¹ Bino, ubegita; wi wii! Hali gwiugaa? Gogwe wimgila guhi hawingi ha babo bahaha? ² Bululi sungu chisummaga mtu mmugi, Na buwa busuhaga ahoso. ³ Nibamonine bahugi balihusacha michinga; Ata bubyo nilogile bushamo bwage. ⁴ Baana bage bali koo na uhogononywa, Nabo bali hulungana ha mchango, Na hashi mine gwibahonya. ⁵ Bene bali na ndala basuya biliwa byage, Na ubiguha na ubuhinya mnda miigwa, Nabo bene bali na yuuma bali huhemenena bitundu byabo. ⁶ Bululi asusu ashibahuma mnda isee, Ata adugwa ashibatota u bitete; ⁷ Bibyo mwana mtu gusubuswa yulu gabe na adugwa, Nahi mitetele gya aahya byagishuguluwa. ⁸ Bibyo nene nabammenga Abetcha, Nabam'biila Abetcha ibalo yanyi. ⁹ Gee gusugila bihisho byata, byine bishibamanyiya; Bihisho bya bisaga byine bishi nanlubalo. ¹⁰ Gee mine gusuhana mbula ginye hegulu ha sii, Na uhila maadi mmabala; ¹¹ Gusubaginuna hegule baya bali hasi; Na baya bene bali na malilo basuuswa uba poo. ¹² Gee gusubele mihungo gya babii, Maboo mabo mashioshe uwilicha mihungo gyabo. ¹³ Gee gusubawata bene bali na lwengu mnda usona wabo boo bene; Na mihungo gya bene bali na maoshi magumu gisudoga wa abili. ¹⁴ Boo basumona mdoo mengo ma mchuba, Ubabata mengo ma mchuba nahi m'busugu. ¹⁵ Bibyo gee gusuhogonona wa ahilu a anywa abo, Ndaa na umogomona msabi na uboo wage guya guli na uoma. ¹⁶ Biino gugo mbuchu guli na maudagilo, Na ugugila usummamba anywa age. ¹⁷ Loola, guli na luhanga lusoga mtu guya gulihuambilwa na Abetcha; Wa bibyo ushinenune gusugiwichiwa, na gugo Gwooma ose. ¹⁸ Bululi gee gusubongola na gusugilaha; Gee gusubiya malase, na maboo mage masuhonya. ¹⁹ Gee gwiuhogonona na tususu mtuba; Ehe, ata hawingi ha njwii hashi usona wine wiuuda. ²⁰ Mengu ma ndala gwiuhogonona na lubu; Na u bita gwiuhogonona na uoma wa ahilu. ²¹ Wibiswa na bihulo bya lulimi; ata bibyo ushimone booba bwa uchimiwa wine wichwa. ²² Gogwe wiuseya uchimiwa na ndala; Ata bibyo ushisina byiila bya buhuchi bya m mibaloo. ²³ Bului ubi na malagano na mawe ma mmabala; Nacho nyama cha m mabala chibi natalala oli. ²⁴ Gogwe wimana ugana itula yobe ibi kolongecho; Na liha lyobe wililola na ushihulwa atu. ²⁵ Iyaka wimana ugana ibushi yobe ibi iingi, Na bibushi byobe bibi naho nyobu cha sii. ²⁶ Gogwe wihiya u sinda uli na myaa giwilile, Nahi mkanda gwa ngano ha mengo mage. ²⁷ Loola, bino twabidinda, noo byabili; Ubihuliche, ubimane, yulu ube ma bisoga.