¹ Iyaka Elihu gugaile na guganine, ² Wi wii!Gogwe ulihulanga ugana biino no kiine gyobe, Ao wi wii! Wagana, Kiine gyanyi gili gihime gya Abetcha, ³ Bululi wagana, Habi alambwe nai olo gogwe? Iyaka, nibi na alambwe nai, uhima nabegila buubi? ⁴ Nene nuiugaa, Na baba beenobe hamwechi nobe. ⁵ Ulole gulu wamone; Na matimba umalole, mene mali hegulu uhima gogwe. ⁶ Nambo ugilile buubi, ugilile ii yulu yage? Nambo buubi bobe bwalibiwa bwiingi, wamgila gee ii? ⁷ Nambo uli na kiine, wamma itu nai? Ao gee gwagaa ii mnda uboo obe? ⁸ Usona obe unam'bongola mtu nahi gogwe; Na kiine gyobe gina mma gunge mtu alambwe. ⁹ Wa ibalo ya bwingi bwa buhulihuli boo bali hulila; Balilile mbwatilicho wa ibalo ya uboo wa baata. ¹⁰ Na hashi gugana, Guli uhi Abetcha M'bumbi gwanyi, Gusubaha ng'imbo mengo ma busugu; ¹¹ Gusutugigya uhima nyama cha mgala, Na utuita tube na lwengu uhima tunonyi twa ha hululu? ¹² Basulila uya, nahashi gugana, Wa ibalo ya mnenunana gwa batu basone. ¹³ Chigilwe Abetcha gushihulicha bya bunene, Na Dambe gushibulola. ¹⁴ Haya gogwe hosugana ushimlola, Ubo uchingwa uli umbele obe, gogwe uli hummemba! ¹⁵ Biino hano, wa ibalo gee gushimmuchwile wa sungu chage, Na gushihuulola ata bya bunyama byobe; ¹⁶ Haho Ayubu guunune anywa age wa buhugi; Ubucha binywa bishi bya lwengu.