¹ Haho Bildadi, Mshuhi, gugaile, na gudogomone, ² Wi wii! Ata mengo nai wibiila binywa magochi? Engelecha, hanyuma wadogome. ³ Twabalwa uba nyama yulu yai, Iyaka uba bunyenye u meeso mobe? ⁴ Gogwe mine uli hulibongola yulu ya sungu chobe, Wi wii! Sii gwishigwa yulu yobe gogwe? Na liwe lya lyata lihunyiwa ha ihana yage? ⁵ Ehe, ugema wa babii wichima, Ata lulindi lwa aahya age lushilama. ⁶ Ugema wa mnda itulayage lubi mdoo, Nalyo tala lyine lili hegulu hage lyichimiwa. ⁷ Matamba mage mauoma miswihiwa, Na mmungo gwage gee mine gwimgwisha hasi. ⁸ Bululigwatelwa mnd bwila na magulu mage gee mine. Nage gwigyata hegulu ya byundo bya mgochi gwage. ⁹ Iundo yim'bwata washindagulu age, Na gochi lyim'bwasha. ¹⁰ Gwabisilwa gochi hasi, nagochi gwabiilwa mndila. ¹¹ Byukya byam'biya booba ngubi chose, Na umchinga hoka na tushindagulu twage. ¹² Uoma wage wililwa na ndala, Na asusu abi tayali wa yulu ya ulibula wage. ¹³ Wiiya bilumbu bya m'bili gwage, Ehe, Bubele wa butangi bwa lubu gwiiya bilumbu byage. ¹⁴ Gwichulwa mnda itulayage yine yelibele huudagila; Nage gwihilwa wage oolo lya mdidibuo. ¹⁵ Yine ishi yage yishama mnda itula yage, Abigo ilamiwa hegulu ha bushamo bwage. ¹⁶ Hasi michinga gyage gyigumiwa; Na hegulu, tabi lyage lyigechwa. ¹⁷ Kengelecho gyage gyisunda mno mmibaloo, Na gushibi na china umabala. ¹⁸ Gwilamwa abilo uhuma u lwenge ndaa na umdoo, Na uchingwa gahume hano hamgala. ¹⁹ Gushibi na baana ata na beedulu mgilo gwa batu bage, Na hashishigala mtu haya hene hebele hushama. ²⁰ Babo bene balihushama luubi lwa igolo bigagilwa nanmasugu mage, Nahi biya bene balihushama mlugulu ibaloo byababiilwe iduba. ²¹ Chigilwe noo bili bushamo bwa bagugichu, Na hano iyihana yage guya mine gushimgidi Abetcha.