¹ Biino, Ayubu, nuusaba, uhuliche byadigana, Wabihuliche binywa byanyi byose. ² Loola bino, nabulula anywa anyi, Lulimi lwanyi lulihudogoma mnda anywa anyi. ³ Binywa byanyi byidogoma kiine gya mtima gwanyi; Na biya byandigidi milomo gyanyi gyibidogoma wa unigeya wa mtima. ⁴ Mtim gwa Abetcha noo gumumbile, Na luhuda lwa Dambe luli hupa mwego. ⁵ Nambu unasha ungaa; Ubigimiye binywa byobe abisa u mbele wanyi, ugimane. ⁶ Loola, nene nili u meeso ma Abetcha nahi byoli gogwe; Na nene niswagilwe uhuma u bitete. ⁷ Loola, udanja wanyi ushiubiya gogwe booba, Na nishiulemena wa bushito. ⁸ Chigilwe wadogoma mmatu manyi, Nene nahulicha liidi lya binyw byobe, ulihugana, ⁹ Nene nili too nishina buubi; Nishi na abachi, na nishi usona mnda mwanyi. ¹⁰ Loola, ulihumona ibalo ya usambuana nanyi, Ulihumbala uba amangu obe; ¹¹ Usumbiya magulu manyi mnda tumangila, Na mahitilo manyi mose umadinda. ¹² Loola, niugaa, wa ino inywa ushi na kiine; Bululi Abetcha iyaata uhima mwana gwa mtu. ¹³ Yulu yai uumnunina, Wa yulu ya biya byelihanene lubalo lwa bihisho byage byose? ¹⁴ Wa bululi Abetcha asudogoma lwendo lumwechi ka, Ehe ata nyendo chibili, inangwa mtu gushihubenja. ¹⁵ U malo, u malo ma mtima ma busugu, Hasuchwilwa batu na tulo, Tulo wiingo; ¹⁶ Haho noo hasuchibulwamatu ma batu, Na ulubiya byaala lugigyo lwabo, ¹⁷ Yulu gammunye mtu mnda mihungo gyage,Na um'bisila mtu unenuna; ¹⁸ Gee gusuchibila ichuli-chuli yage ya mwego ishigye mmiina, Na mwego gwage gushichimiwe wa ahilu. ¹⁹ Gee gusubiwa sumiya wa usumwa wiingo yage, Na wa uhimana wine uli hugililila mnda mauda mage; ²⁰ Na mtima gwage guli huonywa iliwa, Na ichuli-chuliyage ya mwego ili huonywa uya nyama cha chisoga. ²¹ Nyama cha m'bili gwage chilihuliwa, chishihumoneya; Na mauda mage mene mashihumoneya masogowa hambuga. ²² Ehe, ichuli-chuli yage ya mwego yahuhyiila wiina, Na mwego gwage gwahuhyiila bahaganyi. ²³ Inangwa gunaba ho malaika hanwechi nage, Gwugalula madi, gumwechi hawingi ha oki, Yulu ya ummonya mtu biya byine bili bimlingye; ²⁴ Haho noo helimmonena keene,na ugana, Mmogonone gashisale mmiina; Nene nimonine uhogonona. ²⁵ Nyama cha m'bili gwage chibilebelebe uhima cha mwaana; Ugiwilila masugu ma buwalubaga bwage; ²⁶ Gee gususaba Abetcha, nage gwimgitabicha; Ana gaimone yenyi yage wa saaso; Nage gusumgiwidicha mtu kiine gyage. ²⁷ Gee gusugimba u mbele wa batu, na ugana, Nene nagila buubi, na uhugicha biya byabigolobu, Na nishi giwichichiwe buubi wa buubi bwa iyo ihisho. ²⁸ Gee gwahogonona mtima gwanyi gushigye mmiina, Na mwego gwanyi gwiulola ugema. ²⁹ Loola, bibyobyose iy'Abetcha alihubigila, Myendo chibili, ehe, ata nyendo chitatu u mtu, ³⁰ Yuluya ugiwicha mtima gwage guhume mmiina, Yulu gabiiwe ugema wa ugema wa bine bali na mwego. ³¹ Lingamina abisa, Ee Ayubu, upuliche; Shama pii nene nadogome. ³² Nambouli na inywa ya udogoma, ungae; Dogoma, bululi nihubenja uubala uba uli na kiine. ³³ Nambo bishi bibyo, upuliche nene; Shama pii, nene niugigya lwengu.