lwa uboo ulume wa Kinelethi, na uyaShefela, na sii gya gyagiginyubu gya Doli luubi lwa igolo, ³ na wa Mkanaani luubi lwa mlugulu na luubi lwa igolo, naa Mmamoli, na Mmiti, na Mpelizi, na Myabusi, mnda sii gya tubandagulu, na wa Mmivihaya hasi ha Helmoni mnda sii gya Mispa. ⁴ Nabo batobowile hambuga, boo na basolokoto babo bose hamwechi nabo, batu beengi abisa, nahi isee yine ili wibega ya bahali bwingi bwabo, hamwechi na falasi na tubilibili twiingi abisa. ⁵ Maoolo mamo mosa masumbile hamwechi; magile na ugimiya bitula byabo hmwechi haya ha maadi ma Melomu, yulu ya ulwa na Isilaeli. ⁶ Mlume gumsambile Yoshua, Ushiminyi booba yulu ya babo; bululi mmeshi meno naho mano nibahunya bose babaube u mbele wa Isileli; witema falasi chabo, na tubilibili twabo wituchigya na aahya. ⁷ Bibyo Yoshua gugile, na batu bose ba bita hamwechi nage, yulu ya ulwa nabo haya ha maadi ma Melomu wa ubasabutwila; babagunjwile. ⁸ Mlume gubabiie mna maboo ma Isilaeli, nabo babahagile, na ubachinga na ubahyicha ndaa na Sodonimbuga gyan gyata, ndaa na uhiya Mislefoth-maimu, iyaka ndaa na uhiya ibetabeta ya Mispaluubi lwa mlugulu; babahagile na bashishile ata mmona gumwechi. ⁹ Yoshua gubaitile byoka biya nahi Mlume byelimsambile; gutemine falafi chabo, na tubilibili twabo gutuchigiche aahya. ¹⁰ Yoshua gugiwile mamo mengo na uwata Hazoli kole, gummagileoolo lya Hazoli na ahilu; bululi Hazoli haya hambele gibele mswe gwa mamo moolo mose. ¹¹ Nabo babahagile bose bene babele mnda Hazoli wa bwigi bwa ahilu, babachiminye abisa; bashishige ata gumwechi mine guli huhemena na luhuda; hanyuma gugichigiche Hazoli na aahya. ¹² Iyaka mabuga mose ma mamo maoolo, namaoolo mamo mose, Yoshua gubaguhile na ubahaga wa bwigi bwa ahilu, nauachimya abisa; byoka biya nahi Mus mgichi gwa Mlume byalimsambile. ¹³ Alakini yulu ya mwano gwa maya mabuga mene magimene u tubandagulu twabo, Isilaeli ishimachigiche mamo mabuga aahya, nambo mbuga gya Haoli ka; gigyo mbuga Yoshua gugichigiche aahya. ¹⁴ Iyaka kole chose cha mamo mabuga, na nyama cha mmabuga, baana ba Isiaeli gaguhile uba kole chabo; alakini mtu ge gese guhagilwe wa bwigi bwa ailu, ndaa na byababele bahuhwa ubachimya bose na hashishigele ata gumwechi mine guli huhemena. ¹⁵ Byoka biya nahi Mlume byelimsambile Musa mgichi gwage, noo Musa byelimsmbile Yoshua; nage Yoshua guitile bibyo; gushihulilwe uita inywa yo yose u iyayose yine isambilwe Musa na Mlume. ¹⁶ Bibyo Yoshua guguhile gigyo sii gyose, gigyo sii gya tubandagulu, sii gyose gya Negebu, na sii gya Gosheni, na gigyo Shefela, nagigyo Alaba na sii gya tubandaguu twa Isilaeli, na giya sii gya ibandabanda; ¹⁷ utula loono lwa Halaki, lugililila luubi lwa Seili, ndaa na Baal-gadi wihingelela ya Lebanoni; nage gubaguhile maoolo mabo mose, na ubawata kole, na ubahaga bose, ¹⁸ Yoshua gulwile bita masugu mengi na mamo maoolo mose. ¹⁹ Hashibele mbuga ata gimwechi gyine gibiile malagano ma talala na baana ba Isilaeli, nambo baya Bahivi bene babele hushama Gibeoni; bamawatile mose na bita. ²⁰ Bululi m wa yulu ya Mlume gubabiile mitima gigumu, na byabachuwile ugya ulwa na Isilaeli, yulu gaoshe ubachimya abisa, bashimonenywe misa abisa alakini gaoshe ubachimya, nahi biya Mlume byelimsambile Musa. ²¹ Mamo mengo Yoshua gugile na ubachinga koo baya Baanaki bene bahumine sii gya tubandagulu, uhuma Hebloni, na uhuma Debili, na uhuma Anabu, na uhuma mnda sii gya tubandagulu twa Yuda, na uhuma mnda sii gyose gya tubandagulu twa Isilaeli; Yoshua gubachiminye abisa na mabuga mabo mose. ²² Hashishigele Mmaanaki ata gumwechi mnda sii gya baana ba Isilaeli; nambo mnda Gaza ka, na mnda Gathi, na mnda Ashdodi bashigele. ²³ Haho Yoshua guwatile kole mamo mabuga mose, ulamana na biya Mlumebyelimsambile Musa; Yoshua nage guhele baana ba Isilaeli uba buhyana bwabo, ulamana na byabaligabile mioga gyabo. Hanyuma sii gisengemane gishibe na bita iyaka.