¹ Bino hano, Adoni-sedeki, oolo lya Yelusalemu, helihuliche biya Yoshua byeliwatile mbuga gya Ai na ugigugicha abisa; nahi byeligiitile mbuga gya Yeliko na oolo lyagyo, gugiitile bibyoAi na oolo lyagyo; na biya bashami bashamine Gibeoni byabaitiletalala na Isileli, na mnda ugana babele hawingi habo; ² haho bamonine booba abisa, wa yulu ya Gibeoni gibele mbuga gya gyata, nahi bili mabuga ma gimwe gya maolo, iyaka wa ibalo gibele m mbuga gyata uhima Ai, iyaka batu bage bose babele bilume bya bita. ³ Bibyo Adoni-sedeki, oolo lya Yelusalemu, gutumine mwano wa Hohamu, oolo lya Hebloni, na wa Pilamu, oolo lya Yalmuthi, na wa Yafia, oolo lya Lakishi, na wa Debili, oolo lya Egloni, gubasambile, ⁴ Bino, seelwe, chuwe wandi, mumbwatiliche, tulwe Gibeoni; wa ibalo gyaita talala hamwechi na Yoshua na baana ba Isilaeli. ⁵ Bibyo mamo maolo matano ma Baamoni, oolo lya Yelusalemu, naoolo lya Hebloni, na oolo lya Yalmuthi na oolo lya Lakihi, na oolo lya Egloni, basumbile hamwechi, hanyuma maselile, boo na basolokoto babo bose, na ubiya bitunga byabo pinda piswa gya Gibeoni na ugilwa bita. ⁶ Haho batu ba Gibeoni bahilile mwano uli Yoshua uya Gilgali u bushamo, bamsambile, Ushiulebeche uboo obe na utulecha beswe bagichi bobe; chuno wetu abilo, utuhogonone, na utuwatilicha; wa bululi maolo mose ma Baamoli bene basusham nda sii gya tubandagulu basumbila hamwechi yulu yetu. ⁷ Bibyo Yoshua guselile uhuma Gigali, gee na batu ba bita bose hamwechi nage, nabilume bya bita byine bili na uosha wa ulwa byose. ⁸ Mlume gumsambile Yoshua, Ushibamone booba babo batu; bululi nene nahuhwa ubabiya mnda maboo mobe; hashi mtu hawingi habo mine gwigimana u mbele obe. ⁹ Haho Yoshua gubaglile wa usabutula; yulu guselile uhuma Gilgali ugya busugu busugu. ¹⁰ Mlume nage gubasalile u mbele wa Isilaeli, nage Isilaeli gubahagile wa buhaganyi bwata haya Gibeoni, gubachignile, bagisinine giya ndilagya usalila ugya Beth-holoni, na ubahaga ndaa nauhyila Azeka, iyaka na uhyila Makeda. ¹¹ Hanyuma bibele, haya hababele husina u mbele wa Isilaeli, haya hababele huundumwila Beth-holoni, haho Mlume gubatelele mawe ma mata uhuma ha gulu hegulu habo ndaa na uhyila Azeka, nabo bawile; baya bawile wauhagwa na mamo mawe ma peho babele beengi uhima baya bene bahagilwe na baana ba Isilaeli wa ahilu. ¹² HahoYoshua gudogomine na Mlume luya lusugu lwine Mlume lwelibahuminye Baammoli u mbele wa baana ba Isilaeli; gudogomine u mbele wa meeso ma Isilaeli, Lyenywe Chuba, gimana boo hegulu ha Gibeoni; Na gogwe Mwechi, gimana wibetabeta ya Aiyaloni. ¹³ Haho chuba ligimene, na mwechi nuugimana, Ndaa na guya mmoga haguhwile uligilwila u tumangu twabo. Bibyo wi wii! Bishigolilwe mnda itabo ya Yashali? Hahu chuba ligimanine boo hawingi ha gulu, nalishiitile abilo usala nahi mengo ma chuba ligima. ¹⁴ Hashibele lunge lusugu nahi lulo ha masugu mene matangile uba hambele hage na hashiiiibele lunge lwine lulamene hanyuma ha lulo, na helibele gee Mlume uhulicha liidi lya mtu; bululi Mlume gubalwile bita wa yulu ya Isilaeli. ¹⁵ Haho Yoshua gugiwile, na Isilaeli yose igiwile hamwechi nage, ndaa na ubushamo haya Gigali. ¹⁶ Na maya maoolo matano masinine, malibisilenda mmao gwa Makeda. ¹⁷ Hanyuma Yoshua gusambilwe gugo mwano, ugana, Mamo maoolo mamoneya, malihulibisa mnda mmao gwa Makeda. ¹⁸ Haho Yoshua guganine, Bino umbagachiwe mawe ma mata u mchango gya gugo mmao, hanyuma mwabiya batu haya yulu bause. ¹⁹ alakini benywe mushishame; balamwe ba tumangu twenyu, luwe baya bene bali unyuma; mushibalei bagingile mnda mabuga mabo; bululi Mlume, Abetcha enyu ababiya mnda maboo menyu. ²⁰ Hanyuma bibele, haya Yoshua, na baana ba Isilaeli, hababele bahuhwe ubahaga batu bengi abisa, nahabachimiwe, na giya mihona gyabo gyine gishigele hagibele gyahuhwa ugingila m mabuga mabo menebali na migumbo, ²¹ bibyo babo batu bose bamgiwilile Yoshua u bushamo uya Makeda kolongecho; hashibele mtu mine godogomine pinda piswa gya babo baana ba Isilaeli ata gumwechi gwabo. ²² Hanyuma Yoshua, gugamine, bugulwe mchango gwa mmao, mudushishemamo maolo matano hano hambuga ha mmao. ²³ Nabo baitile, bamalushishe maya maoolo matano haya hambuga ha mmao, noo, oolo lya Yelusalemu, na oolo lya Hebloni, na oolo lya Yalmuthi, na oolo lya Lakishi, na oolo lya Egloni. ²⁴ Hanyuma ha haya hene habamlushishe Yohua maya maoolo matano haya hambuga, Yoshua gubagitile balumyana bose ba Isilaeli, gubasambile bilume bya basolokoto ba bita bene bagile nage, Bino, shenywe hoka, gyatilwe na magulu menyu u maoshi ma mano maoolo. Nabo bashenine hoka, bagyatile na magulu mabo u maoshi mamo. ²⁵ Yoshua gubasambile, na musididibuwe; mube na uoma na mtima gya gigumu; yulu bibyo noo byimmitila Mlume u tumangu twenyu tose twine twamwilwa nato. ²⁶ Hanyuma Yoshua gubahulile na ubahaga, gubasundiye u miti gitano; nabo babele basundiwe u giya miti ndaa na igolo. ²⁷ Hanyuma ha mengo ma chuba usala, Yoshua guhanane alago, nabo babasadiche u gigyo miti, na ubatela mnda guya mmao gwine gwababele hulibisa hanyuma babiile na mawe ma mata u mchango gwa mmao, ndaa na bino lino. ²⁸ Lulo lusugu Yoshua guwatile mbuga gya Makeda, gubahagile wa bwigi bwa ahilu, na oolo lyage; gubachiminye bose abisa bene babele mnda mwagyo, gushimshigile ata gumwechi mine gubele na mwego; nage gummitile oolo lya Makeda nahi byeliitile liya oolo lya Yeliko. ²⁹ Hanyuma Yoshu guhitile uhuma haya Makeda, ndaa na Libna, na Isilaeli yose hamwechi nage, nabo balwile Libna. ³⁰ Mlume gugibiile gigyo mbuga hamwechi na oolo lyagyo mnda maboo ma Isilaeli; nage gugilwile wa bwigi bwa ahilu, nabose bene babele mnda mwagyo; gushimshigile ata gumwechi mine gubele na mwego mnda mwagyo, nage gumgilile oolo lyagyo nahi byeligilile oolo lya Yeliko. ³¹ Yanyuma Yoshua guhitile uhuma haya Libna, na Isilaeli yose hamwechi nage, bahiile Lakishi, bagimiye bushamo u mbele wagyo na ulwa nabo; ³² Mlume gugibiile gigyo mbuga gya Lakishi m muboo wa Isilaeli, nage gugiwatile lusugu lwa bubili, gugilwilewa bwigi bwa ahilu, na bose bene babele mnda mwagyo, ulamana na byose gyine byeligilile Libna. ³³ Mamo mengo Hulamu oolo lya Gezeli, guselile yulu ya uwatilicha Lakishi, alakini Yoshua gummagile gee na batu bage, na gushishigele ata mtu gumwechi. ³⁴ Hanyuma Yoshua guhitile uhuma Lakishi, na Isilaeli yose h amwecshamine u m bele wa wagyo, na ulwa nabo. ³⁵ loka lulo lusugu gugiwatile, nabo bagilwile wa bwingi bwa ahilu, na batu nabo bene babele mnda mwagyo gubachiminye abisa lulo lusugu, ulamana na bibyo byose byine byeligilile mbuga gya Lakishi. ³⁶ Hanyuma Yoshua guselile uhuma haya Egloni, na Isilaeli yose hamwechi nage,noo byabahiile Hehloni; nabo balwile nabo. ³⁷ bagiwatile, naugilwa wa bwigi bwa ahili, na oolo lyage, na mabuga mage mose, na bose bane babele mnda mwagyo; gushimshigile ata mtu mine guli na mwego gumwechi, ulamana na biya byosebyeligiitile mbuga gya Egloni; alakini gugichiminye abisa, na bose bene babele mnda mwagyo. ³⁸ Hanyuma Yoshua gugiwile, na Isilaeli yose hamwechi nage, ndaa na Debili; nabo balwile nabo; ³⁹ hanyuma gugiwatile, na oolo lyage, na mabuga mabe mose; nabo balwile wa bwigi bwa ahilu, babachimine abisa bose bene babele mnda mwagyo; gushimshigile ata mtu gumwechi na mwego; nahi byeliitile Heblono na Debili bibyo, na oolo lyage; nahi byeligiitile Libna, na na oolo lyage. ⁴⁰ Bibyo Yoshua gugilwile giya sii gyose, sii gya tubandagulu, na sii gya Negebu, na sii gya Shefela, na sii gya miundumuo, na maoolo magyo mose; gushishigile ata gumwechi na mwego; alakini gubagugiche abisa bose bene balihuhemena luhuda, nahi Mlume, Abetcha a a Isilaeli byaliganine. ⁴¹ Yoshua gubalwile uhuma Kadesh-balnea ndaa na Gaa, na sii gyose gya Gosheni, ndaa na Gibeoni. ⁴² Na maoolo mamo mose ma sii gyabo Yoshua gugiwatile, mamo mengo, wa yulu gee Mlume, Abetcha a Isilaeli, gulwile yulu ya Isilaeli, ⁴³ Hanyuma Yoshua gugiwile, na Isilaeli yose hamwechi nage, ndaa na ubushamo bwa uya Gilgali.